اللى عندها اطفال من عمر 9اشهر لغاية سنه تتفضل؟؟

[shioka]

مشكورة اختى على الموضوع روووعة

العمر: 9 اشهر و نص

الوزن:10 كيلو

مقاس الحفاظ ونوعه:ليبرو 4

ترتيب الطفل بين اخوته: بنتى الثانية

تاريخ الولاده: 30 / 6

نظام الاكل:سيريلاك رايس خضار على الغدا مع دجاج و مرتين بالاسبوع سمك و اعطيها نفس اكلنا يعنى شوربة و معكرونة

نظام النوم: تنام الساعة 10 بليل تقعد تشرب حليب و ترجع تنام

المهارات:تحبى و ترقص

اللعب:كل شي بالحلج تبي تعظ

الكلام:تقول نانا و ابه و امه و دادا

الاسنان:طلع لها ضرس واحد تحت


متى بدا يمشى او يحبى : كملت 8 شهور جان تحبي

 

[noynoy]

صفار البيض دخليه بالسابع بس تأكدي انه مستوي عدل

 

[Om_il3ubed]

هلا هلا وناسه الموضووع


العمر: عمر بنتي الحلوه 11 شهر

الوزن: 9.400

مقاس الحفاظ ونوعه: بامبرز الالماني الابيض مقاس 4

ترتيب الطفل بين اخوته: البجر الله يحفظها ويخليها

تاريخ الولاده: 10-05-2010

نظام الاكل: اول ما تصحى من النوم تشرب حليب.. بعدها بساعه ونص اريقها ساعات توست ولبنه\ جبن \ قيمر و ساعات كرواسون او كورن فليكس اذوبه بحليبها او بسكوت
بعدها تلعب وتنام. لما تصحى الظهر اغديها.. طبعا قبل كنت اطبخلها بروحها الحين تاكل معانا
و بعدها العصاري حبه فاكهه وحده
و بعدها حليب وترد تنام.. تصحى عالساعه 7 تشرب حليبها ... 9 تتعشى 10 او 11 تنام

نظام النوم:
تنام من 11 بليل لين 7 الصبح .. وبعدها من 11 لي ال 2 الظهر .. ومن ال 5 لي السبع وهكذا

المهارات: ههه تسلم و تبوس و تلم .. تحبي و تخطي شوي تصعد سلم وتتسلق الطاولات .

اللعب: شطانه وكل شي فيه وايرات و طاولات تحبه وتعشق وتتيبس لما تشوف بارني

الكلام: تعاااااا يعني تعال .. ببببب يعني بابا ههههههه
ومامااا
و تي تي يعني عصفور
تياا يعني تلعب معاي
وتخربط كلام مو مفهوم
بس

الاسنان: 2 تحت و 4 فوق و الانياب توها بينت

متى بدا يمشى او يحبى : بدت تقلب من 4 شهور و عالسبع شهور كانت تحبي وتقعد والحين تمسك وتوقف وتخطي بس ماتمشي مسافه طويله بروحها

مفكره احمل بس احسها غيوره .. لما اشيل اليهال تيني تبجي وتطق :\

 

[غنوة ستايل]

العمر:ثمان شهور ويومين

الوزن: 9 كيلو ونص

مقاس الحفاظ ونوعه: ليبرو رقم 5

ترتيب الطفل بين اخوته: الاول

تاريخ الولاده:11/8/2010

نظام الاكل: كله حليب بحليب ما ياكل شي
قبل شوي تشجعت عطيته بصبعي ذوقته اللبنه استانس عليها
واليوم الصبح وكلته شوي بيض مفيوح قلت اجرب بس ما حبه اكل شوي يعني نتيفه ولاعت جبده عفس وجهه ما ادري شلون تعرفون . بس ما راح اايس باجر ياكل مره ثانية بيض مفيوح ( الصفار فقط )


نظام النوم: شوفي انا ولدي ما ادري شلون نظامه يعني يقعد الساعه 5 الفجر يدور حليب يشرب حليب ويرجع ينام بالغصب يقعد على 6 الصبح . ويرجع ينام الساعه 9 الصبح للساعه 1 الظهر . بعدين ينام ويقعد على 3 العصر او 4 حسب التعب . بعدين يقعد ويرجع ينام الساعه 7 المساء ويقعد على الثمان .
بعدين احاول اني ما انومه كلش ألهيه بأي شي . للساعه 11 باللليل . عقب خلاص يطفي ينام ويقعد على 1 الفجر يدور حليب يرضع ويرجع ينام ويقعد على 5 الفجر . وبالترتيب .


المهارات: يقعد عادي الحمد الله ما يحبي ولا يزحف ولا شي . واذا حطيته على بطنه مثل السلحفاه يبجي .. ما يقدر يتحرك . يصفق شوي شوي . يضحك يستانس على اليهال . ويناقز بالموسيقى واذا حد شاله مثل السبرنق يناقز .

اللعب: يحب اللعب للي اطلع صوت وآخرتها يطق نفسه فيهم يحركها يبي يسمع الصوت وفجأه طخ على راسه

الكلام: ما ادري صج وله يتهيالي قبل شوي قال ( با ) وبس .

الاسنان: لايوجد


متى بدا يمشى او يحبى : ما فيش حاجه من دي

 

[um khaled]

السلام عليكم

وليدي جم يوم ويكمل السنه

الوزن: من شهرين كان 9 بس الحين مو متأكده

مقاس الحفاظ ونوعه: بامبرز رقم 4+

ترتيب الطفل بين اخوته: الرابع والاخير

تاريخ الولاده: ابريل 2010

نظام الاكل: ولدي يقوم الظهر ابدي وياه بسيريلاك او ساندوش وجبن
الغدا توني ابدي وياه اعطيه من اكلنا اهرس له بالشوكه بطاط وعيش او اطبخ خضار
العصر يرجع ينام اعطيه حليب بعدين مره ثانيه وجبه بعدها فواكه او علب فواكه جاهزه

نظام النوم:
يقوم الظهر ويرجع ينام العصر وينام بالليل عالساعه 8 تقريبا ساعه و ينام نومه طويله من ال 12 بالليل لين الظهر

المهارات:
يحبي وتوه يوقف ويمشي جم خطوتين ويطيح

اللعب:
ما يحب الالعاب وايد يحب تلفوني والريموت .. والاثنين خربانين .. هههه

الكلام:
كله يقول هاتيه بس بطريقته
وصاير كاكسو يردد نغمه اي شي يسمعه مثلا اقول طاط طاط يرددها جليل الحيا فديته

الاسنان:
وهذي اول مره تمر علي طلعت له اسنان من فوق من شهر تقريبا مو من تحت

متى بدا يمشى او يحبى :
حبى من عمره 7 اشهر ومجنني مطلع عيني كله يسوي هجوم على كبت الصابون والديتول والحمام
والحين صار له جم يوم مخطي خطوتين وبس وخلاني اسويله نون وقص على و مارد عادهم

ووايد عبوثي ومخرب بس يخبل ويينن وعندنا طاوله نازله يدرسون عليها اليهال كله يصعد عليها واخوانه يكتبون واجباتهم ويقعد على كتبهم ويشقهم وكل يوم ينزفون بالمدرسه بسبته

وبس وعسى الله يخلي لنا عيالنا

وتسلميييييين يا حلوه عالموضوع الجنااااااااااان

 

[امووووما]

موضووووعج حده يشوق ويعطيج الف عافيه





العمر : 8 شهور فديتهم لبنيااااااااااات


الوزن: 8 (( العصله خخ ))



مقاس الحفاظ ونوعه: لليبرو 3

ترتيب الطفل بين اخوته: بجري الله يخليها لي ولابوها ويجعلها من الذريه الصالحه يارب

تاريخ الولاده: 8-8-2010

نظام الاكل : الحليب العادي والصراحه الي ينطبخ بالبيت اوكلها وزياده السيريلاك وتموت على الروب والبفك

نظام النوم:
تقوم 11 وتنام على 2 اقعدها العصر تلعب اشوي وانام انا معاها لي المغرب بعدين تقعد على 11 ترجع تنام والله لا يغير عليها اسمله عليها

المهارات:
تزحف وتتقلب وعيزانه اتحبي هههههههه تقعد بروحها واتصفق وترقص هههههه والاهم اطق الي يشيلها وتضحك اتحسب لعب اطلق وتقول عيب

اللعب:
تموت على بارني واتسويله حفله اذا شافته اتشيلها صفقه الصراحه امريحني بس تبجي شغلت الدي في دي مالها وحطيتلها بارني وجابلته واسكتت

الكلام:

اول كله انطقتها بنتي عيب ههههههههه لاني 24 ساعه اقولها عيب ماما انتي بنيه لا اتصرخين عيب روان لا اطيق يدي وبابا وانا اتناديني اممممم امممم لووووووول
الاسنان:
اخر يوم بالشهر الخامس يطلع اول ظرس تحت وبعدين الثاني والحين الباجي ناطرينهم

متى بدا يمشى او يحبى :
على وشك انها اتحبي تزحف واتحبي لي ورى

 

[farina]

العمر: 9 شهور الا جم يوم

الوزن: 8.500

مقاس الحفاظ ونوعه: ناخذلها اللى من 11 كيلو ل 25

ترتيب الطفل بين اخوته: الاول بنوته

تاريخ الولاده: 20/يوليو

نظام الاكل: مافي نظام معين الصراحه و اكثر شي تحب الطباخ ماتحب السيرلاك كلشش
الصبح اوكلها بيض مفيوح او جبن و خبز و الظهر تاكل من اكلنا و بليل فواكه مرات بفك




نظام النوم: النووووم اخخخخخخخ يالنوووم تنام الساعه 12 بليل بس وايد تفز و تبجي مادري ليش قاعده افكر اوديها طبيب اطفال خاص

المهارات: تقعد و تتقلب و تمشي بالعربانه تحبي على بطنها

اللعب: تلعب بكل شي تلاقي جدامها و طبعا كله بالحلج

الكلام: دادا و بابا واعليه علينا احنا الامهات اخر شي ماما

الاسنان: 2 تحت


متى بدا يمشى او يحبى : لا مشي و لا حبي

 

[سلاسل ذهبيه]

موضوع ممتاز لي عوده باذن الله

 

[AVE.NJ]

اولا ساره شلونج وشلون بنوتج والله لج وحشه
انه ولدي عمره 8شهور
الوزن -
الحفاظه-
اسمحولي لانه ولدي متبتب
نظام الاكل يقعد الصبحاعطيه ماي وبعدين اعطيه شوفان مع فارليز وحليب والضحى اعطيه حليب وينام ويقعد يتغدا
انه انوع الغدا علشان لايمل اعطيه خضار بانواعه ماعدا البطاط والعيش ممنوع عنه لانه فيه سمنه والحين بديت
احط له اللحم والدياي بس السمج ماحبه يرجعه والعصر اخلط له فواكه اي شي وبعدين يشرب حليب بالمغرب وينام
وبعدين اذا قعد عشيته من نفس الغدا بدو الايدام
والنوم كان وايد يقعد بالليل بس الدكتوره نصحتني لاتعطينه حليب بالليل وسيوت بنصيحتها بس اول شي عانيت بس الحمدالله الحين
واذا قعد بس ماي اعطيه ويرد ينام
انه ولدي اذا قاعد بس بالدراي وايد يحبها من كثر مايحبها ابوه كل شوي شاري له دراي يديد
واسم الله عليه بالمطبخ معاي اليرارت يفتحها والمخمه هوايه والمساحه كل ادوات المطبخ يحبها حتى المواعين انه كله اقول
حق ابوه ولدي راح يصير شيف
عنده ضرسين من تحت وهاليومين جنه راح يطلع له انشالله من فوق
اذا مل من الدرايه بس يقول ماما بابا بس مااحس يقصدهم احس هل كلمتين يقولهم شيلوني
ويقلب ولدي بس لانه شوي بعافيه قلبته اسم الله عليه ربع ساعه ويتوهق ويقعد يبجي
مايسحف كلش
الله يحفظ عيالنا من كل شر اللهم امين

 

[sara_77]

:eh_s(10):تعبني حمودي حيل لا انا سالت الدكتورة وقالت الاكل زين وفي كثير فيتامنيات هو بحاجة الها والحمدالله دامة ياكل احسن من لا شي وبذات هو عنيد :eh_s(4):

لالالا السبب عندة نقص كالسيوم لان ما يرضع حليب من كان عمرة شهرين :eh_s(2):​

انا بنتى كانت ترضع من صدرى عادى ودخلت على الخدامه الغرفه وانا ارضع بنتى من غير ماتطق على الباب من بعدها بنتى كلش ماتبى ترضع منى من احطها على صدرى تصرخ جنه فى شى يقرصها جذى فجاه

 

[sara_77]

ام العبد الله يخيها حقج وانا بنتى تستاانس على البراعم وبارنى مادرى شعاجبهم بهالبارنى

 

[sara_77]

غنوه لازم تعودينه على الاكل جسمه محتاج فيتامينات غير اللي بالحليب والله يخليه حقج

 

[sara_77]

ام خالد الله يخليه حقج وانا جذى احاتى التعبث ةالشطتمه لما بنتى تحبى

 

[sara_77]

اموما الله يعافيج واهم شى كلمة عيب

 

[sara_77]

فارنا الله يخليلج بنتج بس ليش تلبسينها حفاضه مقاس اكبر وبنتج اعتقد يبيلها وجبه باليل احسن

 

[sara_77]

سلاسل حياج ناطرين مشاركتج

 

[sara_77]

ايفا الحمدالله انا بخير
الفارليز اللى بنتى ماحبته ماادرى ليش والله يحفظ لج ولدج

 

[sara_77]

بعد نبى مشاركات

 

[غـرامـي أنـت]

العمر: 10 شهور

الوزن: 11

مقاس الحفاظ ونوعه: بامبرز 5

ترتيب الطفل بين اخوته: الاولى

تاريخ الولاده: 24 / 6

نظام الاكل : ماتحب الاكل نهائي تعبت معها ما تاكل غير الاندومي والقشطه

نظام النوم: تقعد 11 ترجع تنام 2 تقعد 5 وتنام 8 وتقعد 10 وتنام 1

المهارات: ماشاءالله حيييييييل حركه توقف تحبي


الكلام: ماما بابا دادا وبس

الاسنان: مافيه


متى بدا يمشى او يحبى : حبت ه شهور والحين تحاول تمشي

 

["*آآآنؤؤؤقهـ*"]

لا ساراا مايتسرب وحجمهاا زييين لعمرهاااااااااااااااا