اللي بايعه اثاثها من قبل تتفضل تدش :)

[ام**العسولين]

قوه بنات
عندي قنفات طاولات ببيعهم اخاف ادق على اللي ارقامهم بالوسيط يقولون لي نشتريهم كلهم بدينار ونص :eh_s(2):
ترى يسونها بياخذونه بلاش لو بيدهم حرام خو شاريينهم غالي
المهم بنات اللي مجربه من قبل وبايعه لاحد يعطي سعر مناسب ياريت تقولي وتعطيني رقمه
المطر بيخرب الاغراض وانا لي الحين ما بعتهم
ناطره ردودكم

 

[Suzi Juro]

والله مادري يا خيتي أهم صج يكسرون بالسعرلا تتأملين أكثر من 20 على الطقم، الله يعوضج الخير.

 

[ام**العسولين]

والله مادري يا خيتي أهم صج يكسرون بالسعرلا تتأملين أكثر من 20 على الطقم، الله يعوضج الخير.

صح كلامج حيييييييييييييييل يكسرون بالسعر بعد شنسوي :eh_s(10):

مشكوره عالرد اختي

 

[جوود الووفا]

أب وأنا بعد مفكرره أبيع غرفتي

 

[دلع×دلع]

على ايدج يلى

والله عندي قنفات تينن وابي ابيعهاااا ,, وخاف يكسرووون بالسعر وايد

يعطيج العافيه حبيبتي

 

[Bamya]

عدل كلامج يكسرووووون بالسعر كسرة قهر!

جربي تبيعينه بمواقع وتحطين سعر معقول (قابل للمساومة) أحسن لج

 

[الجديدة]

انا اعرف انو في مواقع على النت مزاد
يعني تحطين صورة الغنفات او الغرفة ويبدى المزاد والبيع لاحسن سعر طبعا
اعملي بحث في قوقل مزاد كويتي او بيع بالمزاد

 

[عبق البنفسج]

خليج من هذيل الي يشترون ..
انا مرة دقيت عليهم قعدة شاريتها ب 350 وغرفة نوم ب500 عقب سنة ببيعهم .. يبت اكثر من واحد ومحد عطاني اكثر من 50 دينار .. بعدين بعتهم على وحدة فلسطينية

شوفي اختي بدزلج موقع المزاد وسجلي فيه او خلي ريلج يسجل وروحي على منتدى الاثاث وهناك عرضي الي تبين تبيعينه وخلي كل واحد يحطلج السعر وانتي شوفي منو اعلى سعر وبيعي له "طبعا هما يعطونج السعر ويحطون رقمهم"

 

[سكارف.فوشي]

ههههههههه انا غرفة نومي خذوها بعشره والله العظيم كانت نظييييييييفه وجنها البخت يديده
ما انصحج تدقين وهم تقدرين تصورينهم وتعرضينهم بلوحات الاعلانات الي بمراكز سلطان يشترونهم منج اجانب

 

[costa chic]

عيل اقرو تجربي بعت غرفة نومي و2 قنفات واجهزة كهربائيه تشتغل 3 تلفزيونات قديمه و2 ستيريو واشياء اخري بسيطة بنظف بيتي منها كله 30 من بعد ما دخلت 7 دلالين من الوسيط اتصل علي رقم يشوف وما يعجبني السعر يطلع اتصل علي الثاني بجرب اعلي سعر واللي اخذهم ما يفرق عنهم الا انه شفته يستاهل ياخذهم بهالسعر

 

[عيالي...حياتي...]

حبيبتي جربي هذا 66500439


انا بعت غنفاتي ب 60 بس والله ان لونها بيج فاتح ومع هذا نظيفه ومو مستعمله حيل واتوقع لو طنشته جان زاد بسعرها لان اهو اعجبته حيل

 

[ام العبايه]

اتصلي على المحل الى اشتريته منه يمكن ايثمنهم ..........عندج ميداس يثمن اثاثه القديم انا ثمنتها ب68 دينار

 

[جلاديلياس]

حبيبتي شوفي اكثر من واحد وفيهم يعطونج اسعار حلوه انا مره بعت اثاثي كامل لما بنزل بيتي وخذوه بسعر حلو

 

[لميس]

والله يا بنات ان السعر ما يسوى كللش..

انا اقول الصدقة احسن بوايد..

دقي على اللجان الخيريه وعطيهم اثاثك..

صنائع المعروف تقي مصارع السوء...

 

[fr7ty]

انا كنت شاريه قنفات من غالريا اللى بالضجيج ب350 تقريبا..ودقيت على 2 من الوسيط وصادف انهم جوو مع بعض وقاموا يزايدون عليها وخذاها ب80 طبعا هالحجى قبل تقريبا ثلاث سنين..بس الطقم كان نظيف..

 

[غالية زمانها]

امبي لاتذكريني
كنت شاريه طقم استقبال ب 900 دينار
ويديد يمكن استخدمته بس مرتين بالكثير ..
بعته ب 100 دينار وفوق هذا بعته مع ابجوراته
عذا اللي ياب لي سعر زين

 

[شانيل نمبر 5]

انا قبل 5 سنين بعت غرفه نومي ب 150 دينار وكنت شاريتها ب 900

 

[مشتاقة لأمي]

القهر ياخذه منك ب50 ويبيعه ب300 او اكثر

ال50 بتطير في خرابيط الافضل اتصلي على اللجان ياخذون كل شي ولك الاجر خصوصاً لو ماكنتي محتاجه للمبلغ اللي بيعطيكي اياه.

 

[حصوص الكويتية]

انا احسن منكم بشوي ههههههههههههههههه

دقيت على الوسيط وبعت قنفاتى مسويتهم ب480دينار وصارلهم عندي 4سنوات بس نظاف حييييييييييييييييييييييييييل يعنى لما تشوفين القعده كنها جديده

وبعت ثلاجتين واغراض ماتسوي كانوا بالمخزن مضايقينى حيييييييييييييييييييييييل وكيت ست ابواب كبير وواحد ثانى اصغر منه كلهم ب 100دينار طبعا بعد مانشفت ريجهم ههههههههههههههههههههههههههههه

بس والله احس انهم كاسبينى حييييييييييييييل

 

[ألماسه]

خليج من هذيل الي يشترون ..
انا مرة دقيت عليهم قعدة شاريتها ب 350 وغرفة نوم ب500 عقب سنة ببيعهم .. يبت اكثر من واحد ومحد عطاني اكثر من 50 دينار .. بعدين بعتهم على وحدة فلسطينية

شوفي اختي بدزلج موقع المزاد وسجلي فيه او خلي ريلج يسجل وروحي على منتدى الاثاث وهناك عرضي الي تبين تبيعينه وخلي كل واحد يحطلج السعر وانتي شوفي منو اعلى سعر وبيعي له "طبعا هما يعطونج السعر ويحطون رقمهم"

ممكن تدزيلي موقع المزاد محتاجته ضروري

مشكوووووره