اللي استقالت عشان بيتها تقول تجربتها

[لولو الكويتيه]

السلام عليكم بنات
بالفتره الاخيره صادفت وايد بنات متزوجين وعندهم عيال وصغار يمكن صارلهم 6 او 8 سنين متوظفين واستقالو واقعدو بالبيت عشان يجابلون عيالهم وبيتهم
اللي تنازلت عن وظيفتها وقعدت ببيتها او اللي بالاساس ربة منزل وماتفكر تشتغل تقول تجربتها
شلون تصرف وشلون حياتها وشنو الاحسن الوظيفه او شغل البيت واللي استقالت تحسفت او لا؟؟
اللي قابلتهم سالتهم تحسفتو وثنتين منهم مدرسات قتلهم ماتحسفتو على الكادر والله يابنات قالولي لا ماتحسفنا لان شفنا الراحه النفسيه والجسديه بالبيت والدوام هد حيلنا
صرت وايد افكر شنو الافضل للمراه بهالزمن الوظيفه او البيت
احس الحين تربية الاطفال صارت صعبه والريال صار وايد متطلب والحياه صارت مزعجه يعني اذا موظفه لازم تكونين مقصره بجانب بحياتج يمكن مع عيالج او زوجج او وظيفتج لان في موظفات عادي عندهم كل يوم مرضيه وتاخير
وحده من المدرسات اللي استقالت عمرها 30سنه قالتلي انها استقالت لانها طاحت على خدامتها تطق بنتها وتعقدت وماقامت تثق بالخدم فاستقالت وجابلت بيتها وتقول صرت احلى وبشرتي صارت احلى من الراحه وعلاقتي بزوجي وعيالي صارت احسن لان انا اللي اطبخلهم واجابلهم بس تقول كل يوم صبح اروح النادي واخذ بنتي معاي واهتم بنفسي وم معناته اللي تقعد بالبيت تجابل الطباخ والتنظيف وبس
شرايكم بنات ابي اعرف تجاربكم

 

[لولو الكويتيه]

طبعا هالموضوع للي ظروفها تسمح انها تستقيل وتقعد بالبيت لان في حريم عليهم اقساط ومسئوليات ولازم ياخذون المعاش بس لو كل وحده معاش زوجها يكفيها اهيا وزوجها وبيتها وعيالها تقعد بالبيت او تشتغل ؟؟

 

[ReD&FoSHia]

اب اب

 

[mazajyh]

والله الحمد الله معاش زوجي مكفيني أنا وعيالي ومرتاحه في بيتي​

 

[أم عبووووودي]

انا تركت الدوام ورجعت قبل الكادر وتحسفت اني رجعت لاني رديت اللي بعمري صاروا مشرفات

ودرجات وانا مثل تعيين جديد غير المديره والموجهه تعاملني مثل التعيين الجديد تعامل زفت

اللي من جيلي يحترمونهم وانا كلش التدريس متعب ومرهق والتعامل يزيده سوء

تندمت اني رجعت لتدريس لكن قرار صعب ارجع فيه احس انه موفي مصلحتي خاصه بهالحياه

اللي صارت صعبه كل الحالتين كان قراري خطأ وأهون الأمرين ابقى علي الوظيفه

واحتسب الاجر عند الله هذي تجربتي و بخصوص البيت كل وحده تقدر تضبط امورها لاكن اذا كانت اتكاليه وكسوله

قاعده بالبيت ولاموظفه مامنها فايده والانسانه المتزنه في بيتها او بعملها تمسك زمام الامور

 

[@ام يوسف@]

ااب

 

[om kookaa]

أنا من الاساس ربه منزل يعني من تزوجت زوجي رفض أين اتوظف وانا وافقت ع اساس أين مع مرور السنين اقدر اقنعه بس بعد محاولات دامت 7 سنوات للحينه رافض الفكره
من ناحيت الصرف الحمدلله بخير ونعمه زوجي مدرس وعنده مشروعه الخاص يعني الامور تمام التمام
اما من ناحيت تربيت الجهال فهي بهالزمن صعبه صعبه صعبه أنا عندي ثلاثه الله يحفظهم راح نص عمري بخدمتهم اكبرهم عمره 7 سنين بس مكرسه حياتي لهم اتعب حيل بتربيتهم بحكم شغل ابوهم المتاوصل فأنا المسؤله الوحيده عنهم واحس بعد كل هالتعب كأني ماسويت شيء لانهم الي بالمدرسه والي بالروضه فاختلطو بالناس وبدو يكتسبون عادات سييئه الله يعيني
اما بالنسبه للقعده بالبيت فهي زهق وملل ماأصدق ينتهي يومي عشان بس الاقيلي مكان ارتاح فيه
احس خلاص عمري ضاع ونسيت نفسي واحلامي عثا عليها الزمن
بس الحمدالله ع كل حال

 

[سارة ة]

لا والله الوظفيه بلااااااااااااااااا منت الرجال اللي يحاسبج حتا عل الللقمة

 

[صدفه نسيتك]

عزي نفسج عن الرجال . الا عاد اذا كان عنده دخل ثاني ومو مقصرر بو لا شي ولافيييج ارتاحي ببيتج

 

[بخـــارى]

يازين المعاش

 

[cheese cake 84]

شوفي اذا والله مدخولكم يكون رااااااهي ومنتي محتاجه المعاش قعدي بالبيت بس من ناحيه ثانيه حتي لو مومحتاجه المعاش كافي الاحتكاك يومياً مع الناس والمراجعين ويومج يروح ومافي ملل

 

[bnt_kwt]

الدنيا تبي
والحياه تعاون
ومعاشج عندج غير حتى لو ريلج مو مقصر عليج بشي


انا بدايه زواجي كنت ما اشتغل وزوجي اللي يصرف علي
والشهاده لله ما كان مقصر وياي بشي ابد

بس حسيت بالملل حيييل سنه كامله حياتي نوم واكل وطلعات
وسهر بالليل ونوم بالنهار

اشتغلت واول معاش لي كاااااااااااااان صج غير

زوجي ملزوم يعطيني مصروفي وملزوم بمشترياتي من ملبس ومأكل
بس مو ملزوم بمواجيبي مو ملزوم انه اشتري هدايا ولاده وزواج واعياد ميلاد وتخرج على حسابه
مو ملزوم يصرف علي فوق طاقته
مو ملزوم بماركاتي وساعاتي وجناطي

ومع العلم اني اشتغلت وصار لي 10 سنين اشتغل ولي معاشي ومازال زوجي مو مقصر معاي
الحمدلله يارب على كل شي

 

[om-3azo-83z]

انا بصراحه مو معه اللي تقعد فالبيت و هذي وجهه نظر
اول شي هالزمن صعب و ايد وحده ما تصفق و حتى لو مو محتاجتهم باجر اييج يوم اسود الله لا يقول و لا بتزوجين عيالج تفكيري وايد مستقبلي خخخخخ
غير جذي وايد بنات اعرفهم تطلقو و توهقو لان ازواجهم ما خلوهم و الحين كلوها عشان جذي قالو اهم شي الوظيفه و الشهاده
هذا من ناحيه الماديات و من ناحيه البيت انا كره حياتي الخدم مستحيل ادخل خدامه بيتي بتقولون شلون شغل البيت بسيطه نظمو وقتكم بس عشان لا تختلط الامور انا الحين مطلقه عشان لا تقولون شلوووون و كلامي من واقع حياتي وقت الزواج و ماعندي عيال بس من واقع حياه اللي قراب مني مو قالو لنا و سمعنا اكره هالشغله
شوفو انا ادري و كانت محاضراتي تخلص ٣ و على ما ارد البيت درب يدوب اتغدى ودي افط نفسي عالفراش جني ميته بس نظمت وقتي
ردي من الدوام اذا ردتج مبجر ابدي تعديل مو تنظيف اذا لا خلي هالشغله بعد الغدا مع التنظيف تخلصين سوي غداج طبعا فتره المغرب و خليه بالثلاجه لي ثاني يوم وقت الغدا بس حطيه عالنار
غسيل الملابس يومي و اذا ضغط عليج في مصبغه تسوي اشتراك غسيل كوي ٧٠ قطعه ب٢٠ دينار قطي ملابس الطلعه يضل البيت بس يعني شي سريع
و اذا على اليهال حضانه او خلي عند احد من اهلج و اذا عندج خدامه و ما تبين اتعبين اهلج وديهم بيت اهلج تصير رعايه الياهل للخدامه بس اهلج يشرفون عليها لان الخدم يخرعون بصراحه
اذا نظفتي شغلج اول باول ماراح يتراكم الشغل ولا تحتاجين وقت كبير كلش كل شي بسيط و الحين الاجهزه توفر التعب كله الملابس غساله و نشافه و مواعين في غساله مع اني ما خذيتها شغلات وايد تستخدمينها توفر وقتج و ماتحتاجين للخدم كلللللش

و الطريقه هذي مشينا عليها انا و امي و خالاتي كلهم و الحمدالله كنت مرتاحه

 

[طير الحب]

انا جربت قعده البيت ولما ادخلوا عيالى المادرسه صار ضيقه خلق

بغض النظر عن المعاش البيت صراحه قعده شنو نوم وطلعه واكل مادرى احس الدوام يعطى لحياتج حافز

لما كنت بالبيت الصبح نوم والضحى طلعه ززززين وبعدين لى متى

انا ريلى وظيفه مميزه بس ما ابى اقعد من الدوام ابى يصير لى شى

بما انى جربت القعده كلش ما حبيتهاااااا

 

[sanyoretaQ8]

انا امي جذي تقاعدت مصار عندها وقت فاضي وايد
وملل فسوت لها مشروع صغير تلهي نفسها فيه

 

[أم سيف وسلطان]

انا قبل ما اتوظف كنت كله سهر واكل ومليت وتوظفت وحملت وتعبت وقلت بستقيل

بس جربت و خذت إجازه شهر بدون راتب و حسيت في هاذي الفترة انه الشغل مهم

من كل النواحي المادية والمعنويه الشغل يعطي لحياتج معنى بدون ما تعتمدين على حد وهاذي وجهة نظري

 

[اطياب طيبه.أم عبدالله]

انا كنت موظفه بوظايف منوعه اخرها واحلاها مترجمه وكنت مستانسه حيل بشغلي وراتبي ممتااااااااااز

بس استقلت من دوامي لان عندي 3 يهال كانو وقتها وحسيت بالخدامه تمد ايدها عليهم

قلت بنفسي بلعنه هالمعاش وهالبرستيج وهالوظيفه اللي ماراح تفيد مستقبل اعيالي وتربيتهم شي

استقلت ثاني يوم وكاني قاعده صارلي ست سنوات واشتغل بالنت وعندي موقع ومشاريع خاصه قد الدنيا والحمد لله

اقترح عليج قبل الاستقاله يكون لج فكره او مشروع تستفيدين منه وتمضين وقتج والحياه ترا احلي بالبيت بين اليهال

كل يوم لنا برنامج معين او طلعه لمكان معين او زياره واستقبل ناس في بيتي واستانس وكله بين اعيالي وجدام عيني فديتهم

 

[bobo lover]

شوفي انا مع اللي تقعد وضد بعد
احس حلوة عشان تتفرغ لعيالها وبيتها وزوجها بس بعد مو حلوة لأن مرات الوحدة ودها بمعاش تشتري اللي بخاطرها، يعني اشياء كمالية مو ضرورية نفس الذهب والالماس والجناط والساعات الماركة، بس يمكن ما تقدر لأن المصرف ما يكفي.

 

[أبله أريج]

ودي لكن شلون على المصاريف

الاجارات بالعالي
الملابس المكياج العطور الاقساط العلاج
الاجهزة
السفر
هذا كله معاش الزوج بروحه ما يأمنه

 

[الله كرريم]

(معااش الدوام المغري ) ( اعيالج وتربيتهم وقعدة البيت )


الواحد يصيير بين نارين ،، صعبه نوازن بين الدوام واعيالنا حتى لو حرصنا ،،


من رايي اذا الوحده مومحتاجه وظيفه وحالتها الماديه زينه تقعد تربي عيالها احسن مليون مره من الدوام