اللولب الهرموني (marina ) تعالو اقولكم شنو صار فيني !!!!

[awasha]

السلام عليكم

بنات حبيت انقلكم تجرتي عشان الي مفكرة تركب الهروموني

اول شي عقب ماولدت كنت ناوية ارضع البيبي طبعن ريلي وخالتي الي اهي امه رفضووووا اني اخذ حبوب مانع كونه انها إتاثر على حليب وبالتالي اتضر البيبي وبصراحه تحسفت اني افطم الياهل بعد النفاس
قلت ماكو الا اللولب وطبعن صليت استخارة ورحت حق الدكتورة معصومه مخصيد وقامت تسئلني تبين اللولب العادي ولا الهرموني قتلها مادري شالفرق ؟؟؟؟

جان اتقول اللولب العادي زين بس ترى مو مضمون ويسبب زيادة بالدورة الشهرية وو وو وو وو وعوار والي فيها فقر دم مايصلحها وسوتها قصه طويله وتالي قالت لي اصلن الحين عالميا محد يستخدم اللولب العادي كلهم هرموني

على كللامها قتلها اوكي لولب هرموني قامت تمدح وتقول ترى مضمون ان شاء الله نسبه الحمل فيه ترى بس 1% يعني ولا شي وبعدين يمكن العادة تييج بس ايام قليله بوقتها ماكان هامني ابي مانع او ابي ارضع وبس

من عقب ماركبته يتني العاده وعقبها ماوقفت استحااضه تميت يمكن شهرين وانا اخررخر اعوووذ بالله دقيت عليها سالتها قالت عادي عادي طبيعي راحت توقف
وصج اقوفت بس بعدين بااااااااااااااااااااااااااح صارلي الحين اربع شهور من حطيته ولا اكو عادة ولا شي

الله يستر يعني اهوا ماكو اعراض حمل حتى يوم دقيت استفسرت قالتي عادي يمكن ماتييييييييج :eh_s(11):انا اهني انصدمت بحياتي شسالفه وليش ماتيني ولي متى بظل جذي قريت بكذا مقاله انها ماتصلح للبنات الصغار شكووو مادري اهم حسيت انه الدكتورة كانت استغلاليه وتجارية وتبيني اركبه لاني سعره غالي وايد اغلى من اللولب العادي


شتنصحوني في يابنات الي مجربين الحبوب؟؟؟ وايهو احسن نوع؟؟:eh_s(10):
صج انه مريح ماكو شي تذكرين لازم تاكلينه كل ساعه بس صراحه سالفه العاااده حيييييل بايخه احس شي مو طبيعي يصير مااادري حدي خايفه قلت افييدكم الي مفكرة تركب الهرموني ترى معناته ماكووو عادة




وسلامتكم :eh_s(17):

 

[بمبرة]

الله يكون بعونج يا عواشة:
آنا نفسج ما نا سبني اللولب العادي وحتى الحبوب والحين قاعدة احاول احمل والله ما كتب (خيره ان شاء الله) :eh_s(2):
وانصحج بطريقة العد اذا دورتج منتظمة او طريقة العزل

 

[نبض قلبه]

اولا الحمدلله على سلامتج وسلامة البيبي اختي...

ثاني شي اختي اذا كنتي ترضعين طبيعي فالرضاعة الطبيعية تسوي مناعة للمرضعة يعني ما تحملين إلا لما تتركين الرضاعة والدورة ما تنزل عليج معروف هالشي لان اختي ورفيجتي يرضعون طبيعي والدورة ما تنزل عليهم وان شاء الله ماكو إلا الخير لا تحاتين..

 

[أم وجيه]

ما أدري والله بس أقولك تجربتي آنا رضعت ولدي سنتين بس كنت آخذ الحبوب مالت الرضاعه تكون خفيفه وايد ومثل ما يقولون الرضاعه تسوي مانع بس مو أكيد بس طول ما انتي تاخذين حبوب الرضاعه ما تيجي الدوره أبد لأني حبوب 30 حبة يعني كل يوم وبعد الرضاعه خذيت الحبوب العادية لمدة سنة تقريبا وعقب وقفتها والحمد لله الحين حامل عقب ما وقفتها على طول جربي حبوب الرضاعه على الأقل لأنها وايد خفيفه ما لها أعراض

 

[awasha]

مشكورين حبيباتي على المرور

بس الحين وقفت رضاعه وللحين ماكووو دورة يعني مو من الرضاعه الدورة واقفه من اللولب على كلام الدكتورة اهوا يفرز هرمون يخلي الدورة تيي ايام قليله او ماتيي بالمره هذا الي صار وياي

 

[أم زياد]

الله يعينج صاجة اللوب الهرموني يوقفها ..وحدة أعرفها ست شهور مايتها

أحس أنه أفضل مانع اللولب العادي بس الي بيبط جبدج يزيد وقت الدورة

أما الحبوب تخوف صراحة الشعر يطيييح وجسمج منتفخ

سمعت عن ابرة تمنع ثلاث شهور عن الحمل ما أدري فعالة ولا لا

 

[awasha]

قريت هالمقال من الانترنت وحبيت انقله لكم للفائده شوي اقتنعت

المقال للدكتورة سناء العمار استشارية امراض نساء وولادة مستشفى بالدمام


دكتورة سناء.. ماذا عن اللولب الهرموني الجديد أو ما يسمى بـ(ميرنا)؟

ـ (ميرنا) وسيلة ذات فاعلية عالية لتنظيم الحمل ولمدة طويلة مع ضمان عودة الخصوبة بعد إزالة اللولب ويتكون من إطار بلاستيكي صغير على شكل الحرف (T) يتم وضعه في الرحم ويحمل هذا الإطار البروجسترون (LNG) داخل غلاف جل قائم الإطار بالإضافة الى خيطين رفيعين مثبتين في قاعدة الإطار والبروجستون الموجود في اللولب مماثل للهرمون الموجود في حبوب تنظيم الحمل.

@ كيف يخرج الهرمون؟

ـ يتم إفرازه تدريجيا في الرحم وينظم الحمل بأكثر من طريقة:

الأولى بواسطة زيادة لزوجة إفرازات عنق الرحم مما يعوق الحيوانات المنوية من الوصول الى البويضة.

ثانيا: يثبط(ميرينا) حركة الحيوانات المنوية داخل الرحم والقنوات المبيضية (قنوات فالوب).

ثالثا: يقلل من النمو الشهري للغشاء المبطن للرحم مما ينتج عنه قلة عدد أيام الدورة وكذلك كثافتها وهو لا يؤثر على عمل المبايض.

@ هل يمكن لأي امرأة استخدام اللولب الهرموني؟ وكم يبقى مفعوله؟

ـ نعم يمكن لأي سيدة حملت من قبل تركيب اللولب الهرموني وهو فعال لمدة خمس سنوات.

@ وماذا لو فكرت السيدة في الإنجاب خلال هذه الفترة؟.

ـ يكفي أن تزور طبيبتها الخاصة لإخراج اللولب وستعود لها خصوبتها فورا.

@ متى يتم تركيبه؟

ـ خلال الدورة الشهرية أو خلال سبعة أيام من بدايتها إذا ما كانت السيدة حديثة الولادة فيتم تركيبه لها خلال فترة 4ـ 6 أسابيع بعد الولادة.

@ كم تستغرق عملية التركيب؟

ـ لا تستغرق سوى ثوان معدودة يسبقها خمس دقائق للتجهيز لعملية التركيب.

كيف تعرف السيدة أن اللولب قد تحرك من مكانه؟

ـ هذا وأن كان بعيد الحدوث ولكن لو حدث وخرج من مكانه جزئيا أو كليا تكون السيدة معرضة لحدوث الحمل وتعتبر الزيادة معتادة في كمية الدم أثناء الدورة علاوة على حدوث حمل أحيانا, وبعد كل دورة أو مرة في الشهر سيمكن للسيدة التأكد من وجود اللولب في مكانه بواسطة الفحص الذاتي.

@ ماذا يفعل اللولب في الدورة الشهرية؟

ـ سيقوم اللولب الهرموني بتحوير الدورة الشهرية خلال الفترة الأولى بعد التركيب (3ـ 6 اشهر) يمكن حدوث تنقيط بسيط بالإضافة ألى الدورة الشهرية وتحتاج السيدة الى استخدام فوط صحية خلال الأسبوع الأول بعد التركيب ثم يقل عدد ايام الدورة الشهرية بصفة عامة وتقل كمية الدم والآلام المصاحبة لها مما يعطيها حرية اكثر وحياة أكثر هدوءا .وقد تتوقف الدورة عن النزول تماما لدى بعض السيدات لتعود فور إخراجه الى طبيعتها مرة أخرى.,,<<<<<هذا الي صار فيني >>>>

@أليس من غير الطبيعي عدم حدوث الدورة الشهرية؟

ـ ابدا واذا حدث فهو بسبب تأثير الهرمون على الغشاء المبطن للرحم فقط مما يؤدي الى نحافة هذا الغشاء وبالتالي عدم وجود دم ينزل خلال الدورة الشهرية وهذا لا يعني وصول السيدة الى سن اليأس او أن دم الدورة قد ذهب الى منطقة أخرى في الجسم وهذا من مميزاته التي تنعكس على الصحة العامة للسيدات.

@ كيف تعرف السيدة أنها قد وصلت الى سن اليأس مع انقطاع دورتها الشهرية بسبب اللولب؟

ـ للسيدات فوق 45 عاما وبصرف النظر عن التغيرات التي تطرأ على طبيعة دورتهن فانه قد تظهر عليهن علامات لافتة للنظر عند الوصول الى هذه السن مثل: نوبات احمرار الوجه أو نوبات العرق غير المعتادة, وإذا وجدت السيدة ذلك فينبغي مناقشة ذلك مع طبيعتها لعمل الاختبارات المعملية اللازمة.

@ هل يسبب اللولب الهرموني زيادة في الوزن؟

ـ لا يسبب أي زيادة في الوزن وقد أكدت الدراسات ان السيدات اللاتي يستخدمنه لا يحدث لهن أي زيادة في الوزن تماما كالسيدات اللاتي لا يستخدمنه.

@ بعد التركيب هل ينبغي على السيدة زيارة الطبيبة للفحص؟

ـ انصح بزيارة الطبيبة بعد شهر ونصف الشهر من التركيب ثم مرة كل سنة حتى يتم إخراجه.

ويمكن للسيدة استشارة الطبيبة المختصة عند حدوث أي مضاعفات أو آلام بعد التركيب

 

["النووور"]

خووووش موضوع والله كان على بالي لأن مشكلتي نفس نشكلتج بالضبط ماخذيت مانع لأني أرضع طبيعي والحين وقفت ومحتاره شنو آخذ خصوصا ان زوجي يتدخل بهالشي ومايحب الحبوب وهالسوالف .. ففكرت باللولب الهرموني لأن وايد امدحولياه بس انشاءالله زوجي يرضى

 

[@ نجمة العطااا @]

نصيحتي اختي لاتغاااامرين اكثر بنفسج وروحي شيلي اللولب ووانتظري لماتنزل الدورة 3يوووم من الدورة روحي طبيب سوي تحليل هرموني شاااااامل واخذيه وروحي لدكتورة اللي ولدتج وقولي لهااا هذا تحليلي وابي عليه حبوب بحيث لاتأثر على البيبي ولا على جسمي ولانفسيتي وهي راح تعطيج والاحسن استخدمي نظااااام الحسبة مضممووونه بلا حبوب ولالولب ولا وجع قلب وعوووااار وفي شغله للزوج نفسه تمنع الحمل او خل يكووون (عفوا على اللفظ لكن نصيحة لله لغالياتي (لاحياء في العلم) ) القذف خارجي وبكذا يكون مافي حمل
الله يعينك ويشفيك يارب

 

[السعودية تاج راسي]

والله حبيبتي وحده قريبتي ركبت هاذا اللولب وصار لها مشاكل كثيرة

 

[سبائك]

اهو صح ممكن ما تييج الدوره لمدة سنه بعد دكتورتي قالت لي جذي

انزين بسألج ما يسبب لج تفاخ بالبطن؟؟؟؟؟

وما تحسين انج متضايقه لان ما تيج الدوره؟؟؟؟يعني ما تحين انج متضايقه جسديا من اعراض الدوره ؟؟؟؟؟

 

[awasha]

لا سبائك ماكو اعراض بالمره بالعكس راحه بس صراحه في عندي شعور داخلي تخوف بس من قريت كلام الدكتورة شوي طخيييت

عالعموم في له مميزات ان مافي شي لازم تتذكرين تاكلينه على طووول ---بعدين الرغبه اتزيييييييييييييييييييييييييييد مادري ليش :eh_s(22):

 

[طير الحب]

الله يكون بعونج انا جربت العادى الدوره تطول يومين زياده بس والحمد لله زين

اعرف وحده حاطه الهرمونى مو كل شهر اتييها

 

[خريف]

السلام عليكم
انا بالنسبه اللي هو اللي ناسبني ركبت اللولب العادي وعملي نزف
وضعف دم واللولب الهرموني جدا مريح وما عليه كلام وعادي
ممكن توقف الدوره او تخف وهذا شي طبيعي وحاليا ان شايلته
وحامل الحمد لله يعني لا بيعمل عقم ولاشي علىالعكس جدااااااااااا مريح
عيبه الوحيد سعره وعادة اللولب بأنواعه بيعمل خربطه او 3 شهور من تركيبه
ونصيحه اختي لا تعتمدي على انه الرضاعه مانع طبيعي
لأنه نزول الدوره مع الرضاعه معناه ممكن حدوث حمل
اتمنى لك وللجميع دوام الصحه والعافيه

_________________________________________________
خريف

 

[سارا ديور]

وانتو على طول ماعجبكم العلاج تقولون ان الدكتوره استغلاليه ونهيبه


اختي ترا والله ما يجوز

اهيا ما اجبرتج عليه اهيا اشرحت لج هذا وهذا

وانتي اخترتي

طبعا اللولب الهرموني فيه دوا داخله ممكن يكفيج لمدة خمس سنين جدام

وان كثر سبع سنين

ومسالت الدم إللي نزل منج شي طبيعي لأن رحمج دخل فيه جسم غريب فقاعد يتقلص

يحاول انه يطرده لنه ما تعود عليه .. عموما اللولب الهرموني احسن بكثير من اللولب العادي

وبعدين ترا حسب طبيعتج ممكن انه ما ناسبج

انا كنت حاطه اللولب العادي اشسوا فيني .. طيح شعري وعلى طول كنت استحاظه

وقام يطيح مني قطع لحم ... والسبب انه ما ناسبني سواء اهوا ولا الهروني

لأن رحمي رافضه ... شلته على طول .. واتفقت مع ريلي مدامه مايبيني اخذ حبوب

خليته اهوا إللي يسوي المانع .. يلبس الواقي .. ولا اني اتعبث بروحي

سوي انتي جذيه .. انتبهي ترا اللولب سواء عادي ام هرموني ممكن يسبب لج

التهابات والألتهابات إذا ما عالجتيها .. تسبب انسداد بالأنابيب ذيج الساعه ما راح تقدرين

تحملين .. خلي ريلج بالأقناع اهوا إللي يسوي المنع عن طريق الواقي

وماتشوفين شر

 

[أم البنين]

اختي انا حاطه اللولب الهرموني اكثر من 3 سنوات
اول سنه كان في مشاكل بالدورة بس بعد السنة تعدلت الدورة
وصار كل شهر او شهر نص تييني الدورة وكانت خفيفة
المهم انا ارتحت له بس مفكره احمل الحين
المهم الشي راجع لج وراجعي كلام الدكاتره وخليج من البنات
اللي ما لهم خبرة او في بنات مو مجربينه ما يصير يفتون بهالمواضيع
مع احترامي لهم
المهم فكري عدل قبل لا تشيلينه واخذي قرارج بنفسج

 

[خبيرة اعشاب]

عادي حبيبتي تتوقف الدورة من بعد النفاس خصوصا اذا اترضعين ..و انا شخصيا من بعد اللادة تتوقف عندي اكثر من 7 اشهر و هذا يعتبر مانع طبيعي .. و ماله علاقة باللولب او بالحبوب ...

 

[нάγoηά cнεмίsтяγ]

رد: اللولب الهرموني (marina ) تعالو اقولكم شنو صار **ني !!!!

اللولب الهرموني يوقف الدورة هذا اللي قالته لي دكتورتي يعني اللي صاير معاج اصلا شي طبيعي ما يخوف لاني سالت دكتورتي و قالت بخصوص الدورة احسن انها ما تنزل


بس نصحتني بالعادي يا ربي مادري ليش انا ابي اوقف حمل من ثلاث الي اربع سنين باذن الله تعالي و العادي تقول من سنه لي سنتين و احس مو مرتاحتله

ابي وحده مركبه هرموني تطمني ان ما يسوي مشاكل ؟

 

[нάγoηά cнεмίsтяγ]

رد: اللولب الهرموني (marina ) تعالو اقولكم شنو صار **ني !!!!

انا رضعت بنتي تسع شهور و كانت دورتي تنزل كل شهر من بعد الولاده لي ست اشهر و بعدين حملت

ماله شغل الرضاعه مو شرط تمنع الحمل او توقف الدورة

 

[بطة زوجها]

السلام عليكم
العلم اطور ولاتسمعين لكلام احد يضر وفكيه وكل هالخرابيط
انا مركبته لي سنتين وشوي اول ٦ شهور كان الوضع مخربط والحين ماتجيني الدوره ومرتااااااااحه
وشيكت عند الدكتوره قبل شهرين على اساس كنت حفكه لاني كنت خايفه من موضوع انقطاع الدوره بس الدكتوره طمنتني ونصحتني اخليه دام اني ماافكر فالخلفه

بالتوفيق