اللى ولدت برمضان تدش حياها

[sara_77]

السلام
انا ولادتى انشاللله والله سهل بتكون برمضان اول اسبوع من رمضان طبعا انا قيصريه عشان جذى عارفه متى
ابى اسال اللى ولدت برمضان قبل شلون كان جدول يومها خصوصا الكل صايم ونايم بالنهار وانتى فاطره وناطره غداج وباليل سهر وشلون كانت طريقه التوزيعات بالمستشفى يعنى شنو اللى الناس فضلته وشنو الناس اللى مالها خلق تاكله خصوصا الناس متفطره وشبعانه حدها وزايرينج

كل وحده تقولى شصار معاها عشان اعرف الوضع واتهيأ نفسيا

 

[كل الشكر]

وي عاد ما ابي احبطج...

اولا بالمستشفى خيكون بس جاي وقهوه وحلو قهوه - لايكون شي ثقيل...لا تحطين عصير وفطاير

ثانيا: انا ما كنت ادري انه النفاس يحوشها كآبه اسم الله عليج وهذا الي ياني

خاصه الكل صايم وييبولي الريوق والغدا وكل شي عادي فكنت احس شنو انا واكلهم جدامهم
وطبعا انسدت نفسي صرت ما آكل...
،،،،،،،،،،،،،،،،،،،،،،،،

عسى الله يسهل عليج الولاده ويقومج بالسلامه

 

[زين ودلال]

انا ولدت برمضان

كلش ماعجبتني الولاده برمضان

بيوم ولادتي ريلي توه حاط راسه على المخده يبي ينام الساعه 5 الفير ولا اقوووله خلاص قوم ماني قادره اتحمل واهلي كذلك صج صج تعبوا الله يعطيهم العافيه ان شاء الله صيام ونطروني لين اووولد

وبالنفاس محد له خلق واغلب الوقت يكونون نايمين وامي بالمطبخ اتعابل فيني ولا بأبوي واخواني تعب عليها واهي مريضه شوي

امي تعبتتتتتتتتتتتتت صج وخصوصا ان نفسية الوالده(اللي اهي انا ) تكون تعبانه شوي

والبيبي ماعرف شلون اتعامل معاه فا كل شي على امي حبيبتي

 

[_رجائي الجنه_]

الله يعينج​

 

[NoOoBy]

الله يسهل عليج وتقومين بالسلامه
وانا احتمال ولادتي برمضان
الله يسهل علينا

 

[ام عفاف الكويت]

الله يسهل عليج
مرته اخوي في بنتها جنه ان ماخاب ظني كان رمضان
وكان استقبالها من بعد التراويح الى الليل
وكانت تحط خفايف وجاي وقهوه وعصاير
والتوزيعات كاكاو حلو على بجعه

 

[دلال العلي]

الله يسهل عليج يارب انا ولدت برمضان مو شي والله انا زوجي مسكين مانام طول الليل وهو يحاتيني يا قلبي وثاني يوم يه الظهر المستشفى وقاعد يطالع بالياهل ومسكين تعبان وميت عطش كان صيف ويقولي اشربي عني الماي صج معاناه
بس حلو بعد الفطور الكل يتجمع عندج ويسلوني بس بالنهار مو شي والله يخلي امي والله حرام هي تسوي ريوق وغدا وتييب وتحط وتسبح الياهل وكل شي ماشاء الله عليها وانا بس نايمه هههههههههههه

الله يعينج ويسهل عليج وتقومين بالسلامه

 

[yam_yam]

الله يعينج

 

[sara_77]

اي والله الله يعين انا افكر اشترك في دايت كير حق وجبة الغدا

 

[ابتسمامه]

اله يسهل عليج

 

[مسك وطيب]

الله يسهل عليج يارب ...

 

[NODA 2]

والله اذا عندج احد يساعدج صدقيني سهالات
يبت اثنين من عيالي برمضان بس خواتي الله يخليهم كانوااا دايم معاي و خدامتي مع امي علي طول
و كان بالنسبه لي احلا نفاس ما حسيت بالغلقه نهائي

 

[اختكم بالله]

انا ان شالله برمضان الله يعين ويسهل على كل حامل

 

["*آآآنؤؤؤقهـ*"]

عااااادي

استقبالج بمستشفى طبيعي

اللي يجيج قدميله حلوو وقهووه وفطااااير

امممم العصيرر كيفج تحطينه اولا ،،، احس لو ماااي باارد احسسن ههههه


وانفاااسج خليج عاااادي ،، نفس انفااسج العاادي


واكلي وشتسوين بعد انتي فاااطره معذوررره حيااااتي ،،،

والله يهوون علييييج ويقومج بسلاامه.






اي اليوم بالعرس عجبني كاكاو بيض الصعوه يهبل ،، سوي مثله ،،،

 

[أميرة الورد 88]

الله يسهل عليج انشالله انا ولدت برمضان اللي فات واول اسبوع فيه الولاده موشي برمضان والاكل امي اللله يخليها لي كانت تقعدني الصبح وتقصبني عالاكل واغلب الاحيان كنت مااتغدى انطر الفطور واكل معاهم وبعد التراويج يجون الحريم ويجيبون معاهم اطباقهم

 

[أميرة الورد 88]

على فكره انا ولدت والطفل مات بالولاده والحين حامل بالثالث ادعولي ان الله يحفظ جنيني ويقر عيني بشوفته

 

[غنوة ستايل]

عسى الله يسهلها عليج
انا ولدت اول يوم رمضان وكان عادي
اسهر بالليل انا والبيبي ع المسلسلات
والصبح اترك البيبي مع اختي الكبيره او الخدامه
بس بصراحه كنت انام بالصاله عند ولدي والخدامه
ما كنت اثق اتركه معاها بروحهم واهي تقعدني. عشان الرضعه
والخدامه كانت تسوي لي الغدا بس ما كنت اكل كله شوربات ونزل وزني حوالي 11 كيلو
الاستقبال عادي حنا بس تمايم يعني عشا نافي استقبال

 

[sara_77]

عااااادي

استقبالج بمستشفى طبيعي

اللي يجيج قدميله حلوو وقهووه وفطااااير

امممم العصيرر كيفج تحطينه اولا ،،، احس لو ماااي باارد احسسن ههههه


وانفاااسج خليج عاااادي ،، نفس انفااسج العاادي


واكلي وشتسوين بعد انتي فاااطره معذوررره حيااااتي ،،،

والله يهوون علييييج ويقومج بسلاامه.






اي اليوم بالعرس عجبني كاكاو بيض الصعوه يهبل ،، سوي مثله ،،،

شلون صار بيض الصعو بس اهوا ككاو من داخل كنت مسويه حق بنتى

 

[sara_77]

الله يسهل عليج انشالله انا ولدت برمضان اللي فات واول اسبوع فيه الولاده موشي برمضان والاكل امي اللله يخليها لي كانت تقعدني الصبح وتقصبني عالاكل واغلب الاحيان كنت مااتغدى انطر الفطور واكل معاهم وبعد التراويج يجون الحريم ويجيبون معاهم اطباقهم

انزين انتى نفاس وترضعين عادى ماتاكلين الا المغرب

وشلون الصيام بعدين مع الرضاعه

 

[sara_77]

على فكره انا ولدت والطفل مات بالولاده والحين حامل بالثالث ادعولي ان الله يحفظ جنيني ويقر عيني بشوفته

الله يسهل عليج ياارب