اللي انقلو من بيت الى بيت حديد .....يرجى المساعده

[om-7amod]

السلام عليكم ورحمه الله وبركاته



خواتي ...ساعدوني الله يخليكم



حاليا استعد علشان انقل لبيتي الجديد



وابي خبراتكم في هالشي


ماني عارفه شلون الم اغراضي ...وشنو ابدا فيه


عندي اغراض واااجد ....


ياريت تساعدوني




ام حمود

 

[عجينه]

والله ياختي ماعندي فكره >>>انشاله البنات يفيدونج وعسى الله يعينج

 

[أغلى حبيبه]

مبروك البيت اليديد

اول شي يبي لج كراتين فاضيه تلاقينهم عند الجمعيات

حطي مثلا اغراض الحمام وكتبي عليه من برا

المنظفات
المطبخ
المواعين
التحف

كل شي حطيه وكتبي على الكرتون

والملابس صفي اللي تبينه واللي ماتبينه حطيه بجيس حق اللجنه

والمواعين والالعاب بعد اذا ماتبينهم اللجنه تاخذهم

وعسى الله يهنيج فبيتج

 

[ناتشوو]

أولا سوي حملة عالبيت
الأغراض اللي ماتبينها ملابس مو محتاجتها
لا تشيلينها معاج وحتى المواعين كل شي
(لا تقولين بشيل كل شي وبالبيت الجديد أرتبه)
ونفس ماقالت أغلى حبيبة
بالجمعية كراتين فاضية
إخذي ولمي أغراضج
والله يكون بعونج
أنا محربة النقل
3بيوت خلال سنتين!!

 

[zrzooorah_q8]

ألف مبروك على البيت اليديد والله يهنيج فيه
وجعله ربي منزل مبارك
مثل ماقالوا الخوات
الكراتين وكتبي عليهم
واللي زايد عن حاجتج تصدقي فيه
والله يكون بعونج ان شاءالله

 

[رفرف]

ييبي كراتين فاضية شكثرررررررررر ..

اول شي حطي الاغراض اللي ما تستعملينها وايد ..
الهدوم الشتوية .. الكفرات والشراشف .. اغراض المطبخ اللي مو ضرورية وايد ..
اكسسوارات البيت ..
العاب اليهال ..
تكرمون الجواتي خلي 1 او 2 لكل نفر بس ..
جناطج خليلج وحدة تركب على اغلب هدومج والباقي بالكراتين ..

خلي بس اللي تحتاجونه ..
ملابسكم اللي تلبسونها جم بدلة على جم بجامة تغسلونهم وتلبسونهم ..

 

[om-7amod]

فديتكم كلكم ع هالمساعده ...


والله يرفع درجاتكم وينولكم اللي في بالكم ...


شكثر ريحتوني من هم كابس علي ...


احترت شنو اسوي ...اول مره انتقل من بيت لبيت


ومو عارفه شني السوات



لاهنتو جميعكم


ام حموود

 

[موزة ام فارس]

مثل ماقالوا خواتي الكراتين ينفعون وايد

وبعدين اخذي اجياس متوسطة وحطي فيها اللي باليرارات
يعني كل درج لمي اللي فيه وحطيه بجيس وكتبي عليه مثلا رقم 1 اللي فوق
والدرج الثاني جيس ثاني وكتبي عليه رقم 2 يعني الدرج اللي تحت جذي عرفتي قصدي

يعني لمي كل القطع الصغيره بهالأجياس وحطيهم بالكرتون
وهناك في بيتج اخذي جيس جيس ورتبي فيهم

واللي ماتبيه مره وحده حطيه بكرتون للجان


ومبروك البيت اليديد