اللى راحوو ماليزيا تعالوو شووفو جدول رحلتي وعطوني رايكم ,,

[q8nina]

السلام عليكم

بنات ان شالله بسافر تاريخ 29/6 الى ماليزيا
حجزت التذاكر والفنادق ان شالله

ابيكم تعطوني رايكم في رحلتي حلوووه او فيها تعب وانا حجزت من سفريات موناكو وقالي عندج الى باجر لي حرية في
تغير الفنادق اذا مو عاجبيني

3 ليالي في صن واي فندق لاجون حيل غالي ليلته 120 دينار بس غرفه
3 ليالي في بيناينج فندق برداي ليلته 65 للغرفه
3 ليالي في لنغاوي فندق برجايا فيلا على البحر ليلته 75 للفيلا
6 ليالي في كوالالمبور فندق النوفيتيل سيتي سنتر ليلته 70للغرفه ,,

شرايكم

بس ماحجزت الطيران الداخلي سفريات موناكو ماعندهم ,,

واخاف اروح اهناك ما القى حجزت لاني دفعت فلووس فنادق الجزر واخاف اتوهق ,,

شلوون احجزهم شلون احجز اسيا اير ووين ,,


تحياتي لكم

 

[ArEEj]

على فكره انا وياج مسافرين نفس اليوم
انتى اى خطوط ؟؟
اسعار فنادقج مبالغ فيها حيييييل
معقوله الليله الوحده في صن واى لاقون ب 120 ؟؟
حتى الفيلا مو بهالسعر
انتى متأكده أخاف ال 3 الليالي ب 120
والنوفيتيل سيتى سنتر ب 70 دينار !!!!!
الليله الوحده بس ؟؟؟
نصيحه اذا هاذى اسعارهم لليله الوحده غيري السفريات روحى سفريات المستقبل
والله اسعارهم معقوله من 30 - 45 دينار بالليله
بالنسبة للطيران الداخلى دخلى السايت مال ايراسيا
http://www.airasia.com/site/my/en/home.jsp
سهله طريقه الحجز
واى مساعده بلغيني بالخدمه

 

[jory q8]

وعليكم السلام
حبيبتي وانتي هناك راح تلقين مكاتب بكل مكان يحجزولج حق الطيران الداخلي بس أول ماتروحين حجزي التذاكر أضمنلج وديري بالج مو يقصون عليج سواق التكسي ويقولون نوديج بالسياره مثل ماصار فينا رحنا من كوالالمبور لي لنقاوي بسياره 7 ساعات وركبنا عباره لين وصلنا وطلع علينا سعر التكسي نفس سعر تذاكرنا كلنا بالطيران الداخلي لا ودرجه أولى بعد
وفندق برجايا اللي بلنقاوي حددده عجييييييييب ونظيف وفيه سبا حلو بعد ولاتنسين تروحين المجمع مال فندق برجايا اللي بكوالالمبور واايد حلو وأسعارهم حلوه 15 دور فيه كل شي
وسامحيني عالطواله :d

 

[خطوة خجل]

نصيحـــــة خلي صن واي لاقوون واحجزي بالأحصنة الذهبية الليلة ب60 دينــار بس شنــو روعـــــــه وغير جذي جدامه مجمع تروحين له بالقارب يعني بالمختصر المفيد فندق خيالي لو تقعدين فيه ما راح تزهقين ..

والطيــران الداخلي حجزنا من هناك انا رحت بيننق تهبل بس حدها 3 ايام والفندق اسمه فيوبيــج شحـلاته ويطل على الشاطئ في بقيات وقوارب وخيول وبرشوت يعني الجو خيالي هناك أما لنكاوي ما رحنا لها بس لما سألنا عنها قالوا حــــاره مووت ..

ونصيحة روحي مطعم طربوش تلقينه بشارع العرب شحلات أكله ..

ومــوفقــه وإن شاء الله تستانسيــن بماليــزيا ..

 

[Catherine zeta-jones]

هاي

الطيران الداخلي تلقينه بمطار ماليزيا

اول ما تطبين المطار روحي حجزي و بتلقين مكان

اسعار فنادقج حيل غاليه

و صن وي لاجون و الاحصنه هي اماكن سياحه اكثر منها سكن

يعني احجزي سكن ارخص و روحي بتكسي الاماكن هاذي تمشي فيها

و ببننج انا سكنت ب باي فيو و كان حلو و موقعه ممتاز و عموما بيننجترا ما فيها الكثير بس مجمع رائع اسمه كوين سباي و السوق الليلي اللي بدا الساعه 7.
لو حاجزه ماريوت احسن لانه جاي على شارع العرب و الشارع و التمشي و القهاوي هناك عجيبه .


و سفره ممتعه

 

[لوزة_الحلوه]

علي فكره صن لاغون انا حجزت بتاريخ 9-6 براميت 37ماخذه غرفتين بينهم باب
4ايام 3ليالي تنزلين علي المسبح مشي اقرب واحد للمدينة المائية
وبكولامبور رويال بنتاك 27دك للغرفة انا ماخذه غرفتين
من سفريات موناكووووووووو
ارخص ماحصلت بعد مافريت لمدة اسبوع

 

[maryam_q8]

بنات انا رحلتي انشالله راح تكون جنتنق وصن واي لاقون وكوالا وبما اني خايفة من التلفريك ودي استبدل جنتنق بمنطقة ثانية شرايكم اي منطقة

 

[q8nina]

برجع للسفريات بتاكد من اسعار الفنادق ,,

لان والله طلع علي المجموع كلهم تقريبا 800 دينار ,,

12 ليله بفنادق 4 نجوم الا 3 ليالي صن واي لاجون 5 نجوم

 

[نونو الأمورة]

هاي

الطيران الداخلي تلقينه بمطار ماليزيا

اول ما تطبين المطار روحي حجزي و بتلقين مكان

اسعار فنادقج حيل غاليه

و صن وي لاجون و الاحصنه هي اماكن سياحه اكثر منها سكن

يعني احجزي سكن ارخص و روحي بتكسي الاماكن هاذي تمشي فيها

و ببننج انا سكنت ب باي فيو و كان حلو و موقعه ممتاز و عموما بيننجترا ما فيها الكثير بس مجمع رائع اسمه كوين سباي و السوق الليلي اللي بدا الساعه 7.
لو حاجزه ماريوت احسن لانه جاي على شارع العرب و الشارع و التمشي و القهاوي هناك عجيبه .


و سفره ممتعه

اواااافق الراااي بخصوص السن واي لاقوون سياااحي يعني حجزي سكن وروحي سنوي لاقووون لعبي في الحديقة المائية وتسوقي لأن وااايد غالي اليلة ب 120 دينار..انه رحت تاريخ 8 /5 وسكنت في شارع العرب استانست كوفي شوبات ومطاعم وكنت ارووح اي مكان بالتاكسي ..واايد حلووووو الشارع وحركة..
بنناغ 4ايام كان في الفندق نفسة بركة وشاي ورة يودونج جولا وفي بانشي وجيت سكي ركبت مع زووجي وااايد حلووو..

ولانكاوي سكنت في لانكاوي لااقون في فيلا في وسط البحر رووووعة كان في اللبلكوونة في الليل نقعد عالبحر الليلة ب 71 دينار..

راجعي الشيخة المبالغ وااايد غالي اعتقد..

 

[jory q8]

بنات انا رحلتي انشالله راح تكون جنتنق وصن واي لاقون وكوالا وبما اني خايفة من التلفريك ودي استبدل جنتنق بمنطقة ثانية شرايكم اي منطقة

تقدرين تروحين جنتنق بسياره انا رحتلها بسيارة بس ماتسوى تحجزين فيها فندق وتقعدين يعني كافي عليها يوم واحد وفنادقها مو حلوه
وتقدرين تروحين بدالها بيننق أو لنجاوي أحلى

 

[maryam_q8]

تقدرين تروحين جنتنق بسياره انا رحتلها بسيارة بس ماتسوى تحجزين فيها فندق وتقعدين يعني كافي عليها يوم واحد وفنادقها مو حلوه
وتقدرين تروحين بدالها بيننق أو لنجاوي أحلى

يقولونها طريجها بالسيارة يخرع او مايل مادري انا اول مره اروح اللي مصورة الطريج جان زين تحط لي علشان اتطمن

 

[ياسمينا]

رحله سعيده
والفاااااال لي قولوا آآآآآآآآآمين

 

[أحلى^حياه]

سيروو و نحن وراااااائكم باذن الله بسسسسسسسسسسس
اسعار الفنادق نااااااااااااااااار بالنسبة حق ماليزيا
حجزي من النت ارررررررخص

 

[ArEEj]

برجع للسفريات بتاكد من اسعار الفنادق ,,

لان والله طلع علي المجموع كلهم تقريبا 800 دينار ,,

12 ليله بفنادق 4 نجوم الا 3 ليالي صن واي لاجون 5 نجوم

والله ناااااار اسعار فنادقج
انا اول مره رحت ماليزيا 12 يوم طلع السكن علي كله 450 دينار
ثاني مره رحت 21 يوم طلع السكن على 750 دينار

راجعى الاسعار مو طبيعيه ترى

 

[ArEEj]

يقولونها طريجها بالسيارة يخرع او مايل مادري انا اول مره اروح اللي مصورة الطريج جان زين تحط لي علشان اتطمن

انا رحت لها بالفان
طريقها يهبل
اول شي صحيح تصعدين ع الجبل
بس المناظر تهبل
وبعدين شارعين مو شارع واحد
وثانيا تصعد السياره ببط شديييييييييييد
يعنى ونااااسه
اذا تخافين من التلفريك روحى بالباص عادي سهالات

 

[أم حمودي**MALL**]

يعني جنتق ما تسوى ؟

انا حجزت فيها ليلتين

 

[حلوى كويتيه]

نصيحه لا تاخذين منهم على الاسعار هذي نصابين

والفندق اللي حاجزته بالجزيره انا سكنت فيه اول سفره وكان روعه بس ترى بعيد عن السوق الصيني والمره الثانيه حجزنا هوليدي ان تحتج السوق الصيني بس اطلبي المبنى الجديد مو القديم وبينهم جسر مشاة بس روعه الاثاث والخدمه


وصن وي حجزي البيرميدز احلى يمه المجمع


وكوالالمبور عندج كذا اختيار ( برجايا تايم سكوير+ مليا مقابل برجايا+ فيديرال مقابل برجايا+ دور سيت ورا ماريوت )

هذيل اللي شفتهم بعيني

والطيران الداخلي عقب ماتحجزين روحي طيران الماليزيا وهم يظبطونه لج علشان ماتتوهقين

في اسعار انا كاتبتها في تقريري ماليزيا للمره الرابعه

وان شاء الله فدتج

 

[lolo6688]

حبيبتي قاصين عليج
شنو فندق صن واي لاقون اب 120 ؟؟؟
الغرفه انا حجزتها اب 40

وتذاكر اير اسيا حجزيهم من الموقع ارخص واحسن

 

[q8nina]

وااااااااااااي يا بنات لو تشووفون امس شلو كليت المسكين راعي السفريات ..

زفيته اناوابو العيال ماخلينا فيه شي ,,

سحبنا فلوووس الفنادق منهم ..

ويا الله بندور هاليوميين فنادق حلووه ورخيصه طبعا

 

[شيهانه20211]

قطيعه السفريات يعني صارو حراميه
زين سويتي فيه ما يجون الا بالزف انشا الله تلقين الي يسرش