اللى بيسافرون اوربا يدشوون ضرورى ...........خبر مو حلو ابد

[ReD^QueeN]

السلام عليكم

يعطيكم العافية حبيباتي .. الكلام اللي قريتوا كله صح و 100% لان انا توني مسويه فيزا لايطاليا و بعدين كنا بنروح إسبانيا و طبعا الاسبانية معروف عنهم انهم علة وايد يطلبون طلبات مالها داعي .. يعني لازم تبين اثبات عن السكن بأي فندق و المدة و اذا بتروحين اسبانيا بالطيارة او قطار تبيين التذكرة ولازم تكون كونفورم ..
واذا كنتي راح تطبين اسبانيا اول شي و الفيزا امسويتها ايطاليا او فرنسية يسولج سالفة اشوية بالمطار ليش و ما ليش

وانشالله اكون شرحتلكم بشكل مفهوم

 

[fri2010]

في رحل وايد حق اوربا شهر 6 ما سمعنا عن اي احد وقفوه عشان الفيزا

يمكن بس اسبانيا غير

 

[جوري 2007]

بنات نصيحة لاتتهاونون بقوانينهم
هذي اوروبا مايهمها شي كل شي عندهم قانون

 

[ضحكة الدنيا]

يعنى شلون احنا فيزتنا المانيه وبروح ايطاليا وبنطلع على اسبانيا
بنات نبى وحده عندها الخبر الاكيد

 

[jen2n]

سألت مكتب السفريات يقول كلام فاضي

لان في تعبئة الابجليشن مافي اي شي يقول لازم تسون الفيزا على الوجهه الاولى في اوربا

 

[أم@الحلوين]

بنات كلام فاضي حتى بالابلكيشن مو كاتبين على هالشغله لو فيه جان بلغونه السفاره

 

[معلمة انجليزي]

عاااااااااااااااااااااااااااااادي
انا اختي مسويتها من الاسبانية وراح تطب اول شي فرنسا وتوها داقة علي تقول ماقالوا شي بس قال الموظف oh it's Spanish وختم بدون ولا كلمة

 

[معلمة انجليزي]

عاااااااااااااااااااااااااااااادي
انا اختي مسويتها من الاسبانية وراح تطب اول شي فرنسا وتوها داقة علي تقول ماقالوا شي بس قال الموظف oh it's Spanish وختم بدون ولا كلمة

 

[*صاحبة السمو*]

انا اللي اعرفه ان شروط الفيزا اهيا :
استخراج الفيزا من سفارة الدولة اللي بتقعدين فيها اكثر
واذا نفس المدة تطلعينها من الدولة اللي توصلينها اول شي

انا لما سافرت طلعتي من السفارة النمساوية لان نوصلها اول شي والمدة نفس الشي

بس تراوالي احسن شي من اول دولة توصلينها عشان ماتصير مشاكل معاهم
ولو رحتي دولة ثانيه وصارت لج سالفه تقولين انا كنت رايحه الدولة الفلانية :s141: <<-- يعني داقرتهم لووول

وسلامتكم

 

[LA TROO7]

اشاعات سألناا المكتب قال عادي

 

[ڪـشيخـہ]

صاحبة الموضوع . .

مايصيييير .. اللي سويته غلط × غلط

انا اعرف وحده كانت مسويه نفس الشي ووقفوهم فالمطار واستجواب وتحقيق

بعد يمكن 12 ساعه قالولهم لازم ترجعوووووون بلادكم وفعلا رجعو واخترب عليه الصيف . .

لازم تلاقيلج حل

 

[fri2010]

بنات كلام فاضي امس كانت اول رحله حق القروبات محد رررررجع ووايد ناس مسوووين جذي محد رجع لا تسون اشاعات وتخرررعون الناس حرام عليكم

 

[اروى77]

للرفع
هل من اخبار؟

 

[hwt]

انا شهر واحد راده من باريس وفيزتي اسبانيه محد كلمني اصلا الاغلب فيزتهم اسبانيه لانها تطلع بسرعه

 

[كتكوته كويتيه]

لا بنات في واحد ردوه لان فيزته مو على اول دوله راحلها
ديرو بالكم

 

[الغاليه غاليه]

انا فيزتي سويسريه وبروح بروووكسل ..بلشنا بالتخرع !!

 

[شموع & دافئه]

انا توى راده
الله سهلها بس تبون الصج

انزفينا زف بالمطااار بميونخ
ما تسوى علينا
اهما صج مشونا بس بصراحه

تووووبه خلاااص
ما نفيز الا على الدوله اللى رايحين لها

اتمنى ما يصير لكم الموقف اللى صار لنا

 

[always Buty]

رد : اللى بيسافرون اوربا يدشوون ضرورى ...........خبر مو حلو ابد

اصلن لازم الفيزا تكون على اول دولة راح اطبين فيها , و انا اعرف ناس ماعرفوا يتصرفون ردووهم الكويت ردووواااا او ماتسوى الصراحه اختربت السفرة و الوناسة ! في ناس صح مشووهم , يمكن يمشوونكم بس تحقيييق و مصخرة و زف ! او انا الصراحه ما حب اتمصخر شالله حادنااا نمشي على القانووووون احسلنا .... بس المشكلة في وايد ناس مايقرون مساكين ومحد يقولهم فيتوهوقوون ... الله يسهل عليييييييييييييكم انشالله او ما تصيرلكم اي مشاكل

 

[cawcaw]

انا من اسبوع وصلت فرنسا وكنت مطلعه الفيزا من سفارة بلجيكا ماسوولي شي بالمطارالحمدلله اصلا الريال ختم من غير ولاكلمه عادي جدا جدا.. ودام الجواز كويتي يمشوونه حسب كلام واحد من مكتب القبس الي يطلعون الفيز

 

[شموع & دافئه]

اى صاجين بنات بس المشكله بال germany


لا بارك الله فيهم وفى معاملتهم
زفت بكل ما تعنيه هالكلمه
والله من حوبتى فيهم دعيت ربى تفوز عليهم اسبانيا وفازت الحمدلله
خخخخخخخ

يعنى بالدول الثانيه يمشونا عادى الا هالبشر
يعلنى ما اطب ديرتهم مره ثانيه