اللى راحت دبى تدخل

[ضحكة الدنيا]

استغفرك يارب
شارع الرقه ماينصحونى اسكن فى الفندق اللى فيه تاج بالاس
لانه هالشارع على طول زحمه وقته ويضيق الخلق

alia
مشكووره حبيبتى على الرد
انا فعلا افكر بشقق فندقه بس تكون بوسط السوق
وماتكون بعيده عن الاسواق المعروفه
قالولى عن شقق تشيلسى
والماريوت
والضيافه
والبستان
والدوست
بس للاسف ماعندى اى فكره عنهم وعن مواقعهم بالنسبه للاسواق
وشنو الاحسن والمناسب للعوائل

 

[BaNoOTa_KuWaiTya]

انه بتكلم لج عن الاماكن والاسوااق:عندج المجمعااات في:الامارات مول-وافي-ستي سنتر-مركاتو-ابراج الامارات-ابن بطوطه-صحارى-ابوالهيل-
في عندج بعد:ميناء السلام-القريه الصينيه-برج العرب-
في الاسواق الشعبيه:سوق نايف-سوق عكاظ

وفي الاماكن السياحيه مثلا:القريه التراثيه-وندرلاند-

وطبعااا هذي مو كل الاماكن بس هذا اللى يحضرني الحين

 

[ضحكة الدنيا]

مشكوووره حبيبتى على الرد
وماقصرتى

 

[toooota2404]

الشقق الفندقة البستان حلوين و نظاف و اسعارهم معقولة و مكانهم مو وايد بعيد عن السوق :eh_s(18):

 

[&رعبوووبه&]

كل فنادقهم تقريبا فيها بارات انا اسكن بشقق فندقيه بشارع الرقه اسمها السراي الحلو فيها محترمه وموغاليه وانا وزوجي ما نرجع الا الفجر اذا خلصنا سوقه رحنا السينما يعني بس ننام والظهر نرد نطلع واذا ترسنا اغراض نرد نقط اغراضنا ونطلع الله ذكرتيني احلى ايام بدبي بالتوفيق حبوبه

 

[رووونه]

في شقق عائليه قريبه من الامارات مول



وعلى فكره شقق البستان حلوه وتصلح للعوايل بس عيبها بعيده شوي عن السوقه وقريبه على الشارجه

 

[كويتيه مول]

اختي عندج شقق فندقية الجوهره حلوه وخدمتهم بعد روعه
وهي قريبة من سيتي سنتر وتروحين لها مشي وعندها مسجد ولاول مره اشوف بدبي هذا المسجد وهم عندج فندق تاج بالاس قمه بالروعه صج متعه وبصراحة الامارات كلها روعة من كثر مارحت لها اعتبرها ديرتي الثانية وكل ما ارد منها اشتاق لها

 

[ضحكة الدنيا]

انا رسيت على البستان بصراحه الكل يمدح فيه واسعاره معقوله
ومشكورين ياقلبى على الرد
واسعدنى وافادنى تواجدكم

 

[**الزين**]

هلا حبيبتي اذا تبين فندق قرب المجمعات التسوق ما في الا تاج بالاس وسعر الليله 35 دينار وهو فندق خمس نجوم او فندق فلورا جراند وهو فندق اربع نجوم وسعر الليله 25 دينار وكلهم قرب مجمع الغرير وابو هيل للملافع والعبي وسوق نايف ومجمع المنال وسوق مرشد فيه مجمع عكاظ اللي فيه بابو للملافع ومجمع حمر عين والملا بلازا اماالفنادق اللي ذكرتوهم فهم بعدين عن وسط دبي

 

[**الزين**]

على فكره الفنادق ما فيهم ديسكو ولا بارات

 

[ضحكة الدنيا]

الزين
انا اللى سمعته ان اغلب الفنادق فيه ديسكو وبارات
ومشكورين على الرد
واسعدنى تواجدكم

 

[قطرية حبوبة]

انا بقولكم

احنا رحنا ادبي من شهر وسكنا في فندق الكونكورد مقابل فندق المتروبوليتان

وقريب من الستي وكان روعة بينج وبين الستي بضبط دوار الساعة

وهو فوق الوسط

وبخصوص العبي والشنط في سوق نايف ارخص شي
وقالتي وحدة ان ارخص مكان في سوق ورا محل الاقبايل وهذا السوق مقابل مجمع
حمر عين سوق العبي ايكون ورا سوق القبايل بس نسيت اسمة
ومنكثر اناس ما تروحلة طلع أغلا من اي مكان رحتة اصراحة

بس احلا شقق اسمها الشقق الملكية شنو روعة



وتروحين وتيين بسلامة :eh_s(8):

 

[سنبلة]

السلام عليكم
اختي نصيحتي لج تسكنين بفندق تاج يم شارع الرقة لانة قريب من السوق والمطاعم وفي فندق الخليج بالاس اسعارهم معقولة وبالنسبة للفنادق اللي يم مول الامارات وايد بعيدة عن المجمعات اللي داخل دبي يعني التكاسي راح تنهبكم روحة وردة وعلى فكرة مهرجانلت الصيف دايما تبدا 22-6 والاسعار مثل ماهي ماتتغير وتروحين وتردين بالسلامة

 

[ضحكة الدنيا]

مشكورين على الرد وماانحرم من تواجدكم