الله يفرجها عليكم ريحوني

[MzOoOn 22]

السلام عليكم ورحمه الله وبركاته ...


آنا كنت اطالعكم من بعيد وكنت اتمنى الحمال ... والحمدلله بعد سنه ونص الله رزقني بهالنعمه الحلوة ..



ماتتصورون شكثر فرحتي انا وزوجي اللهم لك الحمد يارب:yaaaaaarb:

بس بنآت انا قاعد ينزل وياي شي لونه بني فاتح حيل .!
رحت للدكتوره قالت لي متى اخر دوره قتلها متى ..

جان تقولي انتي المفروض الاسبوع السادس !!!:eh_s(2):

واللحين انتي الرابع:eh_s(11):


وماكو كيس للبيبي:eh_s(2): بس نقطه:eh_s(11):

انا اخترعت وطقتني البوهه وماعرفت ارد عليها ولا شي:eh_s(16):


وعقب قالت حتى تحليلج الهرموني نسبته ضعيفه !!:eh_s(2):


وربي اكتأبت ! خفت خفت ما تكتمل فرحتي ويروح البيبي لا سمح الله


ووصفتلي حبوب دوفاستون المثبت مرتين باليوم وحبوب فلوكسيد ...


وقالت بعد اسبوعين اشوفح عقب قالت بعد 3 اسابيع انا قتلها خليج ع الموعد الاول اسبوعين



بنات عسى الله يريح بالكم ويسهل حملكم وولادتكم يارب


تكفون هالافراز البني شنو ؟! والي تعرف وحده حامل وكملت حمالها تقولي تكفون وطمني !؟


وهل ب4 اسابيع مايتكون كيس للبيبي ؟!:eh_s(11):


ومتى يتكون الكيس؟!:eh_s(16):


تكفون ريحوني :eh_s(2):

 

[MzOoOn 22]

شدعواااا وينكم !

 

[MzOoOn 22]

وربي مو صج تكفون احد يرد علي !!

آنا ع اعصابي الله يهداكم !


ماهقيتها منكم يا كويتيات !!

 

[الغضى]

كل رفيجاتي
أول حمالهم يكون ضعيف وفيه افرازات ودم
وياخذون مثبتات وابر لين يكمل الحمل والحمدلله الله يرزقهم

 

[MzOoOn 22]

يعني حملي جذي ضعيف ؟!

شلون يصير اقوى .!!؟

 

[MzOoOn 22]

زين بعرف كيس البيبي مادري كيس الحمل متى يتكون باي اسبوع ؟!

 

[really cat]

حبيبتى
ربى يطمنج ويبلغج بالضنا الصالح اميييييييييييييييييييييييييييين يارب

والله ما عندى فكره
بس انتى تفائلي وادعي ربج والله انشالله يكون معاج ويثبت البيبي

حبيبتى سوى سيرج بقوقل فيه مواضيع انشالله تستفيدين منها

 

[a-a-alrajhe]

حبيبتي اكثري الاستغفار والله يطمن قلبج يااااااااااارب... ويثبت مابارحامنا يااااارب

 

[yasmeen_q8]

تطمني ما في اي شي يدعو للقلق ما كو شي انشالله ويمكن تبويضج كان متأخر وصار حمل متأخر عادي تصير واستمري عالمثبت حتن انا دكتورتي معطيتني اياه وعلى فكره حتن انا هرمون الحمل عندي ضعيف لدرجة اني سويت اكثر من مره تحليل منزلي وما يبين شي لليوم فلا تخافين انشالله مافي الا العافيه نطري او غيري الدكتوره والله معاج انشالله ويثبتلج حملج

روحي حق دكتور او دكتوره يكونون شطار مو اي شي

 

[أأأميرة الورد]

رد : الله يفرجها عليكم ريحوني

الله يرزقج بالذرية الصالحة
يااااااااااااااااارب

 

[توكلت على الله 22]

يمكن تبويضج متاخر

الله يثبتة وينمم عليج حملج بكل صحة وعافية

:yaaaaaarb:

 

[QYtiya.com]

اول شي اللففف مبروووك والله يتمم لج على خير يااارب
شوفي يالغاليه انا قبل لا ادري اني حامل بجم بيوم كان ينزل علي دم لووونه فاتح حييييل وافرازات وعقب ماحللت نزل علي دم
رحت للمستشقى قالوا مافيه لا جيس ولاااا شي تعالي بعد اسبوعين ورحتلهم بعد اسبوعين او ثلاث مادري قالوا فيه جيس بس بدون نبض ولاااشي وبعدين قعدت 3 اسابيع وبين النبض يعني ما تاكدت انه الحمل تمام الا يمكن كان لي شهرين ونص يعني لاتحاتي ياقلبي
وفيه حريم بعد النبض مايبين عندهم الا بال3

عادي يمكن يكون التبيويض متاخر وهم انا عطوني حبوب مثبت ومادري شنو عاااااااااادي
بس روووحي دكتوووره ثانيه شاطره احسلج وانصحج ب بهواني بالهادي او دكتوره اميره بالفروانيه عياده خاااصه بالعربيد بلازا فوووق خليها تفحصج لانه انا رحتلها لما قالولي ماكو جيس

وياااااااااااارب يتمم عليج وتشوفين البيبي بين ايدج وايد زوجج يااااااااااارب

 

[sweeta77]

والله انا عطوني حبوب مثبته
وابر مثبته كل اسبوع مره

 

[إستبرق]

والله ما اعرف
بس ربي يثبته لج ويفرح قلبكم فيه يارب

 

[أم حمودي**MALL**]

ماعندي فكره
بس الله يثبت حملج

 

[هيراس]

عادي لنا اعرف وحده مثلك مافيها كيس وهي في الخامس مو مبين شي بعدين في الشهر السادس وضح
وولد عادي اهم شي لاتتسرعين
والله يرزقك الذريه الصالحه ويرزق كل محرومه
ويفرح قلبك

 

[مرادي الجنة]

هلا حبيبتي لا تحاتي انا من اول حمالي لاخره ينزل افراز بني وخ\يت مثبتات الدنيا كلها وكمل حملي وجبت احلئ ولد بالدنيا

 

[نـور الكويت]

عسى الله يثبت حملج ياقلبي ويرزقج روحي لدكتوره عاليع الفضلي من بعد الله سبحانه

 

[كويتيه مذهله 87]

حبيبتي يمكن تبويضج صار متاخر
4 اساابيع مايبين شي
والدم انا ياما نزل علي مثل الدوره والحمدالله كاهو ولدي يمي

 

[om batool]

الله يتمم حملج على خير