اللى ولدت برمضان تدش حياها

[sara_77]

يارب تسهل علينا

 

[روحي ابوي]

جربت نفاس رمضان مرتين صراحه تعبت أمي فديتها كانت تقوم الصبح وتسوي الريق حقي وترد تنام ،، وتقعد الظهر تسويلي غدا وتسوي الفطور مع الخدامه وخواتي ،، بس حسيت تعب عليهم ضغط ،، يعني بعد مايتفطرون بيرتاحون وانتو تعرفون بعد التراويح تبدا لزوارات واستقبال الحريم ،،
صراحه كلش ماعجبني والحمدلله على كل شي ،،

 

[(أم نونو)]

الله يسهل عليج بس احسه مو حلو برمضان

 

[sara_77]

انا خدامتى الفلبينيه قاعده اعلمها من الحين تطبخ سوالف حق الريوق والغدا ادرى امى راح تتعب بالطباخ

 

[^^الكويت نورتي^^]

انا ولادتي الاخيره كانت برمضان بس كان لي 7ايام وكل شغله بالعالم لها مميزاتها وعيوبها
من عيوبها ان امي تعبت من الريوق , ماحب اكل بروحي اغلق وتنسد نفسي ، فترة الظهر باااايخه حدها البيت كله ناااايم وانا كان عندي ولدي البجر الله يحفظه يحرني يقعد مبجر ويبي الاوادم تقعد حاول ااخر نومته ماكو فيده خلص النفاس واهو يقعد مبجر ، خدامتي مسلمه فكان يعور قلبي لما اندبها واهي صايمه فخفيت عنها وانا كليتها

مميزاتها البيت كل يوم زواااااره من قبل الفطور بساعه ، خواني وخواتي داشين طالعين الكل حواليني ، الفطووور مالذ وطاب(هني امي ينت ماتبيني اخربط) بس شنسوي اكل النفاس اييب اليهد ، وعاد مسلسلات رمضان اهي اللي صج صج قزرت النفاس فيها اذكر كان وقتها ام البنات ومسلسل حياة يوم بخيله وناااااااسه


فشوفي النفاس فيه عله وحده انا بنصحك الكل وابي منكم دعوه بظهر الغيب


النفاس يبيله اراده وصبر وتوكل كلي علي الله يصير مثل شربه الماي


راح تسالوني ليش شالسالفه!!!!


السالفه ان النفاس تكونين فيه ضعيفه وتعبانه لدرجه تكرهين نفسج من حاجتج للغير سواء خدامه او امج او خواتج ّّّّّّبس هني يطلع اللي ايمانها قوي واللي ضعيفه ايمان

ثاني شغله يبيله اراده وعزم موهينين لازم اراده قويه حق المحافظه علي صحتج سواء بالمحافظه علي الخياط بالركاده والعنايه فيه ، ويبيلج اراده وانتي تغصبين نفسج علي دويات النفاس وروائحها والطعم اففففففّّّّّّّّّّّّّوهني تطلع السنعه اللي بترد لريلها مثل العروس

ثالث شغله يبيلج صبر علي مده النفاس واللي فيها من حكره وقله طلعه ومجابل البيبي اللي يبي ويبي ويبي
علي فكره الصب مو هين لازم الوحده تهيأ نفسها الياهل وايد وايد بتييله حالات واق ويق ومايصاحبها من انزعاج للام وعسا الله يكفينا حالات الحراره ويعدي مرحله الطهار للبيبيات البوي...


هاذي قصة النفاس بتقولون شستفدتي لما خرعتينا لا انا اخرعكم بس انا محد هيئني مثل ما انا قاعده اهيئكم والكلام للبجريات لكن بنفاسي الثاني حطيت هالاشياء جدام عيوني قبل الولادة واقنعت نفسي ان هاذي الطريقه اللي بتريحني وفعلا صار اخف حيييييل من النفاس الاول اللي صرت فيه مجنووووووووونه من البجي والنفسيه


عالعمو م اسفه طولت بس والله طمعااااانه بدعوة بظهر الغيب ان الله يسهل اموري

في معلومه اخيره : البنات اللي يحاتون ضيقه النفاس تدرون من شنووو؟
ترا 50% منها نقص الحديد بالجسم
و50% الثانيه قلت ايمان وقله ذكر

والحل بالقضاء عليها او نخليها شي عااااادي وبسيط

1)تحليل نسبة الحديد بالدم قبل الولاده بشهر والطبيغيه 18 وفوق فا\ا كان في هبوط بالنسبه تقرر الدكتوره العلاج الناسب سواء حبوب او ابر

2)قبل الولاده وقبل الذهاب قراءة البقره كامله بجلسه وحده وقراءة سورة مريم واكل التمر او الرطب
وبعد الولاده المحافظه على اذكارالصباح والمساء والاستغفار باستمرار ووقت الضيقه الابتعاد عن الوحده نهائيا


اتمنى فدتكم

لاتنسون الدعاء

 

[sara_77]

مشكوره والله يرزقج باللى تتمنينه

 

[^^الكويت نورتي^^]

انا توني داشه الثامن ومقررين ولادتي بعد العيد

بس شكلها بدت تشتغل معااااااي الله يستر شكلي بنظم لقافلة الوالدات برمضان

 

[بنوتة أمها]

انا ماولدت برمضان بس الحين انا بالنفاس فراح يحوشني جم يوم من رمضان

بالعكس احسه ناسه تقزر على المسلسلات و التلفزيون و الكل سهران معاج و اذا صار الصبح ييبيلج نيرس من سبع الصبح لي سبع بليل بهل وقت نااامي و من تروح يكون توا مأذن و الكل قاعد معاج مونسج =)

اما الاستقبال فوناسه دراريع بس لا تحطين اكل بس جاي و ماي و قهوه و حلوو

الله يسهل عليج و يقومج انتي و بيبيج بالسلامة =)

 

[sara_77]

الله يسلمج وانا من ادش التاسع انشالله ببدي امشي عشان ايلي الطلق مبجر وانشالله يولدوني قبل