اللي تبي دعوه بظهر الغيب تفيدني عااااااااااااااااااجل

[فنن جنيد]

السلام عليكم ورحمة الله


بنات أنا حابه أكمل دراستي بس أنا متخرجه من زمان تقريبا صارلي 8 سنين و قبلوني الدورات وداومت وحملت. وتعبت و وقفت قيدي بس ما رجعت الحين بنتي شايله نفسها برجع أدرس

هل يقبلوني علما بأن نسبتي 61 حيل ضعيفه أبي أدرس حتى لو برا الكويت ماعندي مانع

بس شنو شوركم إدرس دبلوم وبعدين أكمل باكلريوس ولا أقدم على طول بكالريوس


واذا بقدم دراسه بالخارج يقبلوني


رفيجاتي يقولون عيدي الثانويه وجيبي نسبه شرائكم والله أي بنت بتفيدني بدعيلها بظهر الغيب. وشكرا

 

[شفايف كرزيه]

هلا اختى اللى اعرفه ان شهاتج قديمه واحتمال يقبلونج دورات بالتطبيقى
واذا حابه تكملين دبلوم عيدي رابعه ثانوي وجيبي معدل واختاري اللى يعجبج من الكلياات الموجوده
وعلى فكره كل ماكانت شهاتج قديمه تقل نسبه القبول
بس نصيحه روحي التطبيقي واسالى احسن وافضلج

والله يوفقج

 

[فنن جنيد]

مشكوووووره ورفع

 

[قلب أبيض]

أنا أقول عيدي الثنوية أحسن وييبي نسبة ودخلي جامعة الكويت

وعسى ربي يوفقج يارب ويفتح عليج حبيبتي :yaaaaaarb:​

 

[ألايانفس......]

عيدي الثانوية احسن لج علشان النسبة اللي بتاخذينها تقدر اتدخلج اكثر من مجال وما تلزمج بشي محدد

 

[!! غزل !!]

انا رايي تقدمين على جامعه برا وعلى فكرة مومهم النسبه اهم شي روحي جامعه خاصه

وكل شي سهلات قدمي بكالريوس افضل لج

ودعواتج يالغاليه

 

[عاشقه رويشد]

كملي عيدي الثانويه احسن لج حبوبه موفقه

 

[ATOoOMA]

نصيحة اذا على وضعج عندج بنوته ومتزوجة ما تقدرين تكملين برا اول شي لانه كونج عندج مسؤلية عايلة وكونج ام وزوجه

وثاني شي ترا من العام ثلاث ترباع الجامعات الخاصة لاغين اعترافهم روحي جيكي بالتعليم العالي شنو معترف فيهم اذا تبين برا

بس ما قلتي انتي ادبي ولا علمي؟؟

 

[~.ąvȍƈaȚ.~]

صلاحية شهادة الثانوية سنتين بـــــــس

عيدي الثانوية و ييبي نسبة احسن

الله يوفقج

 

[bobo lover]

أختي أنا أنصحج و نصيحة لوجه الله تدرسين الثانوية و تشدين حيلج
ترا كافي إنج متخرجة من الكويت و بعدين لو طرا على بالج تدرسين بالسعودية أو مصر حرام ، يمكن يوهقونج و يسحبون الاعتراف من الجامعات او حتى شهادة الثنوية لان وايد توهقوا
عيدي الثنوي و دشي أي كلية بالكويت أحسن لج و الله يوفقج