اللي تحب تسترجع ذكرى عرسها تدخل

[الـمـسـتـبـده]

مرحبااا بنات





ماعرف اكتب مقدمات بدش بالموضوع علطووول

اللي تحب تسترجع ذكرى عرسها اجاوب على الاسئله










وين صار عرسج اي قاعه ؟؟

اي صالون حطيتي مكياج ؟؟

كم ساعه وصلتي الصالون ؟؟

كم ساعه دخلتي القاعه ؟؟

كم ساعه زوجج دخل القاعه ؟؟

شنو كانت دخلتج ؟؟

رضيتي عن شكلج بالعرس ؟؟

رضيتي عن عرسج بشكل عام ؟؟







وشكرااااااااااااااا

 

[أم أحلى البنات.]

وناااااااااسسسسه .... حلو الموضوع ..



وين صار عرسج اي قاعه ؟؟

صالة السالميه ..

اي صالون حطيتي مكياج ؟؟

مكياجي بكونتنينتال

كم ساعه وصلتي الصالون ؟؟

اممممممم .. متأخره حيل >>> وصلت 2ونص الظهر !!!!


كم ساعه دخلتي القاعه ؟؟

10 وشوي ...


كم ساعه زوجج دخل القاعه ؟؟

امممممم .. عقبي بساعه تقريبا ...


شنو كانت دخلتج ؟؟

مبرووووووووك .. مبروك عروستنا >> لباسم الردهان على ما أظن ..


رضيتي عن شكلج بالعرس ؟؟

جدااااااااااا كان عاجبني بس ما عجب خواتي >> لانه كان نااااااااعم ...


رضيتي عن عرسج بشكل عام ؟؟

الحمدالله ..

 

[أم أحلى البنات.]

هههههههههههههههههههههه ؟؟؟؟!!!!

أول مره أصير أول رد ...

يسلمو عالموضوع الحلو ..

 

[ام شووووق]

رد : اللي تحب تسترجع ذكرى عرسها تدخل

للحين ماعرست ادعووووووووووووووووولي يتحدد

 

[جوزائيه مغروره]

وين صار عرسج اي قاعه ؟؟
هيا الزبن الروضه

اي صالون حطيتي مكياج ؟؟
كويت كونتيننتال

كم ساعه وصلتي الصالون ؟؟
12 ونص

كم ساعه دخلتي القاعه ؟؟
9 ونص

كم ساعه زوجج دخل القاعه ؟؟
11 الا شوي

شنو كانت دخلتج ؟؟
البدر اعتقد مالت راشد الماجد

رضيتي عن شكلج بالعرس ؟؟
طبعا وبدون غرور اقولها راضيه وراضيه وراضيه

رضيتي عن عرسج بشكل عام ؟؟
اي الحمدلله كل الامور مشت حسب الاصول

ويعطيج العافيه

 

[تميزي بفكري]

رد : اللي تحب تسترجع ذكرى عرسها تدخل

وين صار عرسج اي قاعه ؟؟
صالة سهو
اي صالون حطيتي مكياج ؟؟
حنان دشتي
كم ساعه وصلتي الصالون ؟؟
١٢الظهر
كم ساعه دخلتي القاعه ؟؟
مو القاعة بيتنا مادخلت الصالة ٨ عاد واللة وناس حفلتي في بيت اهلي كل اهلي وصديقاتي وطوله عالكوشة حسيت بالعرس هههه بعدين اهلي راحو الصاله الساعة عشر وموكلهم موجودين لما وصل زوجي كان حوسة عرسي ههه بس كلهم يقولون أونسلو عرس
كم ساعه زوجج دخل القاعه ؟؟
١٢بالليل. تخيلو كانو يفحصون فيه إخوانه جدام بيتنا ولما وصل دخل اهو الكوشه وانا عقب دخلت عليه لأني كنت ابيه يدقق فيني
شنو كانت دخلتج ؟؟
لاتقولو أنكم شفتوا عروس محمد عبده
رضيتي عن شكلج بالعرس ؟؟
ميك ابي ماعجبني حيل بس عموما كان شكلي حلو وواااو بس أنا احس انه يطلع مني اكثر هههه بس ثاني يوم ميك ابي احلى
رضيتي عن عرسج بشكل عام ؟؟
يس الحمد الله

 

[وجهت وجهي اليك]

آه ذكرتيني بالذي مضى
وين صار عرسج ؟
بفندق رجنسي
اي صالون حطيتي مكياج ؟
صالون مس ون
كم الساعه وصلتي الصالون ؟
الصالون يوني بالفندق العصر
كم الساعه دخلتي القاعه ؟
الساعه 9 ونص تقريبا
كم الساعه دخل زوجج ؟
يكمن عال11 ما اذكر بالضبط
شنو كانت دخلتج ؟
هب السعذ وفطومه اهيا اللي زفتني
رضيتي عن شكلج بالعرس ؟
لاااااااااااااااااااااااااااا كلش ما كان عاجبني شكلي بالعرس
رضيتي عن عرسج بشكل عام ؟
اي الحمدلله كان عرسي وايد حلو
وهالحجي من 17 سنه والف الحمدلله على نصيبي

 

[Tom ♥ Jerry]

رد : اللي تحب تسترجع ذكرى عرسها تدخل

.



وين صار عرسج اي قاعه ؟؟

فندق هوليدي آن ..

اي صالون حطيتي مكياج ؟؟

مع الآسف حنان دشتي بستكي

كم ساعه وصلتي الصالون ؟؟

آممم السآعه 12 الظهر

كم ساعه دخلتي القاعه ؟؟

الساعه تقريبا 9 و نص .. أو آكثر شوي ..

كم ساعه زوجج دخل القاعه ؟؟

مآ دخل لوول انا طلعتله يستحي فديته :$

شنو كانت دخلتج ؟؟

على اسمي .. :$

رضيتي عن شكلج بالعرس ؟؟

النفنوف > اي
بس التسريحه و الميكب > مو وآيد

رضيتي عن عرسج بشكل عام ؟؟


ايييييييييي الكل يمدحه من صوب ماشالله

 

[تميزي بفكري]

رد : اللي تحب تسترجع ذكرى عرسها تدخل

امبيه بدلياتي مو صج بس طوفو شابكه عالايباد كل مااكتب كلمة يألف كلمة بدالها
أونسلو =اونس
يفحصون =يقحصون

 

[ELFAD3Ah]

رد : اللي تحب تسترجع ذكرى عرسها تدخل

مرحبااا بنات





ماعرف اكتب مقدمات بدش بالموضوع علطووول

اللي تحب تسترجع ذكرى عرسها اجاوب على الاسئله










وين صار عرسج اي قاعه ؟؟

بصالة استقبال بيتنا لان اهل زوجي دينين
اي صالون حطيتي مكياج ؟؟

لمسة فن
كم ساعه وصلتي الصالون ؟؟

12
كم ساعه دخلتي القاعه ؟؟

8:30
كم ساعه زوجج دخل القاعه ؟؟

11
شنو كانت دخلتج ؟؟
راشد الماجد وزين رظو اهله
رضيتي عن شكلج بالعرس ؟؟
اي والله زوجي الي ماخذته عن معرفه ماعرفي
رضيتي عن عرسج بشكل عام ؟؟
اي والله

 

[مناتي]

وين صار عرسج اي قاعه ؟؟
حمود الزبن الروضة

اي صالون حطيتي مكياج ؟؟
كوننتيننتال

كم ساعه وصلتي الصالون ؟؟
وصلت عال 11
كم ساعه دخلتي القاعه ؟؟
دشيت عال 10

كم ساعه زوجج دخل القاعه ؟؟

12

شنو كانت دخلتج ؟؟
اعنية حسين الجسمي اسم الله المعبود
رضيتي عن شكلج بالعرس ؟؟

اي راضية عن شكلي والحمدلله

رضيتي عن عرسج بشكل عام ؟؟[/color][/size]
الحمدلله

 

[عادي من قلبي أشيلك]

وين صار عرسج اي قاعه ؟؟

موقاعه صالة الصباحيه مع انه ولا واحد منا بهالمنطقه كلنا بعيد <<<<شااااااكوووو


اي صالون حطيتي مكياج ؟؟
حنان دشتي

كم ساعه وصلتي الصالون ؟؟
11 الظهر

كم ساعه دخلتي القاعه ؟؟
10 ونص


كم ساعه زوجج دخل القاعه ؟؟
11

شنو كانت دخلتج ؟؟
هـــــب السسسسعد

رضيتي عن شكلج بالعرس ؟؟
اي الحمدلله

رضيتي عن عرسج بشكل عام ؟؟
الحمدلله

 

[نـور الكويت]

وين صار عرسج اي قاعه ؟؟

صاله مشبب الجلال

اي صالون حطيتي مكياج ؟؟

حطيت مكياجي بفندق ساس
كم ساعه وصلتي الصالون ؟؟
والله دخلت عليهم ثلاث وشي تأخرت
كم ساعه دخلتي القاعه ؟؟

الساعه 10 تقريبا
كم ساعه زوجج دخل القاعه ؟؟
11 إلا
شنو كانت دخلتج ؟؟

الي مدخلتني ايمان مهنا دخله عاديه بس كانت حلوه حييييل
رضيتي عن شكلج بالعرس ؟؟

الحمدالله كان شكلي يهبببل

رضيتي عن عرسج بشكل عام ؟؟

الحمدالله اهم شي التوفيق وعسى الله يوفقنا جميعا مع ازواجنا ويسخرهم لنا اللهم آمين

 

[آهات قلبي]

ههههههههه
ياحلوكم الله يهنيكم والفال حق حزب الطماااااااااااااشه يارب

انا بصراحه ماقدر أكتب ذكريات عرسي عقب ماقريت ذكريات البنات ماشاءالله ....يوووه خلوني ساكته عرسي قبل 18 سنه حده مغبر ويفشل ههههههههههههههه كل شي قديم لو بكتبه ماراح يعرفونه البنات هههههههههه:wqedqw:

 

[~ الــــزيــــن ~]

وين صار عرسج اي قاعه ؟؟ <<< صالة الحريش

اي صالون حطيتي مكياج ؟؟ <<< صالون كويت كونتننتال مع الاسف

كم ساعه وصلتي الصالون ؟؟ <<< الساعه 10 ونص الصبح

كم ساعه دخلتي القاعه ؟؟ <<< الساعه 11 إلا ثلث

كم ساعه زوجج دخل القاعه ؟؟ <<< الساعه 11

شنو كانت دخلتج ؟؟ <<< اغنية نبيل شعيل القديمه نورت ياحلاها بس كانوا بنات صغار يغنونها وفيها اسمي

رضيتي عن شكلج بالعرس ؟؟ <<< من ناحية البدله اي اما التسريحه والمكياج عندي بعروس قبل احلا لاني غلطانه مارحت لحنان دشتي مكياجها علي احلا

رضيتي عن عرسج بشكل عام ؟؟ <<< اي الحمدلله

 

[sondos]

رد : اللي تحب تسترجع ذكرى عرسها تدخل


وين صار عرسج اي قاعه ؟؟

فندق طارق<<<شخبااارى


اي صالون حطيتي مكياج ؟؟


مدام دنيا اذا تذكرونها

كم ساعه وصلتي الصالون ؟؟

3 الظهر

كم ساعه دخلتي القاعه ؟؟


9

كم ساعه زوجج دخل القاعه ؟؟


11 تقريباا

شنو كانت دخلتج ؟؟


هب السعد <<<<<ماكان فى اختيارات


رضيتي عن شكلج بالعرس ؟؟


لالا ابدا ابدا ابدا


رضيتي عن عرسج بشكل عام ؟؟


لا باس الحمدالله .......المهم ان عندى ذكرى حلوة مع زوجى

 

[blue diamond]

الموضوع يونس انا مو متزوجه جان سدحت الاجوبه بالموضوع

 

[شقرديـه عالطل]

موفقين الفال لنا

 

[جاتيم]

COLOR="Red"]ذكرتينه بالايام الي مضت يا حلوها

وين صار عرسج اي قاعه ؟؟
اممم عرسي صار فندق الرقعي
اي صالون حطيتي مكياج ؟؟
صالون كونيتنيتال لووووول ما اعرف اكتبه عدل
كم ساعه وصلتي الصالون ؟؟
تقريبا علي الساعه12
كم ساعه دخلتي القاعه ؟؟
دخلت الساعه 11
كم ساعه زوجج دخل القاعه ؟؟
تقريبا وراي بربع ساعه
شنو كانت دخلتج ؟؟
كانت علي دخلتي علي اغنية راشد الماجد ما اذكر اسمها بس صج كانت رووعه
رضيتي عن شكلج بالعرس ؟؟
وااااااااااااااااااااااااااااااااااااااااايد
رضيتي عن عرسج بشكل عام ؟؟
ايه والله الحمدالله اصلا ما كنت منتبه حق اي شي بس قاعده ارجف لووووول



[/COLOR]

يسلمووووووووووو حبيبتي علي الاسئله الحلوه

 

[travel_addicted]

رد : اللي تحب تسترجع ذكرى عرسها تدخل

بنات انا شوي بدش عرض بس بسأل ليش تروحون الصالون مبجر ؟ تسون شي غير الميك اب و الشعر ؟
انا رحت متأخر يمكن الساعة 5 سويت شعري و ميك اب و اظافري و رديت البيت بدلت و نزلت ( الحفلة كانت في البيت) :080402ask_prv:​