الله يرزق بالي تصارحني الجنه والتوفيق بدنيتها واخررتها يا صيدلانيات وطبيبات !!

[شندوخه]

مجتمعنا لكويتي جذي بنت فوق ٢٧ صعب تتزوج واحد عمرها كلهم يبون صغار هذا حجي الاهل مايندرا

حبيبتي انا اعرف دكتوره
صكت ال 37 ويالها نصيبها وتزوجت وماشاءالله متهنيه وسعيده بحياتها الله يتمم عليها

ترى اللي يكسرون مجاديفج اليوم ويحبطونج
اول ناس راح ترتز عندج لم توصلين للمنصب اللي تبينه

لايغرج كلامهم واحباطهم كل الحجي قطيه ورا ظهرج وواصلي وكملي
بالعكس خلي احباطاتهم لج حافز عشان تتشجعين وتكسرين كلامهم

الله يوفقج ان شاءالله

 

[عاشقة الككاو]

ربي يرزقج ويوفقج

 

[Zinab BH]

اللي انتي تبينه و بقرارة نفسج تحبينه و حلمج سوويه لان محد بيعيش هالحلم غيرج و محد بيشتغل غيرج عادي اكا الدكاترة عايشين و الصيدلانيات عايشين يعله حلمج ابلة موسيقى صيري ابلة موسيقى وماعليج من كلام الناس اهم شي انتي تحبين هالشي و مرتاحة منه وخلاص ماعليج من كلام احد مستقبلج و حلمج انتي اللي تحددينه مو فلانة و علانة استفيدي من خبراتهم اي اما يحددون لج لا

 

[مو صج ~]

الله يريح قلوبكم مثل ماريحتو قلبي

ان شاء الله انقبل بريطانيا صيدله وراح اكمل ماستر فيه يارب دعواتكم

 

[جوري الصالح]

شــــكو بكـــــلام النــــاس...؟ ؟
علــــــيج بنــــفسج ومستــقبلج
ومصـــــلحتج بس تكــونين مقتنــعة

 

[تحت ظلك]

حبيبتي انا اعرف دكتوره
صكت ال 37 ويالها نصيبها وتزوجت وماشاءالله متهنيه وسعيده بحياتها الله يتمم عليها

ترى اللي يكسرون مجاديفج اليوم ويحبطونج
اول ناس راح ترتز عندج لم توصلين للمنصب اللي تبينه

لايغرج كلامهم واحباطهم كل الحجي قطيه ورا ظهرج وواصلي وكملي
بالعكس خلي احباطاتهم لج حافز عشان تتشجعين وتكسرين كلامهم

الله يوفقج ان شاءالله

أتفق معاها :d

 

[عيوني شقااقيه..]

اول شي لااااا تسمعييين كلااام احد
حبيبتي انتي غيييييير والناااس اللي تقوول غير
انتي غير بتفكيرج وطموحج الناس تشوف من ناحية تفكييرها فقط

هالناس اللي تتكلم اهي ماتعرف توفق وتوازن " يعني يتكلمون من ناحية شخصيتهم وحيلتهم اهما مو انتي "
انتي لا تسمعين لهم

وبعدين في احد حاااصله درااسة طب من صجج ؟ اذا انتي شاطره وحابه هالمجال لا تسمعيين لاحد

لا تقولين طبيبه واكيييد بكون عااانس

ليش كل الدكتورات ماتزوجو ؟؟ ماشالله متزوجات وعايشات احلا عيشه
وفي بنات والله لا شهاده ولا زواج
مو معناته بتقعدين ببيت اهلج اذا صرتي طبيبه
هذا نصيييييييييييب

وهمن الصيدله تخصص قووووي وحلوو بنفس الوقت


اما من ناحية العممر
٢٥ صغيييره مو كبيييره وهمن ٢٧
وبعدين ماتدرين يمكن تتزوجين عقب شهر 
مثل ما قلتلج هذا نصيب

وعن التعب ، قوليلي بالله منو اللي مايشتكي من الشغل
والله ثم والله اعرف وحده تقوووول اووووف الشغل متععععب ، قلت ليش انتي اداريه يعني مرتاحه ، قالت ايه بس قاااعده مااشتغل تعبت من القعده !!!!!!! تخييلي

وعن التوازن بين الوظيفه والبيت والزوج ، هذا شطاره منج وبتدبيرج وتقسيمج لنفسج
واسإلي الله البركه بالزوج والدراسه والوقت والذريه والوظيفه وكل شي

كثرت بالحجي ههههههه
عسى ربي يكتب لج الخير ويوفقج بدراستج مهما كان اي تخصص ويرزقج بالزوج الصالح*

معاااااج بكل شي صاجه والله اعرف وحده من اهلنا ميييييته تبي طب بس اهلها مو راضين يبونها تدش تخصص ثاني انا اقول مالج شغل باحد ودشي المجال اللي تبينه محد بينفعج غير شهادتج

 

[مشاعر مندفعة]

يعني الحين كل الطبيبات عوانس ؟؟؟؟ حبيبتي النصيب من الله مو من الجامعة

 

[عادت ذكرياتي]

دخلي المجال اللي تبينه وادعي واستخيري


الله يوفقج يا رب ^-*

 

[Beauty paradise]

هههههه اللي تصير 27 محد يبيها ومراح تتزوج عفوا هل تملكون مفاتيح الغيب ولا التحكم بالقدر؟؟ هاذا عيب المجتمع الرجعي المتخلف حطوا لكل شي عمر محدد واللي تعدي هالعمر تكون معقده ومنبوذه ... لو كانت جميع الامم تفكر بهالطريقه جان لي الحين نركب جمال ونسكن الخيام وعلى الدنيا السلام .. العلم والتعلم عمره ماكان بالعمر وطموحج لو كان على اعلى الجبال لازم تكافحين وتوصلين له .. وكلام الفاشلين المتخلفين دوسي عليه وواصلي طريقج وصعدي سلم الرقي والنجاح .. بنت عمرها ما تعدى 25 وشغلها الشاغل الزواج وبعدين تزوجتي وبعدين ؟؟ سويتي عرس وبعدين ؟؟صرتي احلى عروس واجمل الجميلات والكل حسدج وبعدين؟؟ سافرتي ورحتي ورديتي وبعدين؟؟ يبتي درزن يهال وبعدين؟؟ هاذا طموحج بالحياه؟؟

بقلبي وايد وايد كلام بهالموضوع

 

[فتوشه كويتيه]

يالغاليه اكثر شي قهرني تدرين شنووووو؟؟ انج غيرتي رايج مرتين بسبه كلام الناس
شكووووو تخلين ناس يكسرون طموحج وحلمج؟؟؟؟ اللي قالج كلام يبي يخرب عليج ومايبيج توصلين لحلمج علشان جذي يصعبونها
ولا اللي صارو ووصلو والدكاتره والصيدلانيين مو مرتاحين ولا مستانسين ولا راضيين يعني؟؟؟

لالالالا فكري مره ثانيه وشوفي حلمج شنو وشنو اللي حابته توكلي على الله وامشي بحلمج قوووو هيد

 

[سمو ذاااتي]

غلطانه حبيبتي

لا تسمعين كلام احد ودرسي المجال اللي انتي حابته بغض النظر شنو مصاعبه او عيوبه لانج راح تتجاوزين كل شي طالما هالشي طموحج وهدفج

وبالنسبه لزواج هذا نصيب ماله شغل شنو شهادتج انا خريجة حقوق ونفسي الحجي اول مادخلت الكليه انقال لي وكاني تخرجت و متزوجه بعدي عن كلام

الناس وترتاحين تري الفشل اهم قاعده له انج تسمعين كلام الناس وترضينهم

الله يوفقج

 

[مو صج ~]

يعطيكم العافيه الحين طموحي صيدله والله خاطري خلاص لانه ماكو امل

 

[modern]

ادرسي طب و قوّي قلبك و لا يهمك شي
و بالنسبة للزواج كل شي بوقته حلو

 

[مو صج ~]

مشكورين

 

[مـرايـم]

شوفي عزيزتي بقولج شي لا تتنازلين عن حلمج واجهي الكل روحي ودرسي طب
استخيري اول شوفي شنو اللي فيه الخير و الصالح لج بالأول والأخير هذي حياتج انتي ..
انتي اللي بتدرسين وو شعليج من كلام الناس إن قالولج زواج و مستقبل ومن هالكلام
ترا كل شي نصيب بالهدنيا النصيب مكتوب وو الرزق مقسوم
فكري مع نفسج شوي
*

 

[Um Tuki]

بالعقـــــــــــــــــــل ... !!!

الحين كل الدكاترة مو متزوجات يعني ؟؟

بالعكس الا الرياييل يدورونهم دوارة ..

و امنيتهم انها توافق ..

شعليج من الناس المحترة اللي ماتبيج تكونين احسن منهم

صيري دكتورة بلا صيدلية بلا خرابيط ..

الله يوفقج

 

[طموح دائم]

طالما تفكيرج يتغير حسب كلام الناس عز الله مارتحتي طول حياتج خليج مؤمنه باللي تبينه اهم شي رغبتج لان الرغبه تحدد مدي صبرج علي الشء يعني اذا انتي تحبين شغله معينه راح تبدعين فيها وتصبرين عليها وتتحملينها اما اذا كارهتها والله لو انه شنو ماراح تستمرين عليها وبعدين ياحبيبتي الزواج قسمه ونصيب منو قالج الوحده بيتعطل نصيبها لا درست بنات الدنيا قاعدين ببيوتهم سنين مامشي نصيبهم لان رب العالمين ماشاء هالشء تعوذي من الشيطان وخليج بطله وحققي طموحج اللي انتي تبينه وبس مالج شغل بأحد

 

[غير كل الناس]

اي شخص ينتقد فهو حاسد توكلي علي الله وموفقه انشالله

 

[زوجة حياتي]

الدراسة مالها شغل بالزواج الزواج نصيب انا ماتزوجا إلا بعد ماخديت البكالريوس لا تحاتين سوي الي تبينه واهتمي بدراستج والمكتوب مكتوب