الله يسعد وويوفق الي يساعدني

[رشيدية وافتخر]

طيب شادن بحاول ادوره وان شاء الله اني احصله مشكورة

 

[رشيدية وافتخر]

بنات لا تاكلون البنت​

احنا بالكويت اللي فيه إيدز مو مجبور يحجزونه بالمستشفى بعد مو السل !!!!!!!!!!!!!​

أعرف واحدة معرفة شخصية زوجها فيه هالمرض مطلعة الدكتور وقاعد بالبيت ​

صحيح إنها مطلقة بس أهو قاعد يختلط بالناس وأهله عادي يروح ويرد​

جنه ما فيه شي ................​

وتبون الصح من حقها تخاف على نفسها وعلى بناتها من أخوها ​

فوق إنه قاعد عندها ما ياخذ علاجه من هالمرض ​

بصراحة ما تنلام​

يعني ما تطلع بنت ناس وسنعة وشقردية إلا إذا ماتت واحدة من بناتها يالله تصير زينة​

عشان سكتت !!!!!!!!!!!!!!!!!!!!!!!​

العيب مو فيج العيب في اللي قاعدة تفتر فيه بالبيوت ​

قولي له أشكره تعالج وتشافى وحياك في بيتي والعين أوسع لك من المكان:eh_s(2)::eh_s(2):​

حبيبتي انتي مشكورة لانك تفهمتيني بس وش اقول الشكوى لله الحين توني مكلمة امي وكلمته قالها بنروح عااخر الاسبوع الله يستر لنهاية الاسبوع .وانابعد شوي بروح الطبيب اناوبناتي كلهم عشان اختي سالت الطبيب قالهاخليهم كلهم يجون يسون فحوصات وتحاليل وان شاءالله خير

 

[رشيدية وافتخر]

استغرب من الهجوم على البنت ..!!
اهي ماطلبت تطرد اخوها لكن طلبت تحمي بناتها خاصه انه مو حاطلهم اعتبار ولا قاعد ياخذ احتياطاته
عالاقل يكون عنده ذرة مشاعر ويلبس كمام
والمفروض الانسان يكون عنده خجل وحياء ويخاف انه يضايق الالاطراف الثانيه حتى لو كانت اخته
لكن لما اللي جدامي يكون عديم احساس هل مجبوره انا اكون حساسه معاه واجامله ..؟؟
اهي وضحتله انه يحتاط تبي تحمي بناتها بس اهو رافض
العيب من منو منها ولا منه ..؟؟
هل لازم اضحي فبناتي عشان اثبت حبي لاخوي ..؟؟
مثل ما الاخو مايتعوض العيال بعد مايتعوضون اذا راح واحد مايسد مكانه واحد ثاني الولد عزيز وقطعه من القلب

المهم حبيبتي مسكي امج وكلميها بكل وضوح وهدوء وجديه
قوليلها يمه انا خايفه على بناتي .. لاتقولين امي تطنش لا كلميها بجديه شوي .. مهما كان اهي امج واهي اكثر وحده بتفهمج وتحس فيج
خل تكلم اخوج عشان يدير باله شوي ويراعي وجود اليهال وان مناعتهم فعلا اقل من الشخص البالغ..
الله يحفظهم ان شاء الله والله يآجرج على مابتلاج فيه ..

مشكورة اختي اناالحين بروح الطبيب وبشوف شنو يقول بصراحة لوقال لازم مايكون في اختلاط اناافكر اني اطلع عند اهل زوجي لانهم في نفس العمارة معانا الين يروح لبيته لاني بصراحة خايفة وقلبي مقبوض والله يستر . ودعوتك جت عالجرح عسى الله يوفقك

 

[رشيدية وافتخر]

بنات الله يسعدكم ويسهلكم اموركم فعلااحس اني ارتحت شوي لانكم تفهمتوني .انافعلا بس خايفة من العدوى انهاتنتقل لي ولالبناتي لانهم صغار وماعندهم مناعة .لاكن اخوي اناماارضى عليه لانه في الاول والاخير من لحمي ودمي وعسى الله يشفيه ويشفي كل مريض

 

[ام كوثر2007]

صراحه ما تنلامين حبيبتي .. واللى تقولج اليهال يتعوضوون .. امنا بالله بس عاااد يا ويه استح ..

يعني اهو مريض المفروض يروح بيتهم شمقعده عندكم ؟ اصلا عيب اهل الزوجه يقعدون في بيت النسيب غلط وفشله وعيب


خليها تاخذ ولدها وتروح بيت ولدها العووود اولا فيها منج انتي ومن نسيبها عيب يعني


صراحه المفروض تقعدين مع امج وتصارحينها هم هذيل احفادها والمفروض تخاف عليهم اكثر منج انتي بعد


وما تنلامين يا قلبي ولام الله من لامج صراحه

 

[سمو]

اللهم صل علي محمد وال محمد


ماشاءالله عليكم بناات ...... لو موضوع عن يوم الحب ومادري شنو طلعتوا احاديث ليين ترستوا الصفحات .......


ما تدرون ان فيه حديث بما معناه ....ولا تؤدوا بانفسكم الي التهلكه :eh_s(10):


صراحه لارم تقولين له يتعالج ...والمرض مو زين ....... ريلج يمكن يتحمل ....باجر اذا صار شي يقولج ..كله منج وكله من اهلج .

جدام رب العالمين انتي وزوجج مسؤولين عن صحه اليهال .


الانفلونزا ....الناس تتخشش منها فما بالك ....بالسل ...الله يستر يارب


الله يشافي كل مريض يارب .

 

[" ام حمود "]

ماادريء ، بس فشله تقولين له جذيء او تقولين حق ريلج يتفاهم معاه
مو حلوه وراح تحرجين اخوج ويتضايق ، اهوه ياي عندج عشان يونس
روحه من الضيقه اللي فيه ويقعد معاكم وينسى مرضه ماادري شلون وحاسه فيج
انتي بعد انج خايفه ع بناتج وكلمتي امج هم بعد ماكو فايدة ..
ولآ تخافين ان شاءالله مايصير شيء ..

 

[tbola]

مايشوووف شر اخوووج وان شاء الله اعيالج مايتعادون ادعي ربج وستغفري

 

[flawar]

ماقصرو البنات
وانتي مو غلطانة انتي خايفة ع بناتج وهذا حقج وانتي ماقصرتي سويتي الواجب واكثر مفروض يحتاط اهو
بس مالج غير الدعاء وشغلي قران ع طول علي البيت كله علشان يرقيكم ويشفي اخوج وامج بعد الله يعينهاااا ترا مثل ما انتي خايفة ع بناتج امج خايفة ع ولدها وعليج اكيد بس مو بيدها شي و تحصني انتي وبناتج
وعقمي البيت كثر ماتقدرين واذا تقدرين تروحين لاهل زوجج مافيها شي علشان بناتج

الله يشفية يارب ويشفي اختج ويعينكم ويعافيكم يااااااارب

 

[رقـة الاحسـآس]

خليه يلبس كمام

الله يشفيه و يحميكم من كل مكروه

قهرتني اللا مبالاه اللي عنده

 

[رشيدية وافتخر]

ام كوثر وسمو وام حمود وتبولة وفلور ورقة الاحساس )الف شكرلتفاعلكم معاي ،
وكل وحدة دعت لاخوي بالشفاء عسى الله يوفقها ويسرلها امورها يارب
ويعطيكم العافية*

 

[زوجة عزيز]

الله يشفيه بس صارحي امج وقولي لها عادي ترا مافيها شي

 

[Beyoncee]

الله يعينج ويشافي اخوج وجميع مرضى المسلمين
بناتج وانتى مو ماخذين التطعيم
كلميه بالويه اذا متأكده انه بيعديكم انصحوه بدخول المستشفى لراحته
مايصير يتعافى على حساب الاطفال
سافري هالفتره اذا تقدرين احط اي عذر عشان يردون بيتهم

 

[S0oo0s0oo0]

رفع

 

[Om fhoood]

بنات اعوذ بالله شفيكم

كل ماوحدة كتبت موضوع شككتوا فيها وصرتوا المحقق كونان

واللي خلتها تبي تطرد اخوها ويافشلتي وعيب ومادري شنو

اسمحوا لي انا اول مرة ارد على مشكلة بهالقسم اكتفي بالمتابعة بس جد تنرفزت

حبيبتي صاحبة الموضوع ربي يشافي اخوج ان شاءالله

وبناتج ارقهيم كل يوم والله الرقية زينة

وابعديهم عنه

وكلمي احد من اخوانج او خواتج يكلمه ويفهمه الوضع واذا مافهم كلميه بصراحة وقوليله انج خايفة على بناتج ومو القصد انج تطردينه لا بس هم هذيلا صغار وماعندهم مناعة يعني حرام واهوا راح يحس

وربي يخفف عنكم ان شاء الله