اللي استخدمت بندول نايت ادش موضوعي ضروووووووووووري :( :(

[marioom]

قووه بنات شخباركم انشالله بخير

اللي جربت حبوب بندول نايت بليز صارلكم نفسي؟؟
انا شريتهم من زماان عشان اعدل نومتي وصرت متى ما ابي انام اكل حبتين منهم
وخلصت شريحة وحده واعتقد حبتين من الشريحة الثانيه
وعقب جم مره من الاستخدام تخيلو ماقامو يأثرون مع اني ما اكلهم وايد
الحين لو ارد اكلهم اصير جني ميته بين نايمة وبين قاعده واحس بعواار غرييب حيل بركبي لما احاول اني انام بالغصب

والحييييييين كلش ما احس بالنوم باليوم انام 3 ساعات بسس
لي ثاني يوم وانام بطلعة الروح ولا احس بالنوم اصلا
صج طقت جبدي ودي انااااااام بس كلش ما انام الا بالغصب
قلت يمكن بس بالبداية يصير جذي وبعدين ارد نفس اول وصارلي تقريبا تقريبا شهر على هالحاله
واذا كلش كلش بنام اييلي النوم قطاعي انام بالليل ساعتين واتروح النومة واقعد شلون مادري واتييني النومة الظهر وبس

اللي جربتهم اتقوووولي رد موعد نومتها الطبيعي ولا لا؟ ؟
صج صج مادري شسوي تحسسسسسفت قد شعر راسي اني استخدمتهم .. مع اني ما استخدمتهم واايد بس شوية بس علشان اعدل نومتي

​

 

[زلابيا]

انا مجربتهم بس مو على طول اخذهم لأ مخليتهم حق الشديد القوي

لآني خاف اذا خذيتهم على طول يصير فيني ادمان عليهم او ان تصير عندي مناعه وما يأثرون فيني يعني بالمختصر يصير تأثيرهم سلبي ..

بس اتصدقين ان حالتج صارت برفيجتي قبل جم شهر نفس الشي ..

اتقول ان تاخذ حبتين باندول نايت ولا اتيلها النومه .. حتى لو مو نايمه الظهر وباذله مجهود هم يصير فيها ارق وماتقدر اتنام ..

انا اقول خليهم يولون دامهم عفسوج جذيه

 

[زيـنـه]

انا اخذهم لا مرضت او ياني عوار راس و ابي انام .. يعني مو باستمرار .

و اعرف ناس من كثر ما ياخذون الباندول جنهم ياكلون حب .. و صارت فيه مناعه ما قام ياثر فيهم .

الافضل تتركينهم و تراجعين الطبيب تشرحين حالتج .. يمكن قل النوم سببه ثاني .

 

[أنوثهـ حتى الثمالهـ]

حبيبتي اللي سويتيه غلططططططططططططط
مناعة الجسم ذكيه لما تدخل ماده غريبه عليها تقاومها اول مره بتحسين بنتيجه وتنامين الثانيه نفس الشي الثالثه لا يبدا الجسم يتعود عليها ماتاثر فيه تصيرين نفس المدمن (مع الاعتذار عن التشبيه) لازم يزيد الكميه عشان يحصل نفس النتيجه تاخذين 3 حبات عشان تنامين واللي بعدها 4 لان ال3 ماتاثر خلاص ....الخ
فهمتي؟
وتبين اقول شي تستغربين منه
تدرين الدكتور مره قالي حتى لما تحسين بصداع حاولي تقاومن ماتاخذين بنادول اا للضرووره القصوى عشان لا تضعفين مناعة جسمك
شلون انتي اللي تاخذينها عشان النوم انتبهي واذا على النوم اشربي حليب ولا يانسون او نعناع يهدي اعصابك وشاور واقري المعوذات والكرسي وبتحصلين نفسك في ساابع نووومه

 

[irresistible]

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ دستي على الجرح توني من دقيقتين ماخذة تايلينول نايت اهو نفسه انا فيني صداع عمرة ما يفج لما اخذه جسمي كله ينمل وتحوشني اشياء غريية من كثر ما خذيتة ما قام ياثر فيني مولية

 

[marioom]

انا خليتهم يولون من زماااااان بس تاثيرهم ليلحينه مو قادره انام كلشش ونطرت قلت يمكن بالبداية جذي وبعدين ارد عادي بس لااا ليلحيني موو عارفه شسوييييييي
انا ما مرضت بس لما خلصت شريحة كاملة ومن عقبها كل ماحاول اني اغصب نفسي بالنوم احس بعوار غريييييب بركبي مو عارفه شنو السبب
مربى دلع بسوي اللي قلتيه بشرب حليب واخذ شور واحاول انام اليوم انشالله
تووتا نفسي اللي يصير شي غريب مو عارفه شنو اهوه

ومشكورين بنات على ردكم


​

 

[supermarket]

انا ما اخذة الا للشديد القوي يعني مريضة وابي ارتاح بنومتي

بس اني ادمن عليهم نووووووو ويييي

ومرة اخذتهم بالطيارة علشان انام بس مانومتني الحبة بس ترخي الجسم

فاعتقد ان النايت مرخي للجسم ( ريلاكس) مو منوم

 

[شندوخه]

انا ماتنومنى بس احس جنى طايحه بجليب احساس كلش مو مريح
بس والله عن تجربه شربي بابونج واخذي شور دافي اتييلج النومه وانتى مرتاحه

 

[marioom]

سوبر ماركت انا لما اخذ حبتين انام هالشي بالبداية وكلشش ماله بالريلاكس اصلا يتعبون ما يريحون ومشكووورة

شندوخه هذااا بالضبط اللي يصير معاي احساس كلش كلشششش مو مريح ومشكورة على النصيحة

​

 

[شكليطه]

ماتشوفين شر حبوبه

سبحان الله غريب والله اللي قاعد يصيرلج

انا خالتي مينونه باندول نايت.......وتوصيني اشتريلها بال5 و7 حبات يوم كانت مسافره

بس ما قط سألتها حق شنو............

وكاهي ماشاءالله ماتشتكي من شي

يمكن جسمها تعود عليه!!

بس مثل ماقالوا البنات

تبين تنامين........اخذي شاور حدددددده دافي.........وخليج ريلاكس وانتي تتحممين

وبعدين لبسي بجامه مريحه وشغلي القرآن....................ان شاءالله دقايق والا انتي بالحلقه 26 من الحلم

 

[رفرف]

والله مادري ماستعمل أنواع البنادول لأنهم يسوونلي رقعة بقلبي ماعدا البنادول العادي (مو مواكبة التطور كلش) ..
بس حالتج هاذي كانت تحوشني بدون سبب اذكر والله كنت ابجي ابي انااام واداوم بالجامعة وتعب وارهاق وارد البيت أرق ماقدر انام واذا نمت جني طايحة بجليب بين صاحية وبين نايمة وكلها ساعة وارد اقوم نومتي مقطعة شي فظيع تعبت تعبت بس تمت هالحالة معاي فترة وراحت اظن كانت من التعب والضغط والا انا ما اخذ ادوية يعني مو شرط من البنادول نفسه ...

 

[vogue grl]

انا عندي ياه بس مااخذه على طول اله بين فتراة طويله بس مفعوله مازال يعني لما اخذ الحبه على طول بعد شوي اشوف نفسي دايخه وابي انام واقوم الصبح شبعانه نوم

 

[الاسطورية]

مريوم هذا موتاثير الحبوب مالها ريلي 24 ساعه يستخدمهم يتله فتره يوميا ياخذهم
والحين تركهم عادي

الي فيج هذا النوم الغلط كلنا نعاني منه لايت العطله وصعب نعدله ونحس بخمول وعوار وكل هاللي تققولينه انا متاكده ان السالفه مومن الحبوب

السالفه من السهر والخرابيط الجسم يضطرب وصعب يتعدل بالتدريج

حاولي تعدلين نومج وتخلين وجباتج منتظمه ولاتوسوسين قبل النوم لافكرتي قبل النوم ماتنامين انا حايشتني مثل حالتج مع اني ماكل حبوب كلش بس مانام الا 4 ساعات يوميا والسبب السهر والنوم الغلط ورمضان بعد يقلب الحسبه

عدلي نومج نظمي وجباتج

 

[الغاليه نونو]

جربي نومتي اللي بقولج عنها وطبقيها بحذاااافيرها صدقيني بتطيبييييييييين وتصيرين خوووش واحسن وحده تنام بالوطن العربي هههههههههههههه


بالليل عقب ماتصلين القيام والشفع والوتر تقومين علي حيلج وتروحين بفرااشجج وتاخذين ملفعج تطفين الليتات وتغمضين عينج وتحطين الملفع علي عيينج لازم ملفع هههههههههههههه وانتي مغضمه اقري الفاتحه والمعوذاات واية الكرسي صدقيني والله بتحسييييين برااحه ونعسااان موطبيعي وتنامين وتمي طووول مانتي واعيه اقري قرآن وادعيه وبهالطريقه ماتحتاجين لابندول نااايت ولاااااااادايت ههههههههههههههههههه

وادعيلي بس ياقلبي الله يهدي ذريتي ويرد لي ولدي وجنتي ويريح قلبي بشووفة عياله وبس

 

[almost a whisper]

هلا مريوم

انا جربت بندول نايت .. بس اخذه لما يحوشني صداع بالليل .. فاخد حبه وحده واطخ نوووووم ما بعده نووووم ..تب ماي بالقصب يصحيني
بس اتوقع انتي صارلج جذي لانج تاخذينه وانتي مافيج صداع .. ومن الي فهمته من كلامج انج خذيتيه على ايام متتاليه وانتي مو مصدعه .. مو جين

وماتشوفين شر انا اقول روحي لطبيب وسوي تحليل احسن بعد .. الاحتياط واجب يبوج
وسوي مثل ماقالت الغاليه

وماتشوفين شر انشالله

 

[jaggy-cat]

حبيبتي عليج بالمشي والله هو الشي الوحيد اللي ينمو نومه مريحه .

 

[دانتيل]

مريووووم حتا انا ما تييني النوووومه عاد قاعده اقوول حق امي قالت لي اخذي بنادول نايت انا امي تاخذه عمرها ما اشتكت الحمدلله.... يمكن كل واحد و مدى تقبله للدوا.... الله يعينج حاسه فيج

 

[marioom]

مشكورين بنات على ردودكم وحلولكم .. وما تشوفون شر انشالله واي انا اخذه وانا مافيني صداع بس اخذه عشان انام وبس لاني ابي اعدل نوومتي بس مو عارفه شلون
واظاهر مثل ما قلتي الاسطورية من النوم الغلط وبسوي طريقة البنات باخذ شور دافي قبل النوم وبناااام .. مشكووورين ما قصرتووووو

​

 

[جوجو.]

اي صح يخدروون اول الايام وبعدين مالهم تأثير تبين نصيحتي شوفي سهري يوم كامل وتحملي ولاتاكلين الحبوب حلو وبعدها نامي وراح تتعدل نومتج وبعدها حاولي تنامين امبجر وفكي نفسح من الحبوب هذي

 

[زهور المحبة]

امبيه مريوم والله نفس الاعراض اللي صارت لي صارت لي
وعوار الركب اتحسين جنهم بينفصلون من جسمج !!!

انا اخذه بس علشان تعديل النومه ومو دايما وصج انا احس كل مره اخذه يقل مفعوله وساعات اصلا ما يأثر

الحمدالله انا مو دايما بس انتبهوا ترى له سللبيات ويسبب امراض ويخرب الكلى