شوفي حبيبتي خل نبدي جذي.... اول شي بعلمج عن Srubs يهبـلون من تجربه شخصيه اول سكرب اهوا من بودي شوب اسمه SCRUB VITAMINE C حق البشره التعبانه و الباهته كلمه اينن شويه عليه صج صج لما تقشرين ويهج فيه بعد التقشير تحسين ويهج انتعش و متنفس و تحسنه صار صحي ... انا كنت استخدمه لما تعدل ويهي و بعدين هديته و رحت حق SCRUB ST.IVES اللي بالمشمش ... انتي حسب كلامج انى بشرتج دهنيه ... هالمقشر خصيص للبشره الدهنيه كــلمه روعـــه و لا شي بالنسبه له إعـــقد!! صفى ويهي و وحده و نظفه! و انتي تقولين "ابي شي رخيص مابي اخذ من ابوي فلوس" اوكي شوفي روحي المطبخ يباي شكر اسمر خشن او ناعم ما تفرق و يباي زين اللوز خلطيهم و قشري ويهج فيهم والله روعه و بتحسين بالفرق وراح تحين ويهج صفى و صار ناعم زبده, هذا وخلصنا منه, نبدي بالتفتيح البشره انا اشتخدم صابونه البابايا حق جسمي حدها عجيبه و تفتح حيل و تبان النتيجه من 2 غسله و بعد في صابونه من FAIR AND WHITE اللي فيها حبوب هذي عجيبه حق الويه تفتح و تصفي و تنعم و تشد لانه اهيا صابونه و صنفره مع بعض هم هذي انا استخدمها حق جسمي, و اذا ما تبين تشترين لانه ما تبين تدفعين فلوس عندي لج طريقه انا استخدمها صالي سنه تقريبا بس والله والله ما اجذب عليج والــــــــــــله احسن من كل الكريمات و الصوابين والتقشيرات الماركات العالميه , اللي اهيا تيبين ليمونه و تفركين ويهج فيها و تقعدين 30 دقيقه و بعدين غسلي ويهج اب ماي بااارد بدون صابون! والله والله انا من اليوم الثاني والله ويهي صار ابييييض و خدودي ورديه !!! انا نوعي ما احب استخدم شي بويهي الا طبيعي بس صدقيني لا يقصون عليج الماركات العالميه وخرابيط الخلطات و سوالف ابر ما ابر حق التبيض والتفتيح ... الليمون عندج كل اسبوع فركي فيها ويهج مرتين بس. و اذا ما فتح ويهج لا تدعيلي! هاهاهاها. اللهم اني بلغت اللهم فشهد. نيي حق الجسم انتي تقولين انا اعرق بسرعه, غسلي جسمج اب جل استحمام من ديتول لانه ينشفون الجسم بس مو حيل اهما ينشفونه من الدهون الزايده والوصخ ولما تطلعين من الحمام حطي لوشنج المفضل بس بكميه قليله لا تحطين وايد. و على سالفة الكريم اساس انتي لما تستخدمين الليمون اهوا يقلل من ضهور الدهون اللي بويهج وروحي اي مكان قولي ابي BASE/PRIMER حقي و اهما يعطونج المناسب لج لانه هالشي تحطينه قبل الفاونديشن عشان يخلي الفاونديشن متماسك و ما يسيح لانه انتي بشرتج دهنيه, و على الهلالات السوده قبل لا تنامين حطي زيت جنين القمح و نامي بعد اسبوع بتشوفين الفرق, انا اللحين صارلي 3 ليالي و احس خف السواد, بس اهم شي المواظبه والاستمرار ............. والله يتقبل منج ولا تنسيني بالدعاء
ادعيلي اتوفق بدراستي
