اللي الفرق بينهم وبين زوجعم 10 سنين وفوق تدحل وتعطيني رايها

[الأميرة جوري]

رد : اللي الفرق بينهم وبين زوجعم 10 سنين وفوق تدحل وتعطيني رايها

انا في فرق بيني وبين زوجى بس احس خصوصا الريال ودج يتزوج واهو كبير واكبر من المره بوايد لانه اعقل وياما شفنا بينهم سنه سنتين مشاكل وطيش واخلاتها طلاق والرسول ماقال العمر قال من ترضون دينه وخلقه فزوجوه ....صلي اللله عليه وسلم

 

[as any girl]

رد : اللي الفرق بينهم وبين زوجعم 10 سنين وفوق تدحل وتعطيني رايها

مشكورين حبيباتي ما قصرتوا

ياريت اعلاف راي الباقيين ... واللي مارين بنفس التجربه اذا مرتاحين ولا لاء

 

[*-*Lo0o0Raaa*-*]

انا بعد بيني وبين ريلي فرق
بالعكس شي حلوو


من زمان كنت اتمنى اني اخذ واحد اكبر من 10 سنين

لوووووووووووول حتى رفيجاتي ايام الجامعه الله يذكرهم بالخير يضحكوون علي ويقوولون من صجج فرق وايد ومادري شنو

وكنت اقووولهم بالعكس حلووو انه ريلج يشووفج صغيره بعينه يشووفني مرته ومرات يشووفني بيبيته وحلوو تشووفينه ريليج وهم يكون حنين عليج جنه ابووج



والريال ما بين عليه الكبر مثلنا احنااا

تشووفينه 60 بس جنه شباب واحنا نفقش :d

بس كل هذا مو مهم

المهم

سمعته . صيته.. شهادته .. اهله

اذا كامل وكلله زين

استخيري والله يكتب اللي فيه الخير

 

[R'3wa-P!nKya]

واااااااي انا ودي اتزوج برياال اكبر مني بوااايد احس اني يااهل وكتكوووته يمه واهوا راح يستاانس بعد

الله يهنييج وااافقي اشتبين بالصغار عيونهم زاايغه وليلحين ماعاشو حياتهم

 

[Om Hessa]

اذا الرجال ماعليه كلام لاتترددين صلي استخاره وتوكلي على الله العمر مايفرق ولا له علاقه مايأثر , واجد تزوجوا والحمدلله مرتاحين وماعليهم انا زوجي اكبر مني بعد بواجد والحمدلله الله مرتاحين ومتفاهمين ربي لايغير علينا..

 

[muslima88]

زوجي يكبرني ب 17 سنة، والحمد لله تفكيرنا واحد. والله يا اختي حسب الرجال. ولو الرجال يخاف ربه توكلي على الله ..........................استخيري. الله ييسر لك حياتي.

 

[رفيف الخير]

انا فرق بيني وبين زوجي عشر سنين وعايشه حياتي باحسن حال والحمد لله ولو عاد الزمن للوراء مابتردد اني اتزوجه ابدا الله لايغير علينا

 

[ايامنا الحلوة]

اققول وافقي احسن لج

احسن تاخذين واحد اكبر منج بواااااااااايد يكون فاهم ويتحمل المسوليه

واهم شي اخلاقه وسمعته

وشهادته عاليه

الله يسعدج ويرزقج

 

[حبيبه بدر]

انا ريلي اكبر مني بعشر سنين وشي

وعادي الحمد لله ماشيه

 

['Basma']

انا اشوف فرق العمر وااااايد كبير

 

[شيخة الحلوة]

تبين رايي؟

توكلي على الله اذا انتي مرتاحة وحاسه ان الريال خوش واحد وعلى قولتج مركز وشهاده يعني صج كان يتعب على عمره عشان يكون عمره
ربي يكتبلج اللي فيه الخير يارب

وانا احب الفرق الجبير بين الزوج والزوجه عشان تصيرين عنده البيبي اللي يدلعها ويدللها ويخليج البيبي مالته

 

[as any girl]

رد : اللي الفرق بينهم وبين زوجعم 10 سنين وفوق تدحل وتعطيني رايها

مشكورين عالردود الطيبه

ماقصرتوا

 

[مليت من الاسامي]

واااي ونايه 10 سنين لو منج وافقت وانا مغمضه بيدللني ويدلعني ...<<<هذا همها لووول
تمنيت يجيني واحد فرق بيني وبينه 10 سنين بس الله ماكتب لي نصيب الا للواحد كبري

 

[noo7a]

انا الفرق بين امي و ابوي 10 سنين ابوي اكبر و لي بعد هالعمر مرات يتحرش فيها يقولها انا اصغر منج لووول فديتهم

وانا كان بخاطري حيييل اخذ ريال كبير فاهم و ناضج مو من شياب هالايام الي مايعرفون يسوون شي بس الله كتب نصيبي ان
اافرق بينيو بين ريلي سنه وحده لوووولبس الحمدلله عقله مسابق عمره بواااايد

 

[رومانسية ..]

بصراحة لو انا مستحيل اوافق
تخيلي اهوا عاش عمرة وشبابة ويبحت عن الاستقرار في البيت واولاد
انتى توج صغيره تبين تطلعين تبين تكشخين تروحين المولات تشوفين حياتج تسافرين
بكرة يشوفج قاعدة ع النت يقول لج شنو هالخرابيط يلا سكرية هذا مثال بسيط
عنى انا ما راح ااوافق الا واحد بعمري او اكبر منى بسنة او سنتين كأقصى حد ابي اعيش عمري معاه ونكبر مع بعض واهتماماتنا مشتركة

 

[om al ghaleen]

آهو ماله شغل العمر يعتمد ع عقليه الشخص نفسه
الفرق بينا 10 سنوآت والحمدالله وماشاء الله
والله يكتب اللي فيه الخير لج "

\\

 

[عادت ذكرياتي]

استخيري حبوبة
وفرق العمر ما له تأثير إنشاء الله 15 زين آنا أشوف جذي إذا كل شي زين بالريال

 

[شباصة حمرا]

انا عمريوبيني وبين زوجي سنوات

والحمدلله ماكو مشاكل بس فرق كبير بالعقل انا ادور الوناسه والطلعات وهو بيتوتي وهادي

وغير هذا القرار الاول والاخير بحياتنا له هو وصار لي سنه متزوجه وقاعده احاول اغير شوي من تصرفاته

وترا على حسب الرجال




وغير هذا م

 

[as any girl]

رد : اللي الفرق بينهم وبين زوجعم 10 سنين وفوق تدحل وتعطيني رايها

^ ^ ^

مافهمت من ردج شي ... وجنه مو كامل
عالعموم مشكوره عالرد


ماقصرتوا برايكم لي
ابي اسمع بعد <<طماعه

 

[قمر حبيبها]

رد : اللي الفرق بينهم وبين زوجعم 10 سنين وفوق تدحل وتعطيني رايها

انا نفسج زوجي اكبر مني ب15سنة تقريبا
كنت مترددة شوي بس وافقت لأنه أولا إنسان ملتزم وديّن
وثانيا شهادته عالية
وثالثا فرق العمر صح كبير شوي بس قلت راح يعاملني نفس أخته الصغيرة
وبالنهاية توكلت على الله وتزوجت والحمدلله الحمدلله الحمدلله طلع يعاملني جني بيبي عنده ويخاف علي وما يرضى أنام زعلانة ولا بخاطري شي
ويطوف لي بعض الأخطاء الصغيرة الله يحفظه ويخليه
بس انا لما تزوجت كان عمري24ونص تقريبا يعني اكبر منج
ومادري يا عمري عسى الله يكتب لج اللي فيه الخير​