الله يرزقها مفاجأه سااااااره وقبل رمضان_اللي تساعدني على اني اتغيررررر

[Lavita]

ادعي يوميا هذه الدعوة : اللهم لا تجعل قلبي معلقا بأي احد من خلقك

واشغلي وقت فراغك بأي شيء تحبيه : )

 

[a7lami_]

كل مره حسيتي انك بتتصلين فيها او تتعلقين فيها تذكري انها مشغوله عنك وانها تتضايق من اهتمامك,, هالشي اتوقع بيخليك شوي تفكرين ان لازم انتي بعد تكونين مشغوله عنها..
واشغلي نفسك باي شي تحبينه,, ادخلي نت,, اقري قرآن,,

سجلي دورات تجميل اي شي وتعرفي ع بنات جدد تنشغلين معهم.. ترى انتي من الفراغ ولان ماتعرفين غيرها, لو تعرفين غيرها انشغلتي عنها وماوصلتي لهالحاله..

 

[جوري الصالح]

حـــــــاولي تقللين اكـــــــثر

اسبــــــوع ... أســــــــبوعين


شــــــهر ... شــــــــــهرين

قللي اهتمامج:rerrerek:

 

[فتوشه كويتيه]

حبيبتي اهيه قبل كانت تهتم فيج لانها كانت مثلج مالها احد ومالكم غير بعض بس اهي تزوجت يعني صار في من يشغلها عنج وياخذ كل وقتها وماعاد لج مكان بجدولها وانتي ظليتي بروحج
انتي بعد لازم تعرفين انه بيي يوم اللي تصيرلج حياتج اللي تشغلج عن الناس الله يرزقج الزوج الصالح والذريه الصالحه
انتي الحين اهم شي شغلي وقتج بشي تحبينه وقوي نفسج فيه درسي او اشتغلي او حتى دشي دورات كمبيوتر تعلمي لغه ودشي النت اقري كتب مفيده ثقفي نفسج
والجزء الاهم تقربي من ربج اكثر واكثر وادعيله ليل ونهار بكل سجود ادعيله باللي تبينه والله ما يجيب ظن عبده فيه وبعد كل ظيقه فرج
حطي ببالج قبل كنا حيل مع بعض بس هالشي تغير ومستحيل يرجع ليش انا اتعب نفسي واعطي اهتمامي وتفكيري لوحده ما تفكر فيني حتى ولاهيه بحياتها انا لازم بعد الهى بحياتي واسوي شي احبه وبنفس الوقت يرضي ربي
الله يسعدج

 

[rose-blanche]

بقولج شيء ياقلبي نصيحة مني لج اهم شيء اهم شيء انج تسوين صديقات ترى الدنيا نفس مافيها الشين فيها الزين تقدرين تحصلين بنات صديقات يكونون اقرب لج حتى من اختج خوات دنيا يعني تطلعين معاهم تسوين شوبينغ معاهم تروحين السوق او قهوه او ممشى ويا بعض ييون عندج تروحين لهم لا تربطي نفسج بصديقة وحده لان هم هي مسكينه صارت لها حياتها الخاصة وانت بعد ان شاءالله ربك رح يرزقج وتصرين عندج حياتك الخاصه وزوج وعيال فلا تحاتين ياقلبي هذي حاله ورح تعدي ان شاءالله ورح يصيرون عندج بدل الصديقه الف ومارح تلاقين وقت حتى تكلمينا على المنتدى ههههه

 

[MoonDiamond]

اشغلي وقتك عنها
ولازم تعذرينها بعد لان عندها التزامات وزوج وعيال
ولاتلومينها
انا بعد الزواج انقطعت عن صديقاتي وصرنا نتواصل بالشهر مره
ونستانس مع بعض احلى وناسه
وبعدين الكل ينشغل في حياته

هذي الدنيا ماااتدوم لاحد

اشغلي وقتك وعيشي لنفسك ولاتقطعين عنها
مهما كان هذي صديقتك 10 سنين مو شويه

وعندي نصيحه للكل
دايما اقول للوحد


حبي نفسك ودلليلها