اللي بيسافرون تركيا تعالواا (( تم دمج المواضيع المشابهة))

[تفااحة]

رد: اللي بيسافرون تركيا تعالواا..........

اللللللللللللللله يابختكم مع بعض وناسه بنات خلاص عااااااد ترى عصبت ههههههههههههه انشالله ماكو الا العافيه بلا خنازير بلا قراده الله يقردها انشاللللللللللله احنه ناخذ حذرنه ونروح نستانس ونغير جو وروتين ولا تحطون ببالكم الامراض والخوف عشان تستانسون والله اللي يفكر بهالسوالف اعوذ بالله يصير فيه مثل الوسواس موزين شوفوني انا حاجزه من اول 4 والحمدلله مستانسه ما افكر بامراض ولا شي بس عاد توكلو على الله واستانسووووووووووووووووو ونروح ونرد بالسلامه ونشوف بعض وانا نكي بالبلوتوث مدربحه هههههههههههههههههههههههههههههههههههههههههههههههههههههه نكي عجيب

شفتي شلون حرة.............. ههههههه
على قولتج نرووووح ونتوكل على رب العالمين وربي بيسهلها قولوا امــــين .................
تدرين عاد كلمت خالت زوجي قلتلها بروح تركيا قالتلي ووويييييييع مو حلو وماتسوى وحر ووصخين :080402ask_prv: الصراحه خقيت قلت جني توهقت:krkrkr: عاد انا اعرفها ذوق ماشاللة عليها والي رايحه بنت اختها وهم ذربين بس سبتها وقالت لاتروحين اذا فيج روحي لبنان والمشكلة اني حاجزة وخالصه بس ماقلتلها دفعنا الفلوس ...... مادري الصراحه مع اني طلعت وااايد تقارير حلوة عن تركيا حتى زوجي ماكان مقتنع من شاف التقاريراقتنع ملييون بالمية مع انه
جوة اوروبي خصوصا انه الصيف الي طاف قضيناه بربوع استراليا الجميلة ياحلوها من ايام ومايبي يحس بالفرق وخايفة يتعكر مزاجه هناااااك ...................ز:eh_s(14):

 

[تفااحة]

رد: اللي بيسافرون تركيا تعالواا..........



تعــــــــــــــــــــــــالوا بنات شرايكم نكتب احسن اسامي مطاعم هنااااك واماكنها واسامي احلا الاكلات الي عندهم لان زوجي يموت على الاكل:dddds: واهم شي عنده بالسفرة ................. ياللة من يبدي اول ؟؟؟؟

 

[¤§ زيتونة §¤]

رد: اللي بيسافرون تركيا تعالواا..........

طبعا احلى والذ واروع واشهر اكلة هناااااااااااااااااااااااااااااك



اسكندر كباب



روووعة شاورما مع روب


لذيذة ودج تاكلين 4 ولا 5 سندويشات منها


وطبعا لا تنسون آيران = اللبن بالتركي

شحلاته يهبل طبيعي وطعمه عجيب







يالله منو تكمل

 

[¤§ زيتونة §¤]

رد: اللي بيسافرون تركيا تعالواا..........

وبالنسبة للمطاعم

في بورصة طبعا

عندج مطاعم ذربة وكشخة وغالية شوي احلاهم

كبير وواسع وفيه قعدات شبابية وعائلية



اسمه ديفان = ديوان


وااايد حلو نظام بوفيه تختارين واهما اييبون لج اللي طلبتيه

 

[¤§ زيتونة §¤]

رد: اللي بيسافرون تركيا تعالواا..........

هلا والله بالمدربحة

وهلا وغلا ب ذا كوين


الصراحة بديت اتحمس للسفرة وياكم وتشوقت اني الاقيكم هناك




الله يسهل يا رب الامور ونسافر ونستانس ونونس هاليهال بعد عمري

 

[تفااحة]

رد: اللي بيسافرون تركيا تعالواا..........


انا عن نفسي ماعرف مطاعم هناك لاني اول مرة ارووووووووووووح واللة يستر .... الا اذا دورتلكم بالنت اذا لقيت شي حلو بحطة .... نبي نستفيد من الي راح وجرب احسن ...................................

 

[تمنيتك]

رد: اللي بيسافرون تركيا تعالواا..........

تعــــــــــــــــــــــــالوا بنات شرايكم نكتب احسن اسامي مطاعم هنااااك واماكنها واسامي احلا الاكلات الي عندهم لان زوجي يموت على الاكل:dddds: واهم شي عنده بالسفرة ................. ياللة من يبدي اول ؟؟؟؟

صباح الخير .. للجميع


الاكلات..
اسكندر كباب .._03BA:
شوربه دياي .. يمي يمي _03BA:
الكفته ..:ggdw:

وطبعا الشووي روعه مع سلطتهم والروب واللبن​

 

[{عسوله مطير]

رد: اللي بيسافرون تركيا تعالواا..........

نصيحه يآآبنات ..لاتجعلون سالفهعادي ولاتتركين نفسج للتهلكه بكره تحاسبين

وماحد راح ينفعج لوصار لج شي .

 

[¤§ زيتونة §¤]

رد: اللي بيسافرون تركيا تعالواا..........

صباح الخير يا تجمعنا الحلو


شخباركم


عساكم بخير




هاا شخباركم اليوم


شلون النفسية ؟؟



انا الحمدلله نفسيتي للسفر حلوة خصوصا انه ريلي قال امس خلاص بنتوكل على الله ونسافر وعاد الواحد يسوي احتياطه ويدير باله وربنا كريم

 

[سجى]

رد: اللي بيسافرون تركيا تعالواا..........

يا حليلج يا زيتونه شوقتينى اكثر للسفره

احنا ان شاء الله بنروح ونتوكل على الله وماكو الا العافية

لا تنسون فطايرهم رووووووووووعه والجلاش حقكم فى محلات اللى بشارع التى بارمك

 

[¤§ زيتونة §¤]

رد: اللي بيسافرون تركيا تعالواا..........

هلا وغلا سجى


حبيبتي انتي

والله فكرت وشفت ريلي بعد تحمس وحسمها انا بنتوكل على الله ونسافر فقلت خلاص اللي الله كاتبه بيصير ولو شنو سوينا واحنا مو قاطين روحنا بالتهلكة لانه المرض اساسا دخل الكويت وكل الدول حوالينا ........... يمعودة الحافظ الله

وبعدين انا مشتاقة حق تركيا من شهر 3 يوم رحت 4 ايام عالسريع بس روووووووووووووعة الجو والثلج والبرد واول مرة احب اسطنبول هالمرة هههههههههههههههههههه لانه قعدنا فيها بالشتا وكانت روعة


الله يسهل وقولو .. يـــــــارب

 

[¤§ زيتونة §¤]

رد: اللي بيسافرون تركيا تعالواا..........

بنات نسخت لكم اغراض الجمعية للسفر من الاخت ام عزيزان ................... اذا مو ناسية اسمها

الصراحة اغراضها حلوة ومفيدة كلها واذا في زيادة عاد ضيفوها انتو كل وحدة واللي متعودة عليه بس نقلته لكم للتذكير يمكن ناسين شي
طبعا الأغراض المهمه من الجمعيه :-

-كلينكس مال الجنطه
- فوط صحية
- اغطية المرحاض
- كريم ترطيب
- شور جل
- شامبو والأفضل يكون حجمه صغير
- فازلين
- بلاستر (لزاق جروح)
- منادير ترطيب- ومعقم ديتول
- اذا تبين تغسلين ملابسج اكيد يبيلج صابون غسيل ملابس
- كريم حماية
- غسول للوجه ومزيل المكياج
- أكياس صغيره لحفظ الطعام أثناء الرحلات الطويلة

هذا اللي اذكره وفي شغلات ثانيه مو من الجمعيه
يعني مثل الأوتي والسشوار و علبة صغيره فيها مقص وأدوات خياطه لضروره
وجلاليب صغار حق الملافع
وفي شغلات اكيد موجوده عندج في البيت
مثل المقراضه والملقط والمشط وبعض الأدوية الضرورية

 

[الزمن ماله أمان]

رد: اللي بيسافرون تركيا تعالواا..........

ماشاء الله زيتونه ما خليتي شي ومنكم نستفيد

 

[الزمن ماله أمان]

رد: اللي بيسافرون تركيا تعالواا..........

بنات مالكم شغل باللي يقول لا تروحون أمراض وخرابيط المرض وصل لي الكويت شنو باقي ليش نحرم روحنا وننحكر بالبيت والحر والغبار لا روحوا استانسوا بس استخيروا واللي كاتبه الله بيصير يمكن نروح ونرجع وما يحوشنا اي شي هذي بس اشاعات عشان بخربون السياحه بتركيا بكل مكان كارثة لا تروحون جنوب شرق آسيا بيصير فيها تسونامي مصر فيها طاعواون والكوليرا واوربا وامريكا انفلونزا ولما مالقوا على تركيا قالوا جراد تكفون هذا شي يدخل العقل لا ويقولج من العام كان موجود اذا العام مابقى أحد ماراح وكلهم ردوا مثل البخت

 

[البيداء_77]

رد: اللي بيسافرون تركيا تعالواا..........

واااااااااااااااااااااااو طافتني وايد سوالف خصوصا الاكل ههههههههه

الاسكندر نمبر ونننننننن


والبوظه


وكل شي عندهم حلو حتى الشبس العادي مع المايونيز يينن والبطاطا المشوية حتى ماكدونلدز عندهم غييييييييييييييييييير


يعني لا تحاتون الاكل

 

[نجمه*]

رد: اللي بيسافرون تركيا تعالواا..........

يمة منكم طلعتو ويا بعض؟؟؟؟


عاد تعرفو على بعض مو تفوتكم الفرصة



حريتوني هههههههههههههههههههه_03ba:

زيتونه بعد قلبي ماعاش من يحرج انا وتفاحه بنسوي تنقيب:tomato2: بتركيا ندور عليج وعلى كندريه لين نلاقيكم ان شاء الله

واكيد ماراح نضيع الفرصه عدل تفاحه والا لأ؟؟

 

[نجمه*]

رد: اللي بيسافرون تركيا تعالواا..........

هلا وغلا صج ونستيني من لاالصبح وانا انادي منو بيروح معااااي .............. وناسة لقيت احد معاي وخصوصا اختي هونت ....... تعالي في رحلتين ب12-7 و19-7 انا ب19 رايحه ان شاللة بس ودي اجدمها شرايج ....متى حاجزين ؟؟ طبعا اميرة المصرية الي تشتغل بالمكتب اهي ال دايم تضبط سفراتنا لاتشوفيني كل شوي داقه عليها في احد حجز بالقروووب في ناااس بتروح وتقولي ايوا كتيييير وناوية ادق باجر المسكينه طفرتها .....
منو بيروح معاج يهال زلا انتي وريلج بس ؟؟؟؟؟؟

والله انا اللي استانست لما قريت انج من مكتب الرياض قلت اشوا في احد معاي

انا وزوجي بس برحله 12-7 مادري عاد عند اميره او غيرها زوجي اللي حجز

ان شاء الله يارب اشوفج واستانس وياااااااااااااااااااااااج ولا تنسين ندور زيتونه والله ودي اشوفها

 

[نجمه*]

رد: اللي بيسافرون تركيا تعالواا..........

بنات مالكم شغل باللي يقول لا تروحون أمراض وخرابيط المرض وصل لي الكويت شنو باقي ليش نحرم روحنا وننحكر بالبيت والحر والغبار لا روحوا استانسوا بس استخيروا واللي كاتبه الله بيصير يمكن نروح ونرجع وما يحوشنا اي شي هذي بس اشاعات عشان بخربون السياحه بتركيا بكل مكان كارثة لا تروحون جنوب شرق آسيا بيصير فيها تسونامي مصر فيها طاعواون والكوليرا واوربا وامريكا انفلونزا ولما مالقوا على تركيا قالوا جراد تكفون هذا شي يدخل العقل لا ويقولج من العام كان موجود اذا العام مابقى أحد ماراح وكلهم ردوا مثل البخت

صاجه ياوخيتي شينوا العالم كله يعني الواحد وين يروح ؟؟؟

ماكو يبونا نقعد بالصبخه لين نصير تماثيل غبار تكفخ فينا اللواهيب.....لووووووووووووول

والله عاد ماعلى ديرتنا الحلووووووووووووووووووووووووووه الكويت حتى بغبارها حلوه بس مايمنع نتشفق البراد بالسفرات

 

[الزمن ماله أمان]

رد: اللي بيسافرون تركيا تعالواا..........

آنا بعد بحثت بالنت عن انفلونزا الجراد ومالقيت في شي الله الحافظ

 

[نجمه*]

رد: اللي بيسافرون تركيا تعالواا..........

الزمن ماله امان مو انفلونزا الجراد.......يقولون حشره القراده وانا سويت بحث ولقيت انها بس تتواجد بتركيا عمى بعينها جنها ناطرتنا