اللى مسوين عمليه الشد وشفط البطن ابيكم

[حضن امى]

هلا فيكم اخواتى
حبيت اعرف اللى مسوى شفط وشد البطن والجرح من الخصر الى الخصر
متى يشيلون الخياط؟؟ضرورى اخواتى لانى حيل تعبانه ومالى خلق نفسى
ابى افتك من الخياط لانه مألم جدا
ادعولى بالشفاء الله يخليكم

 

[معا الى القمه]

والله اعتقد بعد اسبوع شاله
بس نصيحه من يوم يطيب الجرح على طول حطي شريط السلكون انا فرق كثير معي المكان الى حطيت فيه والمكان الى تركته

 

[دنيا من الوله]

الله يشفيج

ماعندي فكره بس حبيت ارفعلج موضوعج

انتي مسويا شفط وشد ؟؟

 

[بنفسج]

يقومك بالسلامة يارب

 

[سارا2090]

عفوا بغيت اسال شنو شريط السيليكون انا عمليتي بعد اسبوعين

 

[حضن امى]

اى مسويه شفط وشد بس حدى تعبانه ومالى خلق نفسى
تبارك الرحمن ناس عن ناس تفرق فيه ناس من اول اسبوع خلاص يمارسون حياتهم وفيه ناس اللى مثلى حيل يتعبون وتمنيت انى ماسويتها
من شده الالم ومازلت
اختى معا الى القمه شنو شريط السلكون؟؟ومن وين اشتريه ؟؟

 

[سارا2090]

الله يبرد عليج حبيبتي ويشافيج ويوخر عنج التعب

وين سويتيها عند منو ؟ وشكثر صارلج ؟

 

[&شوارفسكيه&]

يا حياتي والله من كلامج مبين انج صج تعانيييين
الله يعينج ويقومج بالسلامه باسرع وقت
ماعندي فكره بصراحه بس حبيت افيدج
يمكن الجرح عندج ملتهب او شي
سواء التهب او لا لازم تشربين مره منقوعه
لانه تخفف الام وااااااااااايد
وحطي قطوع شمم على اذونج وخشمج
بتشوفين انج ما تحسين بالجرح ابدااا
انا امي تسويه لي ولخواتي اذا ولدناااا سواء طبيعي او فتح بطن لان الخياط جايد يا قلبي ويذبح
وبترتاحيين اكيد
بشرينا عنج عقب
والحمد لله على السلامه

 

[۩۩ الجـــــود ۩۩]

ما تشوفين شر ان شاء الله

وين مسويتها

 

[حرم الحوت]

حبيبتي ما تشوفين شر انشاءالله وهذا كله عادي ويهون واذا تبين تشوفين كل اللي انتي تمرين فيه دخلي على تجربتي وانتي انشاءالله تستفيدين

 

[ملواكي]

حبيبتي الخياط سالي دكتورج واهو يقولج
والعوار كلها جم يوم ويخف يعن ي بالكثير خلال 10 ايام انتي تردين انسانه طبيعيه .. ولازم تتحركين عادي لان الحركه تخلي الجرح ما ييبس
الله يقومج بالسلامه وتفرحين بالنتيجه يا رب

 

[لؤلؤية]

الله يقومج بالسلااااااااامة
كسرتي خاااطري
كان ودي افيدج..بس ماعندي فكرة

 

[نظاميه5]

الله يقومج بالسلامه
وين مسويتها ؟

 

[حضن امى]

مستشفى الجهراء
عند الدكتور ابراهيم العنزى وايد طيب واخلاق
بس الجهراء بعيده على لانى مو من سكان الجهراء واذا عندى مراجعه اتعب من الطريق وانا مخيطه والجرح للحين متعبنى

 

[يافعيه]

يا حياتي والله من كلامج مبين انج صج تعانيييين
الله يعينج ويقومج بالسلامه باسرع وقت
ماعندي فكره بصراحه بس حبيت افيدج
يمكن الجرح عندج ملتهب او شي
سواء التهب او لا لازم تشربين مره منقوعه
لانه تخفف الام وااااااااااايد
وحطي قطوع شمم على اذونج وخشمج
بتشوفين انج ما تحسين بالجرح ابدااا
هلا والله حبيبتي ياريت لو تقولي لي ايش دا اللي تحطوه بالاذن لان عمليتي شد بطن بعد اسبوعين

ووحده كويتيه الله يخليها جابت لي شي مثل القهوه العربيه قالت لي احطه خلف الاذن سؤالي

نفسي تردي لي عليه ممكن ينفعني وصار له معي اكثر من سنه هل مفعوله انتهئ؟

واستعمله بمكان ثاني مثل ما تفضلتي الانف او لا

وشاكره لك حياتي انتي

 

[تفاصيل الغرابه]

الله يشفيج ويقومج بالسلامه حبيبتي