اللي الحموله دمرت حياتها متي ياج الفرج بعد جم قرن

[شتــات]

الله يعيييينج ويسخر لج زوجك

انا بعد بسكن مع اهل زوجي وميييييييييييييته من الخووف منهم

الله يعييين ويقدر لنا الخير

 

[روائع الجوري]

ااااخخخ بس يالقهر موتيييني قهر الله يكون في عونج مالت على كل حموله جذي قطيعه تقطعهم شفيهم بعدين انتي ليش ماعندج خدامه خير انشالله تشتغلين لهم كلهم شدعوه ترا حق من حقوقج انه زوجج يجيب لج خدامه لانج ساكنه مع اهله شوفي قلبي اهم شي اذا قابلتي زوجج لا تجيبين طاري اهله لا تنكدين على روحج لاحقه لما ترجعون البيت طلعي الي بخاطرج شوفي اليوم هذا استانسي الله الله بلبس والسنع واستانسي والحموله مهما تسوين ماكو فايده مالج الا الصبر الله يسعدج ويوفقج

 

[بنت الاحلام]

الله يكون بعونج

 

[روائع الجوري]

شطوره لمى كلامها عين العقل

 

[شقاوه صبايا]

الله يعينك

 

[om.aboodi]

lish mo rathe yktb 3rby we3a kobos

mshkoreeeeeeeeeeeeeeeeeeeeeeeeeen waed bnat 3sa rbi yfrj 3lekom ,3lai yyyyyyyyyyyyyyyyarb shlon aktb 3rbi

 

[أم توتو]

الله يعينج

حبيبتي لاتزعلين مني انا بانصحج بس بالبداية بقول كلام يمكن يصحيج وشوي يجرحج.........

انا فهمت من طريقتج ومن كلامج انج على قدج يعني اللي بقلبج وواضح اذا غضبانة على احد ومقهورة ماتحاسبين بالكلام ....

وهذا مو عيب طبعا هاذي طيبة ووضوح بس هالزمن الأغبر مايبي وضوح ولايبي طيبة يبي مرة ذكية تلعبها صح وماتخلي

احد يجيس بيتها ولازوجها ولا أحد يقدر ينرفزها عشان تطلع كل اللي بقلبها لا ياحبيبتي اسمعي ...

شوفي أمه وخواته اكتشفوا فيج صفة واهي انج نرفوزية وبسرعة تطلعين اللي بقلبج لريلج واذا عصبتي عليهم رحتي شكيتي

لريلج فلما شافوج جذي قامو ينرفزونج اما عن طريق تحرض ريلج عليج وانتي تكملينها وتعصبين عليه وتطلعين عيوب أهله

وكل الأكو والماكو ........ أو انهم يقطون عليج من الحجي عشان يخربون جوج وتطلعين نرفزتج على ريلج وتكلمينه عنهم....

تصرفاتج حبيبتي كلها غلط .........................

الحل الأكيد اذا تبين تكسبين ريلج دوسي على مشاعرج وعلى عصبيتج وعلى حرة قلبج :: انا اقولج شلون

من اليوم ورايح افتحي صفحة يديدة لاتيبين طاري أمه على لسانه ترا مهما سويتي مستحيل يصف معاج لو غلاج عنده كبر الدنيا

ماراح تفوزين على أمه الى بالدهااااااااااء يعني لاتكلمين عن أمه ابدا ابدا ابدا اقطعي سيرتها عنج ولاتيبين طاري اخوانه

وخواته وحريم اخوانه ولا ولا شي من هاللحظة اللي تقرين ردي هذا قرري تقطعين سيرتهم ولاتتحجين عنهم لاحق ولاباطل لاخير

ولا شر ..................

الخطوة الثانية قبل لايقولج نزلي انتي اكشخي كشخي عيالج ونزلي عندهم حتى لو مايبونج ترا اللي ينرفزهم اهو وجودج عندهم

لأنهم يدرون ان ولدهم يخليج تنزلين عندهم غصوب ويتمنون انج ترفضين فيكرهج ريلج ويحقد عليج وهذا اللي يبونه....

فانتي انزلي وشقي الحلج خلي الضحكة دايما على ويهج تزقرتي وتعدلي وتكشخي واجلسي بكل هدوء لو قطوا عليج مليون قطة

لو قالو كل شي يضايقج لااااااااااااااااااااااااااااااااااااتردين امانتج لاتردين ولاتنقلين الموقف لريلج عطيهم اكبر طاف ترا المثل هذا

اهو احسن مثل عرفته >> ( الحقران يقطع المصران ) دخلي من اذن وطلعي من الثانية ..........

طبعا لما تصعدين لشقتج تكونين بقمة القهر لأنهم اكيد نرفزوج قدام ريلج ومن وراه واهو مادافع عنج بس انتي اذا صعدتي

الشقة لايكون ويهج معفوس ولا تبينين انج زعلانه بالعكس بيني لريلج ان كل شي تمام بس شوي بيني له انج حزينه بالنظرات

بالايماءات بس ابدا لاتتحجين معاه بأي موضوع صار بينج وبين اهله وانا اقول خلج كأنج حزينه عشان يحس انج

قاعدة ترضينه على حساب نفسج ..................

دايما خليج سنعه نظفي البيت وعيالج ودايما شغلي هالخور والعطور لاتقولين ماكو وقت وزعي وقتج بطريقة صح عشان

ماتخلين لأحد اي عذر يطلعه عليج دايما خليج السنعة بالأفعال يعني ضبطي نفسج اكشخيله حطي مكياج .....رتبي بيتج

طبخي له سوي له حلويات ..................

وأمه اذا راحت معاكم اي مشوار سوي نفسج انج واااااااااااااااااااااااااااايد ماأقول مستانسه على الأقل مرتاحة ولايبين عليج القهر

ترا شوي شوي راح يطلعونج من راسهم وريلج ترتقين بعينه .............

أما تصرفاتج الحالية اسمحيلي راح تهدم بيتج

كلامها صح 100 بالميه:eh_s(15)::eh_s(15):

 

[إم فهوديـﮯ]

الله يعينج علي مابلاج
الصبر مفتاح الفرج

 

[هيبة ملك]

والله حرام عليهم

 

[om.aboodi]

Madry lish ma yktb 3rby lna allah

 

[زوجة عزيز]

احسن حل سكنوا ابروحكم والله بترتاحين

 

[جوري الكويت]

احسن حل سكنوا ابروحكم والله بترتاحين

طبعا هذا احسن حل

بس مشكله االرياييل ما يقدرون لازم ياخذون الرضعه التشيش من امهم كل يوم

نصيحه للي يتطمشوون .. سكنوا بروووحكم

ترى الحكومه يعطون بدل ايجار 150 دينار

خل يحط فوقهم و يسكن بره .. والله لو ملحق .. بس الاستقلاليه حلوه

الريال اذا مرته ساكنه في بيت اهله راح يهيت ويسافر و هو متطمن

بس اذا ساكنين بره .. بيحاتي مرته و عياله


هذا الحل و ادري يبيله معجزه .. بس ادعي ربج و الله يهديه

و يشغلهم عنج

 

[om.aboodi]

يقولي انسي نطلع اصلا من البدايه مفهمني مستحيل افتح هالموضوع يارب اول كنت انزل واضحك وكنت اصلا مافهم نغزاتهم لما لاعت جبدهم اني مافهم وقاموا يقطونها بويهي لاكلمته قالي انتي نيتج وتفكيرج انتي غلط وبلعنا لما مواقف جدامه عرف وحده بس من خواته امه لالالالالالالالالالالا تالي كلمتني قالت اللي توصينا تري امي وتسوي روحها جدامه ماتدري ياناس شنو هالعايله الكل يتكلم بالكل وانا اللي باكلها اخاف حتي يقولوني حجي ماقلت يارب استر شنو هالعيشه على اعصابي قاعده موكافي الشهرين اللي مايدري عني ولدهم ماكفاهم اشتبي يبه لاتزوجينهم تبينهم
اللي يحرني انه ماياها مني شي وعيزت كل مناسبه اشتري بالاخير تقط على حجي اني بخيله اي شي والحين قلت له عندك مناسبه انت يب لمك المصيبه يجبرني روحي اشتري لامي واهوا بعد يقصر علينا علشان حضرتها بكل مناسبه تغير اثاثها او تاخذه وتسافر معاه شنو هذا بس كافي امصخت المشكله اهوا وايد على نياته وعنده انها فقيره وتتشكا له عن خواته انا تعبت منهم يسون لي مشاكل واهيا ساااااااااااااااس البلا شنو الحل ياناس ماعرف اعيش مع ناس ممثله جدي قبل اي الحين نزلت بس مبين على متضايقه تخيلوا لعن خير خيري وقالي شوفيلج دار نامي فيها والتالي

 

[عشقي الجنوب]

الحال من بعظه وربي نفس الحاله الله ينصرنا لا وصايره تعطي دروس لبنات اختها شلون يتصرفون مع زوجت اخوهم مره كنت جالسهمعاها وهي تكلمهم الا تقول لاتتكلمون عنها عند اخوكم ولاقدامه بيكرهكن انااااااااااااااا انصددددددددددددددددددددددمت وتشيشهم عليها وااللي مضحكني قبل فتره كنت اسولف مع اخت زوجي الصغيره قلت تخيلي فلانه ساكنه بجنبنا اللي هي اختها متزوجه قالت مستحيل بتقول فكوني ابي اعيش حياتي تبي تستقل فخاطري قلت سبحان الله ياليت لو تتعاملون معي نفس التعامل وتحسون فيني

 

[om.aboodi]

ياااااااااااااااااااااااااااااااارب ورني بخالتي وبناتها عجائب قدرتك يااااااااااااااااااااااااارب مايخافون الله عندهم بنات

 

[om.aboodi]

تخيلوا قاطعه بناتها عن حمولتهم وموقادرة علي عيالها وحريمهم الا على انا المقروده حسبي الله ونعم الوكيل

 

[قمر2009]

بصراحه ام توتو ماقصرت

 

[ام زهقانه]

حبيبتي انا صار لي 15 سنه الناس لا تجينهم كلش قولي انزين لاتجين ما يبين بعيونهم شي

 

[ام الوسمي]

اختي صاحبة الموضوع انا اقول احتسبي الاجر عند رب العالمين ولاتشيلين في قلبك وادعي انا الله يسعدك ويهنيك لاتدعين على احد قولي حسبي الله ونعم الوكيل كل ماضاق صدرك ومو قدام احد بينك وبين نفسك ... واتركي سوالفهم كلهااا عنك عيشي وفكري دايم شلووون اليوم يصير احلى من بكره ترى القلب لاصار يكره ويشيل يتعب صاحبه انتي ان شاءالله فيك الخير .. وتقربي اكثر لامه .. ماعليك من احد الكلام اللي يعجبك اسمعيه والكلام اللي يضايقك قولي لنفسك كني مااااسمعت شي والحياااه والله ماتحمل هالتعب كله ... كنتي سعيده لنفسك وان كنتي حزينه لنفسك .. فمن باب اولى تعيشين بسعاده انتي تخلقينها لعمرك .. وكل ماشفتي تصرف من زوجك ناحية امه قولي الله يزيدك وصل .. ماتدرين يمكن يطلع ولدك بكره يداااري خاطرك ومايسمع فيك ابد ....... اسمحيلي طولت عليك بس والله كلامي ناااااتج عن تجارب واحداث وقصص ... :eh_s(17):

 

[om.aboodi]

والله محد جابلها كثري اخاف الله فيها وطول عمري اقوله اللي مافيه خير لاهله مافي خير لي وانشاله ولدي يقوم فيني بس موعلى حسابي خافوا الله الله ماقال اظلم زوجتك علشان امك