الله يرزقها الي ترد علي ويحرم وجهها النار ،، الحفر الي بويهي- صورة

[Miss--dndn]

صحح انا سمعت مدححححح الديرما رول حق الحفر
واذا تبين دكتور شاطر اكيد عيسى بشور شاطر شاطر

واتمني افيدج

 

[فخآمه]

حبيبتي .. اليوم سمعت دكتور على قنآة سكوب
يقول .. الحفر اللي بالوجه بسبب حب الشبآب
بالأمكآن علآجهآ وبسيطه جداً..

الحل بيكون في حاجتين .. الحآجه الأولى
ذكرهآ الدكتور .. والحآجه الثانيه من عندي ..

الأولى: يقول الدكتور ان التقشير يسآعد على
التخلص منهآ.. يعني روحي لدكتورة بشره
اذآ ماتقدرين على الليزر.. ووقولي ابي كريم
تقشير منآسب لبشرتي وفعال ..
وتسوينه مره في الأسبوع لآتكثرين ولآتقللين

لم تقشرين بشرتك انتي بتشيلين طبقه من الجلد
الخارجي .. وبالتالي انتي قللتي من نسبة الحفر
في وجهك .. وكل مانزعتي طبقه كل ماجت خلآيا
جديده سليمه على البشره .. وبعد فترة بتلقينها
بدأت تخف بشكل ملحوظ .. الى ان تختفي نهائي.


.. الثآنيه : عليك بكريم خطييير .. ومن مميزآته
يعبي البشري ويحييهآ من جديد .. وتقريباً
سعره عندكم بالكويت بحدود 5 دينار مدري عاد اذآ غلآ ..
بس سعرة منآآٍسب ..وهالكريم يستخدمونه
في علآج التجآعيد وهي اصعب شي ..فمابالك
بحفر بسيطه ..

انآ ابيك كل ليله قبل تنآمين تنظفين بشرتك
وتحطين هالكريم وتنآمين ..
ومره تقشير كل اسبوع.. خليه كورس
عنآيه لك .. وصدقيني رآح تلآحظين الفرق
بس يبيلك طولت بال شوي..بس النتائج تستآهل


وانصحك بهالكريم ..وهو كونتر اكتيوبكس اللي ذكرته حلآتي بخلطاتي
جداً رائع لتشققات البشره

وما ابي منك الآ دعوة صآآدقه ان الله يرزقني
بالزوج الصااالح عاجل غير آآجل

 

[سكرة هانم]

موسى سلامة جبر
دلال التركيت

اعرف وحده تعالجت عند دلال وبها صار منظرة تبارك الرحمن وكان يخررررررررررع بس لما تركت العلاج رد بشكل بسييييط
يقولون الندب ترد مادي انتي روحي الدتكور وجربي

 

[MaryaBM]

حبي روحي دكتوره جلدية
او جربي الديرما رول !
و اذا بغيتي تتمكيجين بتلاقين من ماكة بينفت بس سيلكون يعبي الحفر ع اساس اذا حطيتي الفاونديشن يكون الوية متساوي وماتبين الحفر
وانشاءالله تروح الحفر

 

[LoLaTi]

انا بشرتي العن من بشرتج من بديت احف ويهي بالخيط والشمع صار فيه حبوب ومسامات وحفر وزدت الطين بله وسويت ليزر وزاااادو تهئ تهئئئ تهئئئئ :eh_s(16):

 

[مو صج ~]

نفس المشكله بس صدمني الرد الي فوقي ان الحف والشمع يزيدون الحفر ياربي شالحل

 

[الحلم المفقوود]

استخدمي روكتاين والله يشفيك حبوبه

 

[مصممهــ]

اب اب

 

[ذات الهمة العالية]

للرفع

 

[أميرة-]

يمكن التقشير ينفع بس لا تسوين تقشير بنفسج لازم تراجعين عند دكتور

 

[atc666]

ديرما رولر ماغيرة ولا تروحين تسوين تقشير ولا فراكسل تهري بشرتج وماتستفيدين اخذي ديرما رولر طلبيه من امازون وطلبي معاه فيتامين سي بيور نقي 100 بالمية او هيدروليك اسيد بيور نقي 100 بالميه واخذي والديرما رولر يكون حجم الابرة 1,5 وكرري الجلسه حق روحج مرتين بالاسبوع وشوفي النتايج تبين من اول جلسه واذا ما تعرفين تطلبين من النت في بنات يبيعونه على الانستقرام ومو شرط فيتامين سي والهيدروليك اسيد بس اذا حصلتيهم افضل واذا ماحصلتي ممكن تشترين اي منتج نظيف يكون فيه فيتامين سي او تاخذين حبوب فيتامين سي تضربينهم ويصيرون من البودر وتزيدينهم ماي نتفه وتحطينهم على بشرتج

 

[فرس بيضا]

يارب نلقا حل لها لحفر اللي تضيق الخلق
بس استأنست أن في حل مؤقت اللي ذكرته الأخت
من ماركة بينفت بدوره بسيفورا يارب يكون موجود
منظر الحفر يخرب الوجه مهما كان الميكب حلو :eh_s(11):

 

[فرس بيضا]

منو سمعت عن حقن البلازما ؟؟؟
أتذكر الدكتوره كلمتني عنها بس خفت
تقول تخفف من الحفر

 

[Sarouni-]

ليزر الفراااكسل عجيييييب
يصفي الويه حتى التجاعيد و الخطوط تروح
صج فيه عوار الليزر بس من اول جلسه بتلاحظين الفرق
الجلسات كلها على بعضها 6
الويه اول جم يوم بحدود ال5 ايام يورم و يحمر و يتقشر
شوفي التجارب و دشي يوتيوب شوفي الطريقه
و انشالله البنات ما يقصرون معاج

 

[كهرمانة]

انا مثلج عانيت من الحفر بعد ماعالجت حب الشباب بالرواكتين سوا بويهي حفر لانه نشف الحبوب وخلا مكانها حفر رحت لعيادة علاج كلينك (دلال التركيت) عطتني كريم غالي ب 70 د تقريبا مع أكرتين بس ماستفدت


بعدين رحت للدكتورة مريم الجاسم عطتني جل اسمه ( scar) سكار بس احطه على الحفرة
صار لي الحين تقريبا 6 شهور استخدمه
مع كريم اكرتين رقم 5 يقشر بس مو يوميا لانه يقشر حيل ويحسس الويه فيوم وترك او مرتين في الاسبوع
ولما رحت الصيدلية عطتني تونيك قالت لازم تستخدمينه كل يوم مرتين يساعد في تسكير المسام

النتيجة خفت الحفر شوي يعني 30% تقريبا
بس ودي بشي يروحها بسرعة لاني طولت بالعلاجوالنتيجة بسيطة

 

[فجرر]

^

الله يشفيككك خيتوووووووووووووووووووو


اكلي حبوب زيت كبد الحوت كم شهر يعني 3 الى-6 وشوفي بعدهااا شلون تروح الحفر بإذن الله

 

[سندس 90]

اب اب وماتشوفين شر ولله يفرج همج ويبلغج بالبشره اللي ببالج