اللي تتزوج تغير رقمهاااااا

[جيرمني كيك]

رد : اللي تتزوج تغير رقمهاااااا

انا اقول لا تغيرينه لان مو حلوه بحقج دام انه ريلج واهله ايعرفونه يعني لو اهما مايغرفونه ممكن اتغيرينه بس دام ان عارفينه لاتفتحين على نفسج باب وتييبين الحجي لنفسج

 

[موجة ~ بحر]

لاتغيرينه دام انج واثقه من نفسج وماعندي خرابيط خليج عالرقم نفسه

 

[حبك بلاني!]

لا تردين عليها..عطيها طاف!

 

[عادي من قلبي أشيلك]

حبيبتي ليش تغيرين رقمج خليه عادي اذا احد تصال عليج وقفيهم عند حدهم اذا مافي فايده خلي اخوج يلعن خيرهم

ثاني يا قلبي شكوو تغيرين رقمج للي اعرفه ان البنت اذا تزوجت الرجل يشتري لها خط وتلفون ويكون باسم زوجها
فاحسن لج خليج علي خطج وانطري الرجل اذا شتري لج خط ولا لاء وبعدين بعدي عنج الوسوس

والله يتمم عليج بالخير يا حياتي

رايي من رايهاا :rerrerek:

 

[بنت الفوزان]

رد : اللي تتزوج تغير رقمهاااااا

اذا واثقه من عمرج بعد شحقه تغيرينه

 

[سنيوره قمر]

احس انو ماله داعي تغيرينه

 

[{عسوله مطير]

يآآي أنا ماحب هاسالفه يعني ماغيرتي سبحانه الله رقم الا وقت قرب عرس أو ملجتي

!!

والواثقه من حالها ماتخآآآف

 

[غلا،،]

رد : اللي تتزوج تغير رقمهاااااا

اممممممم انا من الي اشوفه جدامي ان البنت لي عرست تغير رقمها وتوزع رقمها ع ناس محدده مثل ما قلتي احسن واذا خلاص مرت شهووووور سنه صار شئ عادي...
ولان هذي حياه جديده فلازم يعني هالزمن يخوف والله .. انا من وجهة نظري لو بمكانج اغيره وما اوزعه ع كل رفيجاتي بس القراب مني والاهل احسن
والله يوفقج اختي^ـ^

 

[ياحبي للورد]

رد : رد: اللي تتزوج تغير رقمهاااااا

أول رد لي في هالمنتدى أهو موضوعك ذكرتيني باللي مضى أنا تزوجت بعد الثانويه على طول ماكان عندي جوال كنت أستعمل جوال أمي زوجي بالملكه أعطاني جوال وأنا بشهر العسل كان تجيني أرقام غريبه ماكنت أرد أرد على الأرقام إللي أعرفها بس طفشت من كثر الأرقام ورديت كان رجال يتغشمر وقفلت يوم جاء زوجي قلتله وبعدين دق واعطيت زوجي يكلم الرجال قال لزوجي عطني اللي قبل شوي دقت علي تخيلوا أنا تجننت تهاوش وياه زوجي وقفل بس زوجي عارفني زين المهم كل مايجيني رقم غريب علطول أعطي زوجي ومريحه راسي بس الحمد لله زوجي متفهم وإلا كنت رحت فيها
​

 

[رنيم q8]

انا بصراحه لما تزوجت ما غيرت خطي صار له فووق 10 سنين عندي مستحيل اغيريه
بس ريلي شارلي خط يديد مع موبايل
وصار عندي اثنين

 

[الشمعه اللمعه]

واللة انا مااشوف ان في سبب تغيرينة يعني اذا غيرتيه ماراح يعرفون رقمج حبيبتي الحين الناس لي بغت شغلة او رقم احد بسرعة
مونفس اول
انا خطي عندي من قبل لااتزوج وقبل لا انخطب بعد ولاني واثقة بنفسي ماغيرته وكاهو عندي من 12 سته ومن 4 سنين يابلي ريلي خط فواتير وخطي القديم موجود واللة من غير مبالغة بس شغلت الخط صارت عليه مشاكل من اول نص ساعة وتأذيت منه حيل وقطعته بعدها لمدة سنه ياللة ارتحت وتوني من جم شهر رديت شغلته وهاليومين حاسه الارقام الغريبة زادت
يعني حبوبة مو بالخط المشكلة لأ المشكلة بنفوس الناس

 

[pusy cat]

اذا غيرتي رقمج راح يشك فيج

دام ماعندج شي لا تخافين خلج واثقه من نفسج

 

[ssun2]

(((( دامج حابة رقمج لاتغيرينه والي ماتبينه لاتردين عليـه )))) ........... شكرا ودمتي لنــــــــــــا .........​

 

[تبطي عظم!]

واااجد يغيرونه بهالفتره لان يخافون

من ناس حاقده او يخففون من رفيجاتهم بطريقه ذربه

يعني ماتحقرهم بس تترك الي مالهم معنى يعني ساعات تتعرفين على

ناس خفيفات او جريئات بالصدفه اما بالكليه او المدرسه هيك فتغير رقمها علشان تتجنبهم

أنا عن نفسي حابه رقمي وماغيرته والي مابيها مارد عليها لي دقت مره مرتين وماتدق خلاص ~

 

[الأماكن]

لاتحطين موضوعها نمبر 1 عندج اشياء اهم لانه مو مهم - اذا دقت خليج مليقة مسبهه خخخخخ عشان تمل - والله يصرف عنج عيال السوءء​

اي صح ... لا تخلين عالموضوع شغلج الشاغل ... في اشياء أهم ...

واذا دقت صرفيها .. و لا تردين .. ولا خلي أي احد من خواتج و لا اخوانج يقولون خلاص الخط غيرته أو باعته

صيري رسمية و مالغة و مالج خلق لها و قولي لها انج دايما مشغولة

... انا مريت بنفس حالتج

بس ما غيرت خطي ... لإني احبه و الكويت كلها تعرفه ... ماكو صباغ كهربجي حداد سمكري ... ما يعرفه

والمشكلة كل معاملاتي بالوزارات و البنوك مسجلة رقمي هذا فيه



و اذا دقت أعطيها طاف لدرجة دزت لي مسج ... و قالت لي انها زعلانة و ماراح تدق

و انا استعبطت قلت لها ما وصلني شي لووووول :eh_s(15):​

 

[شمس 20]

لو اني مكانج والله اغيره احسن وبالطقاق الرقم يولي

اهم شي مستقبلي والبنات الحين يمه خاصه الرفيجات يخربون عليج


ساليني انا مجربه

 

[ام الوردة]

اغلب مو الكل لألألألألأ اغلب اللي يغيرونه تكون لهم علاقات قبل الزواج وهذا عن اللي شفته بالجامعه واللي اسمعه منيه ومناك
ومن المجتمع اللي اشتغل فيه

ديري بالج ريلج لالالايدري انج بيتغيرينه بيشك والله

 

[marshmelo0o]

لا تغيرينه ولا شي بدام انتي واثقه من نفسج وبدام اهوا يعرفه لا تغيرينه راح تييبين الشك حق نفسج