اللي تحب انها تكون مميزه عند حمولتها (تتفضل اهني عندنا تجمع)

[سبائك]

روعه فكرة الطبق يالفنانه

 

[fulla]

ترا حلوه فكرة السياده بعد بقولكم عن شي شفته بالرفاعي سله يكون مشكلين فيها مكسرات وسمسميه واشياء وايد بداخلها وايد حلوه

 

[*مستانسه*]

مرحباااا بنات

خوش موضع فنانه يعطيج العافيه على الافكار الحلوه

بخصوص بيت السابج تاخذين فينا اجر اذا يبتيلنا الرقم او العنوان

وبخصوص اوراد ,,, اعرف وحده بيتها في بيان عندها اطقم مطاطير و استكانات و فناجين و غراش الشكر و علبة الكلينكس و تواعبها ( صناعه يابانيه و وكيلها بالسعوديه) بس غاليه يعني غاليه بكل ماتعنيه الكلمه اذا بغيتي قوليلي عشان اخذ لج الرقم من امي

 

[@جورية@]

هدايا رمضان ما تحير ، قدمي سجاد وثوب صلاة أو حلويات رمضان مثل زلابيا وسمسية وغيره طبعا . وغير العطور واللقاح والاشياء الثانية أدري أفكارمكررة بس غيري طريقة التقديم مع كرت حلو اهامناسبة الحلوة أعاده الله علينا بالخير واليمن والبركات .

 

[galya]

الفنانة اذا عندج احد بروح العمرة وصيهم يبولج طقم السيادة مع الثوب و الجنطة حرير شغل عدل . انا لما رحت الحج يبت هذا الطقم حق امي وايد استانست عليه وشكله راقي

 

[b6o6a]

مشكوره خوش موضوع ...

 

[الفنانه79]

الله يعطيكم العافيه

انا الحين فكرت بشتري حق امي وخالتي السجاده وانا بركب عليها اشوارفسكي من بره على اساميهم (ام افلان الفلاني )

وعندي الغراش الصغار (بحط فيهم ماي ورد ولقاح وماي الهيل والزعفران وماي الزعتر والمرميه وبحطه في شي حلو واقدمه )

والله ماادري بعد شنو اسوي

افكاركم روعه وانتوا اروع يالغالين يالله ننطر الباجي

 

[banota49]

بصراحه أنا ماعمري عطيتهم شي ..

بس تسلمون اللي عطيتوني فكرة..

الحين من أفكاركم راح أسويلهم نفس الشي ..

خل يستانس زوجي ..

 

[الفنانه79]

حياكم الله

والصراحه انا لازم كل مناسبه اكون سباقه بهالسوالف
ويييييييييييييييه تعالي شوفوا وناسة ريلي تسوى الدنيا باللي فيها

 

[nandoshia]

والله بصراحه يعطيكم الف عافيه ، افكار حلوه ومتنوعه ، عجبتني فكره الطبق وانا مفكره بطقم المطاطير والصينيه والاستكانات وتوابعه.

 

[الفنانه79]

حياكم الله بس وين باجي الافكار

 

[ام مضاوي]

مرحباااا بنات

خوش موضع فنانه يعطيج العافيه على الافكار الحلوه

بخصوص بيت السابج تاخذين فينا اجر اذا يبتيلنا الرقم او العنوان

وبخصوص اوراد ,,, اعرف وحده بيتها في بيان عندها اطقم مطاطير و استكانات و فناجين و غراش الشكر و علبة الكلينكس و تواعبها ( صناعه يابانيه و وكيلها بالسعوديه) بس غاليه يعني غاليه بكل ماتعنيه الكلمه اذا بغيتي قوليلي عشان اخذ لج الرقم من امي

ممكن تعطينا الرقم بليييييييييييز بشتري حق امي

 

[الفنانه79]

وينكم نسيتوا الموضوع؟؟؟

 

[اعييز]

والله ياالفنانه قعدت وجابلت موضوعج استانست عليه ،، واذا طرت على بالي فكرة ماراح ابخل فيها عليج


فكرتج الحييييين عجييييبة ^_^
بس من وين شريتي الغراش الصغيرونات ؟
حتى لو من زمان بس وين انحصلهم ؟

 

[الفنانه79]

هلا بالعييز حياج الله ونورتي الموضوع

والله الغراش شاريتهم من بياع الورد ومن فتره قصيره الحين تلقين عنده اشكال وارناق يديده حق ارمضان

 

[غوالي76]

شخباركم بنات
حبيت أشاركم في هالموضوع الحلو ... ويزاكم الله ألف خير
عندي فكرة واييد حلوه
آنا عندي هواية بتغليف الهدايا وخبرة متواضعة
تييبون علب صغيرة تليق بمناسبة رمضان " يعني 24 حبة أو حسب رغبتج " وبكل علبة تحطون تمرة بس مغلفة بشكل حلو مع غرشة صغيرة فيها ماي لقاح او اللي تحبونه مع سكر مغلف وحبة بسكوته صغيرة " وتزينون العلبة حسب رغبتكم
وتحطينهم في علبة التقديم اللي تعجبج ، ومعاها تحطين الهدية اللي في خاطرج مثلا قطعة خام مع بخور وتغلفينهم بشكل حلو .
أتمنى تكونون استفدتم ... مع حبي:eh_s(6):

 

[زوجة رجل مهم]

حياكم حبايبي بهاليمعه المبروكه آنا حابه افيدكم بجم شغله كنت مسويتها بس قبل كل شي حبيت اذكركم ان لاتنسون تحتسبون الأجر عند الله ان يكون صلة رحم لا هو تشيحط ولا مناحس مع اي وحده من حريم حموانج عشان الأجر يالغاليات مايضيع وعشان باجر يكبر حبيبج الصغيرون والله يرزقه وحده تفكر فيج مثل ماتفكرين انتي بخالتج وأمج.

الرمضان اللي فات سويت اجياس عليها صور حبايبي الصغار بنتي وولدي وكتبت عليها مبارك عليكم الشهر وحطيت حق خالتي وامي جهاز أقرأ بصوت الشريم مغلف بشكل حلو هذا الجيس شايله ولدي واهو لابس دشداشته وقحفيته والجيس الثاني مسويه لها دراعه على مقاسها وهم مغلفتها وحاطتها بالجيس اللي فيه الصوره وشايلته بنتي وكانت لابسه عباية فله مع ملفع وستانست عليهم واااايد والأهم من هذا كله ان انا كنت حدي مستانسه.......

السنه هذي قاعده افكر ماني محصله شي كل شي احس صار مألوف او سبق اني اهديتها اياه فهمتكم لأني احب الهديه لما اقدمه تكون غير شكل وبس

 

[الفنانه79]

زوجة رجل مهم

اتهبل اتهبل الفكره

بس من وين الجياس وشنو اجياس الكرتون الحلوه ولا جيس خام

اخجبتني الفكره وااااااااااااااااااايد راح اطور عليها واسويها

 

[زوجة رجل مهم]

هلا حبوبه الأجياس بصراحه اهي السبشل وآنا بس قطيت الصور عند المطبعه واهم سووها لأني احب اشتري راسي والمطبعه كانت مطبعة السيوف اللي بحولي وكانت صج الفكره حلوه واذا طورتي منها وافينا ماننحرم من ابداعاتج

 

[أورااااااد]

زوجة رجل مهم


خوش فكرة 00 بس انا ماعرفت شنو هذا الجهاز

ووين ينباع؟

ممكن تفيديني حبيبتي ويعطيج الف الف عافية


أوراد