الله يسامحك يا زوجي :(

[انصاريه قمره]

قطييييييييييييييييييعه صج ماتستحي
وريلج شفيه ما عرف يسكتهااا ويدافع عنج ؟؟
شنو عينها حاره ؟؟

 

[أم توتو]

طنشيهم وذا تكلموا قولي وبكل بساطه مادري انكم بتسافرون ماعندي خبر جان جيت وسلمت عليكم

 

[3atharii *_*]

الله يعينج

بس كبري عقلج حبيبتي طنشي

 

[• JoJo •]

ما قصرو البنات

 

[dectora 7elwa]

اكيد الحين سافروا
علمينا شسويتي

 

[الدائمة الطفولة]

لآتهتمين يروحون اللي يروحونـه ،، لو يروحون القطب الشمـآإلي

واذا ماتبي تعلم كيفهـآ ..
= )

 

[ابلة لولوة]

شوفي حبيبتي

لاتروحين ذا صارت لج فرصه وكلمتج خالتج بالتلفوون كسري عينها و قوليلها سامحيني يالغاليه على القصور كان ودي اسلم

عليج قبل لاتسافرين بس والله مادريت وريلي الله يهداه ماقالي عموما تروحين وتردين لنا بالسلامه وديري بالج على نفسج

يالغاليه

صدقيني عقب هالكلام يتحس بالذنب وبتنحرج منج الاسلووب الحلو يخليج حلوة جدام الناس وهم في نفس الوقت يحرجهم .

وكرامتج محفوظه لانج مارحتي المطار

جذي حققت اهدافج : كرامتج , احراجهم , تحلين بعينهم ويبين أصلج الطيب .

 

[chole_84]

حارقه أعصابك على شنو كيفهم سوي نفسح عادي وخليهم حركه سخيفه بس شتسوين
يبه الي موعايشه مع اهل رجلها ابيت واحد تصلي ركعتين شكر كل يوم
اه الله يفكني شر مرت حماااااي تكفون ادعولي*

 

[ليش الجفا]

شوفي حبيبتي لاتروحين تودعينهم
بس فيه شي تسوينه راح يسوون لك الف حساب ومجرب
التطنيش احقريهم ولا تردين على احد حتى لو قالت عينك حاره
اضحكي وبأعلى صوتك لان إذا تضايقتي ماراح احد يدري عنك
اي كلمه تسمعينها او توصلك انها منهم اضحكي قولي عادي والله والله ترتاحين وهم اللي ينقهرون كل مازاد حقرك لهم راح يبتعدون ويقولون ماهما اي شي
ليش يتعبون انفسهم ؟وبعدين قولي لزوجك اي كلمات يقولونها عني لاتقولها لي
والله مجربه هالحركه مع كل الناس وتعدلت الامور صدقي وجربيها لو شهر واحد
وشوفي النتيجه ,,,,,,,,,
الله يعينك
​

 

[neitfa]

الله يصلح اموركم

 

[Sugar cube]

طقاق اللي يطق خبر السفره ، بس اللي يقهر انها الله يهديها تقول ان عينج حاره

يا ليت تقوليلنا شصار وياج ، قلبنا وياج ، و عسى الله يصلح بينكم

و تعوذي من بليس حبيبتي ، مثل ما قلتي اهل ريلج بحسبه اهلج

حتى لو عندهم بعض الزلات ، مجبوره تعاملينهم بطيب اصلج

 

[رحيل المرافيء]

انتي مالج شغل فيهم
هم حرين يقولولج مايقولولج كيفهم
انتي حيا الله مرت ولدهم
تبينهم يستأذنون منج يعني ؟؟؟؟؟

 

[Tom ♥ Jerry]

.,،


و الله اروح و اقولهم شدعوة جآن قلتولي على غشمره !
مو حلوة آسمع من الغريب .، و رآح تحرجينهم !

الله كريم حبيبتي و طوفي هالـ تصرفات !
آهم شي زوجج يا قلبي :*

 

[مناير ...!]

شكو تودعينهم؟
ماقالوا لج خلاص خلصت السالفه
ولاتحرين نفسج
مو لازم يقولون لج عادي

 

[pusy cat]

شعليج منهم سافرو والا قعدو

وانتي قلتيها من البدايه في عداوه بينكم

مايبون يقولونلج اخبارهم وخصوصياتهم والرجال ماله شغل امه محلفته مايقولج

لاتروحين المطار ولا شي مالج شغل فيهم ولاتحارشينهم

 

[!الجادل الصعب!]

وآلله حمولتج مآ عليهم شرهه ..,
شي خآص فيهم ومآ يبون يقولون برآحتهم ..!
بس الشرهه على الرجآل الي جآي يقول آمي تقول لآ تقولهآ عينهآ
حآره ..!
حتى لو قآلوا هالكلآم المفروض مآ ينقله .. شنو بيستفيد ؟!
ولآ تودعينهم ولآشي برآحتهم ..!
يعني استغرب في بنآت بيموتون عشآن الحموله يسآلون عنهم ويبون يعرفون عنهم كل شي ..,
وبنآات يستميتون عشآن يعرفون شنو صآر في بيت الحموله ..!

 

[ELFAD3Ah]

عادي عامليهم مثل ما يعاملونج انتي اذا بغيتي تسافرين لاتعلمين احد

 

[بحر الذكريات]

والله عطيهم طااااف

 

[om MaRyooM]

اذا تبينهم يحسبون حسابج مو بعدم روحتج للمطار

وبعدين شي راجعلهم مو غصب يقولون

والمشكلة احسها بزوجج يمكن فعلا مقتنع من امه ان عينج حارة

لو مومقتنع جان قالج عالاقل

عموما لاتحرين نفسج وكل واحد حر بتصرفاته ولاتورين لزوجج انج مقهورة بالعكس عيشي حياتج معاه بالطوووول والعرض
لان سوالف اهل الزوج الماصخة ماتخلص

 

[love^angel]

كيفهم راحو ولا ردو منتي خسرانه شي لا تعورين راسج بالطقاق جنه محد سافر غيرهم