الله يعافيهم محتاجه خبرتكم ومساعدتكم

[نورسين القمر]

شلونكم يا حلوين :eh_s(8): وقولو امين يارب كل وحده تبي تحمل الله يرزقنا بتوم :yaaaaaarb:
ياطويلين العمر انا صارلي سنتين متزوجه وما حملت ورحت راجعت الدكتور قالي كل شي سليم بس نطري ونظرت سنه ماكو شي ومن شهر سافرت لبنان قالي زوجي في دكتور شاطر شرايج نروحله ولما رحتله مني الصدمه شاف تحاليلي وقالي ماتقدرين. تحملين طبيعي وقمت ابجي وزوجي يهديني :eh_s(16):وقالي الدكتور انتي عندج هرمون fsh مرتفع وحولني حق دكتور مختص بالعقم وعمليات طفل أنابيب المهم رحتله وقالي بعطيج حبوب أخذ يهم ينزلون الهرمون ما راح اسويلج عمليه اول نجرب الدوا يمكن في امل وأخذت الدوا وسوسيت اشعة صيغه بحياة رويال اول مارديت الكويت وقالولي. ماكو شي الأنابيب والرحم زين وحتى تحاليل زوجي زينه ورى العيد انشالله ارجع اروح حق دكتوري بلبنان وقتله ابي اسوي العمليه خلاص مابي انطر اكثر قالي تعالي وذا ما نزل الهرمون اسويلج العمليه وبنات عفيه فيدوني قولو شنو لازم اسوي وشنو الحبوب الي اخذها عشان اجهز نفسي لان عندي بس شهر أجازه وما اقدر اكثر شلون اجهز نفسي قبل العمليه ومنو صارلها نفس حالتي :balo::balo: بليز ساعدوني باي معلومه لأني اول مره بعالج وما عندي خبره وآسفه على الطواله:eh_s(7):

 

[كويتيهة]

الله يشفيج ويرزقج بالذريه الصالحه

اب لعيونج ..

 

[نورسين القمر]

مشكوره حبيبتي ��

 

[عسل حدي]

الله يشافيج يارب ويرزقج

 

[حوااااء]

حياتي انتي تبين تخسرين الفلوس والنتيجة وتعبج كله يروح عالفاضي
مايصير لازم تنطرين لين الهرمون ينزل وعادي يقدرون ينزلونه بالادوية بس انتي لا تبدين العلاج خطأ لازم كل شي يكون اوكيه من البداية لان اطفال الأنابيب ترا متعبة ومكلفة فحرام تضيعين هذا التعب كله لأنج مستعجلة انتي انطري لين ينزل هالهرمون بعدين بلشي علاج هذي نصيحة مني لج
وبالنسبة لعلاج الانابيب عادي انتي سوي كل اللي يطلبونه منج ولا تتوترين لان النفسية عامل مهم بس حاولي ترتاحين بعد ترجيع الاجنة حاولي تشغلين نفسج باي شي في هالفترة عشان ما تقعدين توسوسين
وفي موضوع انا كتبته عن التابعة وانتي رديتي علي وقلتيلي عن خالتج اللي حطت خيط ع بطنها امانة ابيج تسالينها راحت عند منو وشنو سالفة هالخيط بلييييييز

 

[نورسين القمر]

حبيتي مشكوره على النصيحة وانشالله ينزل الهرمون واحمل طبيعي لأني اخاف من العمليات. ...وحبيبتي اي وحده فيها تابعه لازم لما تحمل يحطون خيط على بطنها عشان يؤخر التابعه وانشالله اسأل خالتي واخذ رقم الي قرت عليها وأدزه لج على الخاص بس اهيا مسافره حاليا اول ماترجع بإذن الله ادزلج الرقم تأمرين امر حبيبتي

 

[Katkoota85]

شلون تسوين العمليه والهرمونات ماتضبطت !؟!!
الله يشفيج يارب ويرزقج وكل محروم..
حبيبتي الهرمونات ماكو اسهل منها هالمشكله انا كانت فيني ومااتذكر شنو علاجي بس الحمدالله تضبطت الامور بثلاث شهور عادي..
شربي بردقوش ووقفي بأيام التبويض وبالدوره رديله ،البردقوش يضبط الهرمونات يرفع النازل وينزل الصاعد عرفتي؟
وقبل العمليه لازم تاخذين انتي وزوجج عسل وحبة البركه وتاكلون فيتامينات مشكله وحبوب فوليك اسيد وفيتامين اي e
ان شاءالله ربي يرزقج ويرزقنا معاج يارب*

 

[نورسين القمر]

الله يطمن قلبج حبيبتي والله كنت خايف انه مايتعدل الهرمون عندي والدكتور قالي ما فيج اي شي بس يضبط الهرمون عندج تحملين بس دكتور ثاني قالي سوي عمليه لا تضيعين وقتج بالعلاج بس اشوه انتي طمنتيني انه تعدل عندج وانشالله من باجر اشتري برقدوش وقولي امين انشالله الله يعطيج الي تتمنينه ويرزقج الذريه الصالحه

 

[نورسين القمر]

عسل حدي. الله يسمع منج مشكوره عالدعوه

 

[ووطن النهار]

حبيبتي دام الكويت قالو مافيج شي ليش خايفه يمكن يجذب عليج
راجعي عند غيرهم وشوفي شنو الصح

 

[ووطن النهار]

بليز المرا الي راجعتهاا خالتج حطي رقمهاا هون الكل محتاجه او طزشيلي خاص لاتنسين

 

[Katkoota85]

الله يطمن قلبج حبيبتي والله كنت خايف انه مايتعدل الهرمون عندي والدكتور قالي ما فيج اي شي بس يضبط الهرمون عندج تحملين بس دكتور ثاني قالي سوي عمليه لا تضيعين وقتج بالعلاج بس اشوه انتي طمنتيني انه تعدل عندج وانشالله من باجر اشتري برقدوش وقولي امين انشالله الله يعطيج الي تتمنينه ويرزقج الذريه الصالحه

ياحياااتي فديتج اجمعين يارب والله يفرحج بتوم ويقر عينج فيهم يارب ..
والله انا كان مخربط الهرمون عندي واول دكتور نصحني بالانابيب بس غيرته لان الله يسامحه قص علي قال ماراح يتعدل .
قسم بالله رحت الهادي ومن الشهر اللي وراه تسنع والشهر الثالث صار نسبته طبيعيه ..
روحي حق دكتوره رائده الفضلي الصبح تداوم بالصباح اهيا رئيسة قسم وحدة الانبوب هناك ، والعصر بالهادي . هذي اكتشفت مرض فيني من مجرد سونار واهيا ماشاءالله شهادتي فيها مجروحه دكتوره روعه اخلاق وفهم وشطاره وعلم..
البردقوش فيه ماركة رويال جاهز بجيس بس تصبين فوقه ماي حار وعليج بالعافيه

 

[Katkoota85]

وانصحج نصيحة اخت لاتلعبين بنفسج وتضغطين على مبايضج بعملية الحقن المجهري .. بهالعمليه راح يتعب المبيض وايد من اللود اللي راح يصير عليه بسبب الهرمونات المحفزه .. وورا العمليه اذا لاسمح الله ماصار حمل لازم تنطرين اقل اقل شي ثلاث شهور عشان شوي يتعافى المبيض ..
سوي اول شي اشعة الصبغه خل يكشفون على رحمج وانابيبج عدل في شغلات ماتبين بالسونار ، ويمكن تسوين انابيب وتقطين فلوس ولا سمح الله تفشل بسبب شي بالرحم ماكنتي راح تعرفينه الا باجراء هالاشعه .. فتعتبر الاشعه اجراء وقائي وعلاجي بنفس الوقت لان لو كان فيج سدد بسيط تفتحه الصبغه وتحملين بإذن الله ..
ثاني شي سوي تلقيح صناعي اذا انابيبج مفتوحه اذا الله لايقدر مسكره انتقلي لمرحلة الحقن المجهري ..
التلقيح الصناعي ينعاد ثلاث مرات اذا ما ربي كتب .. نسوي حقن مجهري
وقووولي يارب يرزقج وكل بنات هالقسم بهالشهرالفضيل يارب من لطفه ورحمته وبدون علاج الله سبحانه على كل شي قدير*

 

[Katkoota85]

هذا ردي على احد الاخوات يمكن يفيدج ان شاءالله




كويتيات رد: التلقيح الصناعي والنفسيه =( محتاااااره وخايفه

انصحج اول شي تسوين اشعة صبغه علشان لاسمح الله اذا طلعت الانابيب مسكره ، وقت الحقن المجهري يعرفون يتصرفون صح ..
اذا كانت الانابيب مسكره وفيها سوائل يربطون الانابيب عشان السائل اللي في الانابيب ماينزل عالاجنه ويفسدها ..
واذا كانت الحمدالله مبطله او مسكره بدون تجمع سوائل بالانابيب ماتحتاجين للربط ..
واشعة الصبغه اساسا تبين بعد شكل الرحم شلون صاير.. طبيعي ، ذو القرنين الخ ممايعطي الدكتور امكانيه بالتصرف الصحيح وقت العمليه..
الاشعه خطوه ضروريه قبل الحقن المجهري واذا كنتي سليمه يارب وانابيبج سالكه وزوجج سليم سوي تلقيح صناعي ٣ مرات.
اذا لاسمح الله ماصار حمل سوي حقن مجهري ..
والله يوفقج ويرزقج وكل محروم بالذريه يارب

 

[عسل حدي]

اب اب اب

 

[نورسين القمر]

كتكوته حبيبتي وايد مشكور افدتني بأشياء ماكنت اعرفها انا سويت اشعة صبغه وقالولي ماكو شي انابيبج مفتوحه ومافي انسداد ورحمج زين بس هالهرمون مشكله ...ان الدكتور اللي اروحله بلبنان قالي ما اسويلج عمليه نفس كلامج قالي حرام تسوين في علاج واذا مانفع استخدم التلقيح الصناعي اخر حل طفل الأنابيب بس انا قتله ابي ابلش عمليه وخلاص واهو للحين مو راضي .....بعد عمري انتي والله افدتني بكل الي قلتيه اشياء وايد ماكنت اعرفها وانتي اخذتي ادويه عشان الهرمون انا وصف لي الدكتور dhea حق هالهرمون. ومشكوره مره ثانيه والله أني كل يوم راح ادعيلج

 

[نورسين القمر]

ووطن النهار. انشالله اكتب الرقم عشان الكل يستفيد بس اول استأذن من المرأ وانا الله يسلمج رحت حق دكتورين الاول عالجت عنده سنه كل شهر اسوي تحاليلل وحاله وكل يقولي ما فيج شي مع انه الهرمون مرتفع يعني بس يبي فلوس. والدكتوره الثانيه قالتلي ماكو امل بالحمل سوي عمليه طفل أنابيب ولو ما بصدفه سافرت ورحت حق هالدكتور ما عرفت انه الهرمون مرتفع وهناك الدكاتره ارخص من الكويت بوايد حتى الفحص الي يسويه لج من سونار وفحص داخلي ببلاش وحتى الدكتور عنده غرفتين غرفه كلها زرع ونفسيا تدشين ترتاحين يقعد معاج الدكتور يتكلم يشوف نفسيتج وبعدها تروحين غرفه ثانيه للفحص ويكلمج عن حالتج لا وبعد لما رجعت الكويت. رحت حق الدكتور قتله ليش ماقتلي انه هرموني مرتفع..,!! قالي عشان لاتتعب نفسيتج وانطره سنتين يمكن ينزل بروحه وبعدها اقولج اذا اعطيج علاج توج صغيره ليش بتحملين بسرعه يعني هذا رد بكيفه قرر انه بعد سنتين احمل

 

[عسل حدي]

اب اب اب

 

[نور التفاؤل]

حبيباتي وطن النهار وحواااء والباقي

الخيط اللي تكلمون عنه نوع من انواع السحر والعيااااذ بالله من غضب الله

وروحوا اسالو كبار الشيوخ العلماء زوجي مطوع ويعرف هالسوالف ويحذر منها

اشلون تبون من الله سبحانه الرزق وانتوا بتعصونه بكل سهوله اشهالجهاله
استغفرررر الله اللهم بلغت اللهم فاشهد
وماااااااعلى الرسول الا البلاغ استشيروووو شيوخ السنه
ثم استغفرووو ربكم

 

[عسل حدي]

اب اب اب