اللي تبي تعرف متى اخر يوم تسجيل للمسائي2011\2012 وشنو طلباتهم تتفضل

[بنت فينا]

السلام عليكم





وايد بنات يسألون متى اخر يوم تسجيل المسائي؟؟
اخر يوم تسجيل المسائي بتاريخ 13\10\2011




\\





الطلبات

حق اللي يبون يعيدون رابعه ويحسنون نسبتهم
وخصوصا اللي نظامهم مقررات
لان انا جذي
اما الباجي مادري صراحه ماقدر افتي


\\



الطلبات

تروحين التعليميه قسم تعليم الكبار ((حسب بطاقتج المدنيه))
تطلعين شهادة الثنويه من المنطقه التعليميه بتاريخ حديث
عليها طابع بو دينار
والطابع الثاني بنص
وموقعه ومختومه من رئيس القسم نفسه مال المنطقه التعليميه
+ كتاب معادله تطلعينه من نفس المكان ايضا موقع ومختوم نفس الطريقه من التعليميه
2 نسخه منهم + الاصل
ملاحظه: ولازم قبل ما تطلعين من التعليميه تسألينهم انا راح اكون بأي ثنويه؟
لانهم مصنفين الطالبات الي يبون يعيدون مسائي على حسب البطاقه المدنيه
كل محافظه ميمعينهم وحاطينهم بمدرسه وحده....
كل هذا ماياخذ 10 دقايق وانتي واقفه تخلصين امورج

+


تطلعين تروحين المصور
4 صور شخصيه 4*6

تردين بيتكم تطلعين هالاوراق
2 نسخه من بطاقتج المدنيه
2 نسخه من الجنسيه
2 نسخه من الجواز
2 نسخه من شهادة الميلاد


اذا متزوجه
2 نسخه من عقد الزواج
2 نسخه من بطاقة الزوج


اذا مو متزوجه
2 نسخه من بطاقة الوالد<<< اعتقد مو ظروري بس في مدارس طلبو منهم
2 نسخه من بطاقة الوالده<<< اعتقد مو ظروري بس في مدارس طلبو منهم



اذا كويتيه 40 دينار تأمين يرد في حالة النجاح اخر السنه
اذا بدون اتوقع 100 او 120 ومادري اذا يردونهم او لاء




ولازم تحطين كل هالاوراق بملف بو طباقي
اذا مايبتي ملف بوطباقي يدفعونج ربع دينار




تحطين كل الاوراق بملف بوطباقي واتروحين المدرسه الي قالولج راح تكونين فيها,
تعطينهم ملفج + الـ40 الرسوم
ولازم تاخذين منهم وصل انج دفعتي الـ40
وتحافظين على الوصل لي اخر السنه
عشان تستردين الـ40
وبدون الوصل مالج شي عندهم انتبهي على هالنقطه


وبالمدرسه يسوون لج استمارة تسجيل وانتي واقفه ماياخذ 5 دقايق
واذا موظفه بلغيهم و لازم تكتبين بيانات صحيحه
واخر شي توقعين عالاستماره..




وسيــده تدخلين حصتج بنفس اليوم
وسلامتكم

اذا فادكم الموضوع يا ليت تدعون لي بظهر الغيب



شكرا




:eh_s(7):

 

[الله كريم @]

يعيج الف الف الف عاااااافيه

 

[كنتووشة]

يعطيك الف الف الف عافيه والله ودي اسجل معاج بالرابيه بس حدي خائفه من الاداره وأبي ناس اتساعدني مو اتضيق علي افكر اروح حواء الاندلس

 

[بنت فينا]

فديتكم بنات

الاخت الله كريم مشكوره نورتي


كنتوشه حبيبتي والله انا مضايقه من طريقة الناظره والابلات شديدين حيل وشكلهم مو كريمين بالدرجات ويحاسبونا على ربع درجه للامانه وبحاول انتقل....
بقولج شيصير معاي الليله بشبك بأذن الله
خلينا على تواصل
شبكي على الساعه 11 بليل انطرج بالتجمع عشان اقولج شصار وياي


بالتوفيق للجميع

 

[فراولة فسفوريه]

زين ليش ارفضوني

عشان رسبت برابعه سنتين قالو حولي منازل

وربي عندي ضروف صحيه

شسوي بنات

 

[كنتووشة]

أهلين بنت فينا اليوم رحت حق حواء سالت عن التسجيل بس ماراح اسجل الا ١١/١٠/٢٠١١

 

[بنت فينا]

ليش اشمعنى ؟!!!

 

[ليتك لعيني قريب]

مرحبا بنات انا موظفه بالمنطقه وبسجل بحواء ودي اعيد رابعه واعدل نسبتي بمااني دبلوم

واتمنى اتعرف على بنات حدي خايفه من الوضع هناك مبطيه من الدراسه​

 

[Angel_store]

اب اب اب

 

[بنت فينا]

مرحبا بنات انا موظفه بالمنطقه وبسجل بحواء ودي اعيد رابعه واعدل نسبتي بمااني دبلوم ​

واتمنى اتعرف على بنات حدي خايفه من الوضع هناك مبطيه من الدراسه​

يا حي الله
حبيبتي اقلطي
احنا كلنا خواتج نعين ونعاون

 

[فراولة فسفوريه]

امبيييه شكله قرار جديد ع حظظي والله تضاايقت

تعب منازل مسائي اسهل


الله لايسامحهم ع هالقرار

 

[ليلة القدر]

هلا اختي انتي نفسي موظفه وتعيدين رابعه علشان تعدلين نسبتج ابي اسئلج جزاج الله خير
وعسي الله يوفقج ويحقق الي في بالج

انا نفس وضعج موظفه بورزارة التربيه وابي اعيد رابعه مسائي علشان اييب النسبه

اذا يبت النسبه شلون يعاملوني علي اي اساس وشلون علي وظيفتي وشلون اقدم اوراقي وانا موظفه
يقولون لازم اخذ تفرغ دراسي وناس تقول لازم تبلغين المسؤؤل بدوامج وكلااام وااايد اسمع
وبصراحه حبطني ووترني وناس تقول صبري واسئلي لا تدرسين وتتعبين وحتي ان يبتي نسبه يمكن مايقبلون شهادتج
علي اساس انج موظفه ؟؟


ياليت تفيديني اختي واكون شاكره لج​

 

[بنت فينا]

بالنسبه للاخت ليلة القدر


اول شي سكري اذونج عن الناس الفشله اللي مايبونج تدرسين وتصيرين احسن منهم
قطي كلامهم كله ورا ظهرج


ثاني شي
لا ورقه ولا بطيخ
انا ماطلعت لا ورقه ولا شي
بس كلمت رئيس قسمي قتله اني ابي ادرس ثنويه حابه ارفع نسبتي ويا ليت تكون كريم معاي و تساعدني بان تطلعني مبجر الله يرحملي والدينك

وقالي ابشري يا بنتي وبس قام يطلعني مبجر عشان يمديني ارجع البيت اتغدى واروح المدرسه


انتي دشي موضوعي الثاني مال اخر موعد لتسجيل بالمسائي دخلي ملفي وتلاقين الموضوع بمشاركاتي
وانا كاتبه كل الخطوات وكل الاوراق اللي لازم تقدمينها عشان تسجلين بالمدرسه


وفالج التوفيق
سهليها تتسهل حبيبتي

ولاتنسين اخر يوم اهو تاريخ13\10 للتسجيل بالمسائي لحقي ترى هالسنه اخر سنه لتعديل النسب وراح ينزلون قرارات جديده.



وبالنسبه لو تخرجتي ونسبتج صارت اقل من اللي قبل مو مشكله راح يعتمدون شهادتج القديمه ماراح تنشطب
اما اذا يبتي نسبه كبيره هالسنه راح يلغون شهادتج القديمه ويعتمدون الجديده.

 

[ليلة القدر]

جزاااااااج الله خير والله يفتح لج ابواب رزقه ان شاء الله

يعني لازم ابلغ مسؤؤلتي اني ادرس لازم يكون عندها خبر ؟؟؟ او مو لازم ؟؟

ماقلتيلي اذا يبت نسبه ان شاء الله عاليه ؟؟اقدم عادي كاني طالبه يديده ووظيفتي شلون عليها ومنو اراجع اذا اخذت الشهاده

هذااا سؤااالي ؟؟ ومشكووووره والله يرفع معنوياتج مثل ما رفعتي معنوياتي

 

[ليلة القدر]

ايه وانا الحمدلله سجلت مسائي وخلصت

 

[بنت فينا]

جزاااااااج الله خير والله يفتح لج ابواب رزقه ان شاء الله

يعني لازم ابلغ مسؤؤلتي اني ادرس لازم يكون عندها خبر ؟؟؟ او مو لازم ؟؟

ماقلتيلي اذا يبت نسبه ان شاء الله عاليه ؟؟اقدم عادي كاني طالبه يديده ووظيفتي شلون عليها ومنو اراجع اذا اخذت الشهاده

هذااا سؤااالي ؟؟ ومشكووووره والله يرفع معنوياتج مثل ما رفعتي معنوياتي

حبيبتي والله كسرتي خاطري من امس الكل مطنشج قلت خل اكلف على عمري وارد عليها مسكينه هههههه

المهم
اول شي مو ظروري مسؤلتج تدري الا في حاله وحده
اذا دوامج يخلص متأخر مثلا يخلص الساعه 3 او 3 ونص يعني مايمديج تلحقين
اهني تبلغين مسؤلتج تطلعج مبجر

اما اذا دوامج يخلص الساعه 1 الظهر اعتقد مو ظروري تقولين حق مسؤلتج فهمتيني؟


ونصيحه لاتقولين حق ولا احد من دوامج مو كفو وفي ناس وايد تحبط وماتحب الخير للغير
فا انتي خل امورج بالسر


ثاني شي بقولج اللي اعرفه ولو اني مو متأكده من معلوماتي...
لو تخرجتي من الثنويه ويبتي نسبه اول شي تروحين التعليميه تطلعين شهادتج تشوفين نسبتج اذا تشرف وترفع الراس وديها للديوان يعادلون الشهادله واذا شفتي نسبتج انزلت قوليلهم خلاص بلغي الشهاده الجديده وبظل عالقديمه..<< لا من شاف ولا من درى!



وتروحين جامعة الكويت تسألينهم متى القبول
وتشوفين هل الكليه الي بتسجلين فيها .. فيها امتحان توفل وله لاء؟
اعتقد اغلب الكليات فيهم

وتسألين الجامعه متى امتحان التوفل
وتنطرين اعلانات بالجرايد عن موعد امتحان التوفل


وتروحين تمتحنين والباقي يعلمونج اياه الجامعه بخصوص التسجيل والامتحان والاشياء الثانيه ماعندي معلومات عنها



ولازم اهني تطلعين ورقه من دوامج ان مايتعارض وقت دوامج مع وقت الجامعه.

يعني,,,,
اذا دوامج صبح راح يتعارض مع اوقات المحاضرات فا بالتالي ماراح يقبلونج الجامعه

الا اذا <<< وحطي تحتها خطين
الا اذا اخذتي تفرغ دراسي من دوامج اهني مو مشكله راح تنقبل اوراقج بالجامعه


ولازم بعد توقعين بخط اليد انج ماراح تاخذين اعانه
واذا خذيتي اعانه واكتشفو الجامعه انج موظفه راح يدفعونج كل فلس اخذتيه من الجامعه
ومادري شنو الاجراء



فا افضل شي تسوينه
الحين خلج مثل ما انتي
داومي صبح بلوظيفه ردي بيتج الظهر تغدي
والساعه 4 روحي المدرسه
ماراح يتعارض الوقت بأذن الله

لي تخرجتي من الثنويه روحي عادلي شهادتج عند الديوان
بعدين اخذي تفرغ دراسي من دوامج
وسجلي بالجامعه

وخلج بالسليم


والله يوفقج ويوفقني ويوفق جميع الطالبات


وهـ تعبت :eh_s(22):

دعواتج :eh_s(7):

 

[ليلة القدر]

جزاج الله خير وعسي الله يوفقج ويوفق الجميع ويحقق احلامنا ,,, آميييييييييييييين

اختي كل كلامج مضبوط وسليم وعندي خبر عنه ,,, لكن بالنسبه للتفرغ الدراسي يسمونه اجازه دراسيه

وعلي حسب بمرتب كامل او نص مرتب او بدون مرتب سالت عنها بادراة التطوير والتنميه بالجابريه

هذي تاخذينها هناك ولهم شروط من الالف للياااء ومواعيد ومده معينه لتقديم الاوراق من 1/1 الي 30/4 علشان

تقدمين اجازه دراسيه علي انج موظفه بس بشهادتج الدبلووووم مو الثانويه

اما تفرغ دراسي من دوامج؟؟؟ اول مره اسمع عنها لان التفرغ الدراسي مو من مكان عملج من وزارة ثانيه اعتقد

بس وين وشلون هنييييييييييييييييه السؤال ؟؟؟ القلق وين انج اذا استانستي ويبتي النسبه القلق ليش مايقبلوني علي طول

لازم عباله ولوووويه حتي مو عارفه وين اتجه واشكر اهتمامج اختي والناس للناس ومن لايشكر الناس لا يشكر الله

مشكووووووره وجزاج الله خيرا اختي​

 

[وحيدة امى]

ابي اسجل مسائي اومنازل انا ثانيه ثانوي بنات منو تقدر تفيدني

 

[__amool]

عسى الله يوفقج ويفتح ابواب رزقه لج