اللي بناتهم يدرسون بمدارس خاصه دخلو تكفووون ساعدوني

[فراشه ورديه]

السلام عليكم

بنات تكفون ساعدوني انا قبل هالمره كتبت موضوع عن معاناتي انا وبنتي من اولى ابتدائي مع البنات وخصوصا ان بنتي

شخصيتها ضعيفه وخوافه ماتعرف ادافع عن نفسها

ومعاناتي معاها ان البنات متسلطين عليها من طق من عبارات جارحه من سب وكل شي ماودي اضيع الوقت واطول عليكم

انا اللي ابيه الحين بنقل بنتي مدرسه خاصه واللي ابيه منكم تقولون لي هل اللي قاعده اشوفه بمدرستها الحكوميه

راح نشوفه بالمدرسه الخاصه

اكيد فاهمين قصدي يعني اقصد ماكو طق ماكو مشاكل بالمدارس الخاصه ولا الوضع نفسه بالمدرسه الحكوميه

لان اخصائيتها لما قلت لها انا بنقل بنتي مدرسه خاصه عشان المشاكل قالت لي انها كانت حاطه عيالها بمدرسه خاصه

وانهم كانو ينطقون ونفس الشي

مادري اشرايكم انتووو ؟؟؟؟؟؟؟؟

خاف انقلها مدرسه خاصه وادفع واخرتها نفس الشي

ابي بنتي ترتاح بس تعبت المسكينه وانا تعبت معاها مستقبلها يضيع من كثر الغياب نفسيتها زفت كله بجي وصراخ من ترد من المدرسه ولاتقولون لي روحي للاداره لاني تقريبا صرت اداوم معاهم :eh_s(2):

اذا الوضع يختلف بالمدارس الخاصه الله يوفقكم بنات قولولي وين اوديها اي مدرسه ؟؟؟؟؟؟؟؟؟؟

لاني ماعرف شي عن المدارس الخاصه

اهي السنه الجايه رابعه ابتدائي وبيتنا بصباح الناصر ودي بمدرسه قريبه

وجزاه الله خير اللي بتساعدني :yaaaaaarb:

 

[السهم الصويب]

والله خاصة عن خاصة تفرق

بس اللي اعرفه المدارس البريطانية مافيها شي من هالنوع

حدها انضباط

واللي يسوي هالحركات استدعاء ولي الامر وبعدين فصل

فتلقينهم مؤدبين

و مدارس بريطانية في بالجابرية و سلوى و السالمية

ومادري اذا قريب عليج او لألأ

بس صعبة تنقلين بنتج راح يقل مستواها الدراسي

فرق بمناهج الحكومة والخاص

ومن رايي انج تعالجين بنتج علشان تقدر تواجه هالنوع من المشاكل بالمستقبل

واجهي نقطة الضعف اللي فيها وغلط انج تتهربين !!

في كتب عن تربية الطفل وسألي استشاريين نفسين

باختصار لا تخلين هالمشكلة تتطور

تحياتي

 

[مفرفشة ومنعنشة]

اول شي احتمال كبير ما يقبلون بنتج بالمدارس الخاصة لانها يايه من حكومة ولازم يسون اختبار حق اي طالب بيدخل المدرسة حتى لو ياي من مدرسة خاصة وهالامتحان بالعلوم والرياضيات وكله بالانجليزي فممكن ما تقدر تجاوب
بالنسبة لبنتج موحل انج تنقلينها لمدرسة خاصة لانه المشكلة بشخصيه بنتج مو بالمدرسة ... حاولي تقوين شخصيتها وتعلمينها تدافع عن نفسها مو انت الي تدافعين عنها وهالشي بفيدها بحياتها بعدين ... الحين اهي بالمدرسة وتقدرين تروحين الادارة باجر اذا دخلت الجامعة هم بتروحين الادارة تشتكين ؟ اكيد لأ .... ممكن تنقلين بنتج لمدرسة ثانية اذا كنتي شايفة انه مدرستها ادارتها مو قوية او تودينها مدرسة خاصة اذا قبلوها بس بكل الحالات لااااااااااااااااااازم تقوين شخصية بنتج وتعلمينها تعتمد على نفسها وانت بعد تتعلمين تخلينها تعتمد على نفسها ... ادري هالشي صعب ويبيله تعب ودخول دورات وقراءة كتب وسؤال دكاترة متخصصين بس اكيييييييييييييييد بنتج تستاهل
الله يعينج ويوفق بنتج وين ما راحت ان شاء الله

 

[فراشه ورديه]

مشكورين بنات انكم رديتو علي الله ينولكم اللي ابالكم ويخليلكم عيالكم ياااارب

يعني ماكو امل .... كنت حاطه امل اني اوديها مدرسه خاصه وتخلص مشكلتنا

 

[شموووخ بدويه]

ياحياتي والله حاسه فيج,,مثل ماقالوا البنات قوي شخصيه بنتج لانها راح تكبر وتزيد المشكله,,
بس انا براي اذا تودينها خاص يمكن احسن بس صعب اذا هي بتروح رابعه ابتدائي,,مستحيل تنقبل الا مدارس موقويه..

بس احتمال ثنائيه اللغه يقبلونها اذا كان مستواها زين,,روحي واسألي وراح يعطونها اختبار مستوى

انا أفضل المدارس الخاصه عن الحكومه,,

 

[nice word]

رد : اللي بناتهم يدرسون بمدارس خاصه دخلو تكفووون ساعدوني

حبيبتي نصيحتي ودي بنتج حق مراكز اللي يختصون بمشاكل شخصية الطفل يعني مثل اختصاصي يعلمها شلون تكون عندها ثقة بنفسها وشلون تتصرف ونصيحة لا تهملينها حرام باجر شلون تكبر وتتصرف غير انها الحين قاعدة تعاني ومو مرتاحة فما ادري بصراحة حاسة فيج وبنتج ومرة ثانية نصيحة لا تهملينها تراها امانة عندج

 

[فراشه ورديه]

مشكورين بنات عالرد ... اهي بنتي ذكيه ومستواها زين ومتفوقه الحمدلله بس البنات اللي بمدرستها وحوش
ماجنهم بنات والله جنهم اصبيان وهيلق ومتعودين الظاهر ببيوتهم طق ومطاقق حتى الناظره قالت لي هذا شي عادي
يعني بنتج ماتنطق بالزواره قلت لها لا !!! ماصدقتني

انزين بنات انا بجرب اوديها مدرسه خاصه بس ماعرف شي بالمدارس تكفون عطوني اسم مدرسه زينه اروح لها ابي بس الاسم

 

[ام لين3]

رد : اللي بناتهم يدرسون بمدارس خاصه دخلو تكفووون ساعدوني

فراشه
والله قلبي عورني على بنيتج
واكيد المدارس الخاصه احسن لانه الناس الي فيها ارقى مبربيين حتى في بيوتهم انضباط وماكو كلام قليل ادب

بس لازم بتكون في مشاكل بس موكثر الحكومه
حاولي اطورين بنتج من هناحيه مثل ماقالوا البنات قوي شخصيتها عشان تواجه مشاكل الحياه بعدين بقوه

وعن المدارس
آنه بنتي في abs في خيطان مدرسه اتينن موبس دراسه تربيه بعد ونضباط والي يغلط يتعاقب لو اهو ولد منو
بس غاليه وايد ماعرف لبتدائي بجم لانه بنتي توها واختبار القبول هم صعب

وعجبتني الكنديه الي بخيطان بعد هم مدرسينهم كنديين ويهبلون واختبارهم اسهل وارخص

وعندج اجيال
روحي شوفي بعد يمكن تعجبج آنه ماعجبتني احس كلها هيلق ولما تدخلين من الزحمه تحسين انج في جبرت الخضره

والله يكتبلج الي فيه الخير واستخيري والله بسهل امور بنتج​

 

[-MaYa-]

نقليها مدرسه حكوميه ثانيه انشالله مايطلعون لها وحوش
او وديها مدرسه مع احد قرايبها راح تستانس في احد تعرفه وتمشي معاه بالفرصه:eh_s(7):

 

[شانييل]

افضل شي نقليها مدرسة حكومية بمنطقة ثانية
جربي مدارس جنوب السرة اليهال أهدى هناك

 

[فراشه ورديه]

فراشه
والله قلبي عورني على بنيتج
واكيد المدارس الخاصه احسن لانه الناس الي فيها ارقى مبربيين حتى في بيوتهم انضباط وماكو كلام قليل ادب

بس لازم بتكون في مشاكل بس موكثر الحكومه
حاولي اطورين بنتج من هناحيه مثل ماقالوا البنات قوي شخصيتها عشان تواجه مشاكل الحياه بعدين بقوه

وعن المدارس
آنه بنتي في abs في خيطان مدرسه اتينن موبس دراسه تربيه بعد ونضباط والي يغلط يتعاقب لو اهو ولد منو
بس غاليه وايد ماعرف لبتدائي بجم لانه بنتي توها واختبار القبول هم صعب

وعجبتني الكنديه الي بخيطان بعد هم مدرسينهم كنديين ويهبلون واختبارهم اسهل وارخص

وعندج اجيال
روحي شوفي بعد يمكن تعجبج آنه ماعجبتني احس كلها هيلق ولما تدخلين من الزحمه تحسين انج في جبرت الخضره

والله يكتبلج الي فيه الخير واستخيري والله بسهل امور بنتج

مشكوره ام لين الله يجزاج خير انا بروح واشوف المدارس اللي قلتي لي عليهم
والله يسهلج يارب وتولدين بالسلامه

 

[فراشه ورديه]

نقليها مدرسه حكوميه ثانيه انشالله مايطلعون لها وحوش
او وديها مدرسه مع احد قرايبها راح تستانس في احد تعرفه وتمشي معاه بالفرصه

النقل بالمدارس الحكوميه لازم بنفس المنطقه مايرضون حتى لما بغيت انقلها بنفس منطقتنا مدرسه ثانيه مارضو عشان سالفة القطعه

مشكوره ياقلبي عالرد

 

[فراشه ورديه]

افضل شي نقليها مدرسة حكومية بمنطقة ثانية
جربي مدارس جنوب السرة اليهال أهدى هناك

مايرضون لازم نفس المنطقه اللي بالبطاقه ......والسره وايد ابعيد علينا