اللي انبط عندها جيس البيبي قبل موعده تتفضل

[ghadeeeer]

شلونكم بنات
عندي استفسار خاص للي انبط عندها جيس البيبي قبل موعده يعني فجأة بالشهر السابع أو يعني قبل موعده المفترض
شاللي حسيتي فيه ؟ هل لازم يطلع الماي كله فجأة ولا ينقط عالخفيف؟
لأني مسوية ربط قبل 10 أيام واليوم لاحظت بقعة بملابسي الداخلية صافية مثل الماي الشفاف بدون ريحة ومتأكدة مو بول وانتوا بكرامة
وتقريبا لما أمسح وأغسل وأبدل يرجع ينزل بعد ربع أو نص ساعة
شلون أقدر أميز بين ماي البيبي وإفرازات الحمل وإفرازات عملية الربط؟
لأن اللي عرفته اللي اربطت بتعاني من الإفرازات طول فترة الحمل
بس بعرف شنو مواصفات ماي البيبي لأن نزوله معناته ولادة وأكييييييييد شي مو زين علما بأني بعد يومين بإذن الله بدش السابع

 

[حفيدة نوخذة]

ما تشوفين شر اختي
اللي اعرفه انه ماي البيبي تكون ريحته حلوه من خلال قرائتي
بس لازم تروحين للدكتورة عشان تتطمنين
وربي يتمم عليج وان شالله ماكو الا العافية

 

[أوراق مبعثره !]

ماعندي فكرة انشاء الله البنات يساعدونج ؟

اب

 

[ghadeeeer]

حفيدة نوخذة

حبيبتي تسلمين وفعلا اللي عرفته الحين من خلال قراءاتي بالنت إن ريحة ماي البيبي قريبة جدا من ريحة البيبي جونسون يعني مثل ما قلتي حلوة سبحان الله وهذا اللي محيرني آنا اللي شفته كان بدون ريحة مو حلوة المشكلة هدومي ترس كومفورت وما قدرت أميز الريحة هههههههههههههههههههههههه عالعموم نورتي

 

[ghadeeeer]

أوراق مبعثره !

كافي رفعج للموضوع تسلمين

 

[بنت جنيف]

انا بولدي نزل مني مايً على الخفيف عبالي افرازات وانطر ثاني يوم وهم نفسً الشي ينزل على الخفيف ورحت المستشفى وطلع ماي الياهل ودخلوني ولاده وانا مافيني طلق ولاشي تحاميل يحطولي طلق صناعي ٣ تحاميل ياله على الثالثه جنه ياني طلق او الرابعه ماذكر كنت توني داشه التاسع

 

[ام فطوووم]

اب اب
ياليت احد ايرد علينا
توني يايه اكتب نفس الموضوع
توه رديت من بره والا في خط بني بالملابس الداخليه
يوم مسحت بالكلينكس والا دم بني بس مو وايد خفيف
وصارلي يومين اشتكي من كثره الرطوبه بالملابس الداخليه
بس اليوم الظهر اكثر كانت بقعه واضحه
وقاعد اييني الم بظهري
وابطني
بس اكثر شي ظهري
وانه توني بنص الثامن
شسوي اروح الطبيب والا شي عادي
انطر صج اني موبجريه بس اول مره جذي احس واييني هالشي

 

[ghadeeeer]

بنت جنيف

يوووووووووووو لا يكون نفس اللي فيني ؟ يعني فعلا ينزل عالخفيف مو شرط دفعة وحدة برايج أروح الطواريء ولا أنطر لي باجر ؟ المشكلة تو الناس علي واللي قريته بعد إن ممكن الجيس ينبط بسبب عملية الربط ممكن أو بسبب ضغط البيبي

 

[ghadeeeer]

ام فطوووم

سلاااااااااااامات ما تشوفين شر إنتي وضعج غير روحي الطبيب أحسن لج وطمنينا عليج

 

[sosowaty]

اااااب والله مادري و عسالله يتمم عليج

 

[ghadeeeer]

sosowaty

مشكورة حبيبتي يكفي الدعاء

 

[RO0O7Y KUWAITYA]

انتي مسويه ربط حبيبتي يعني اي شي سيددددددا الطبيب عشان اتطمنين

 

[ام اغلى الناس]

الله يقومكم بالسلامه
بنات روحوا اقرب مستشفى
اكيد مو زين هالشي

ام فطوم
انا قريت انه الافراز البني او الدم مو زين
ممكن اجهاض او ولاده لاقدر الله

 

[ام فطوووم]

انه بالثامن باقي باقي ١٣ يوم عالتاسع

 

[@ام يوسف@]

الله يتمم عليج

 

[um haya]

انا نفس حالتج بس راجعت دكتوري وقال هذا شي طبيعي لان راس البيبي تحت الله كريم

 

[c a t w o m a n]

انا ببجري كان ينزل علي الماي على دفعات و مو حاسة ما نزل فجأة

إذا لاحظتي البقعه بهدومج أكثر من مرة روحي سوي سونار جيكي على ماي الياهل

 

[أم@الحلوين]

أنا ولادتي ابجري كان رحمي مفتوح 2 سانتي من الشهر السابع وابط الماي فجأه بنص الثامن وسيده دخلوني ولاده وولدت بالثامن
روحي حق دكتورتج الي متابعه حالتج واهي اكيد بتفيدج اكثر منا
والله يعدي عليج بالسلامه يارب

 

[ام فطوووم]

انه امس رحت مستشفى الشركه
خذولي عينه وتاكدوا ان الماي اللي نزل ماي افراز مو ماي البيبي
والدم كان شي عادي بس قالولي اذا نزل عليج وردي والا احمر لازم اتيين
بعدين سوولي دخول ودشيت الجناح وحطوا على بطني التخطيط مال البيبي وظليت لي الفير
والحمدلله حركه البيبياوكي
والطلق مافي
وعطوني موعد الاثنين يتاكدون
وعطوني دفتر مراقبه للجنين كل يوم اسجل فيها واحط علامه صح عند الوقت اللي يتحرك فيه البيبي
واذا اقل من ١٠ حركات لازم اراجعهم

 

[ghadeeeer]

تسلمون بنات عالمرور والله حطيت راسي ونمت ومن الحين بتم أراقب إذا استمر شي ينزل بروح الطبيب واللي صبرني إن الحركة زوينه للحين
ربي يهون عليج أم فطووووووم وتولدين بالسلامة وزين اللي رحتي مستشفى الشركة والله شغلهم روعة وربي يتمم لج على خير