الله يخلييييييييييييييكم ساعدوني

[ai shai]

بنات هذا نك رفيجتي انا متوهقه ومو عارفه شنو اسوي وقالت لي رفيجتي حطي موضوعج
بالمنتدى لان عندكم خبرة بالحياة , انا مو عارفه من وين ابتدي بحاول اختصر الموضوع
والله عندها نصيحه خل تنصح والي تبي تخانق رجاءا مو وقته لان طاح الفاس بالراس
انا متزوجة من 3 سنين وعندي بنتين وعايشه حياة عادية مع زوجي , قبل فترة كنت طالعه
السوق وتحرش واحد وكلمته وبديت علاقتي معاه كانت عادية بالبدايه ومع الايام تطورت وقمت
اطلع معاه صرت احبببببببببببه حيل تعلقت فيه وعلاقتي مع زوجي صارت كله مشاكل لان ماحبه
وامس نسيت فوني بالصالة ورحت اخذ شاور لما طلعت لقيت زوجي ماسك فوني ويطالعني قلت
شفيك جان يمسكني ويطقني طق ويصارخ ويتفل علي وطردني من الشقة كنت باخذ بناتي مارضا
قط علي السويج وخلاني البس ملابسي وطقني ودزني على الدرج طحت وقمت ابجي قلت له اسفه والله قص علي الشيطان وقمت اترجاه وقام يطقني يطقني حيللللللللل قالي ما عندج بنات وقال كلام وصخ , وانا بيت اهلي الحين وزوجي من امس معاه فوني خايفه مادري شنو اسوي والي مخليني ما انام انه مادق على ابوي ولا كلم امي واخواني وتليفوني معاااااااااه بنات شنو اسوي انا تبت والله تبتتتتتتتتتتتتتتت خلاص مابي اسوي شي والله خايفه اترجااااااااكم ساعدوني ابي بناتي

 

[ام فواازي]

الله يستر عليج
توج حسيتي بكبر المعصيه اللي كنتي تسوينها حسبالج هذاك يحبج ويبيج لا شافج صيده سهله وبين لج وجهه الحلو ولسانه الحلو وتغزل فيج وفعلا قدر يجيب راسج وياخذ اللي يبيه والحين بيقطج قطة الجلب
متزوجه وعندج بيت وبنات وبنعمه رفستيها شذنبهم بناتج و شذنب امج وابوج
نطري زوجج شبيسوي لان ماتقدرين تسوين شي غير الدعاء
زوجج ماراح يتكلم فيج عند احد بس مو عشانج لا عشان بناته انتي امهم وسمعتهم من سمعتج بس يمكن يعلم اهلج ويمكن يسامحج هم عشان بناته ولا انتي الحين كارهج قبل لا يئشوف بلاويج كنتي بمشاكل ومأذيته وتالي عرف بخيانتج ادعي ربج ان مايعرف انج تطلعين معاه وان اللي بينج وبين هالولد فون وبس
سؤال فونج شنو فيه بالضبط؟

 

[لمى الهاجري]

اللي الله كاتبه بيصير

 

[لوفيه]

ماتستحين والله لو ذابحج مو بس طاقج

وعسا بناتج ما يطلعون مثلج اعوذ بالله

يارب لاتبلينا واستر علينا وعلى بنات المسلمين

انطقي ببيت ابوج اصلا حتى لو ردج

لو تمررر سنييييييين انتي بنظره خااااااينه

وبحياته ماراح يثق فيج

استغفرلله يارب لا تخفس فينا

 

[*^ *الليليم]

ماادري شقوووول


بس اذا صج تبتي ادعي ربج وقت الفير

الحمدلله ع نعمه العقل ماادري شبصير فينا اذا ناس كبار و متزوجين هذي حياتهم

 

[Perfume]

ما ينلام والله
الخيانة مالها أي عذر من الطرفين
بس من المرة تصير اكبر لانه راس مالها سمعتها
حياتج كانت عادية وانتي اختلقتي المشاكل لما عرفتي هذاك
مالج الا الصبر والدعاء ان شاء الله ما يطلقج عشان البنات حتى لو يتزوج عليج
واذا طلقج ان شاء الله ما يحرمج من بناتج
الله يهداج ما فكرتي انه هالشي حراام ومعصية

 

[كنوشة 2009]

الله يستر عليج
تبين الصج تستهالين اللي سواه فيج

 

[ديما..]

مابني على يباطل فهو باطل
شنو فايدة المغازل تغازلين عشان تخسرين ريلج وبناتج توج تحسين
الله يهديج ويستر عليج

 

[ماني من الناس]

حبل الجذب قصير

وحبل الخيانه قصير

واللي صار هذا الشي الطبيعي انه يصير انه يتركج

فماشوف وين المشكله

 

[أجمل إنسـآنـه ~]

تبتي عقب شنو ,,! قولي خفتي!,

المهم الله يفرج همج يارب ويصلح امورج ,~!

 

[zo'3aaa]

مادري بنات

لو المرا قايله ان ريلها الخاين ماكانت هاذي ردودكم بتقولون تصبري وسامحيه وانشالله على ايدج ينصلح و ذكريه ان حرام وادعيله بالهدايه صح؟

ترى عقاب المرا والريال عن الخيانه والزنا واحد بس ليش بالواقع تصنفون خيانة المراه مصيبه وخيانة الرجل " قص عليه الشيطان "

اهيا غلطت اي الي صار لها تستاهله اي بس .. خلاص اللوم مامنه فود .. تبي حل مثل ماتحلون مشكلة الريال الخاين حلو مشكلة المراه الخاينه ..

غلطت وعرفت غلطها ..

حبيبتي مالج الا الدعاااااااااء ان الله يستر عليج وان الله يهديه وقولي حق الصبي يسكت ولا يقول انه كان يطلع معاج .. ولاتكلمينه عقب وخليه عنج وحاولي تدعين ان الله يردج لريلج رد حسن ..بس صدقيني ماراح تعيشين مرتاحه لانه راح ينظر لج نظرة الخاينه لمن يزهقج ترا المراه تنسى وتسامح بس الرجل حقوود بهلامور ..

اذا حسيتي انه لان قوليله والله مابي تلفوون ولا ابي اطلع الا معاك ولا ابي شي غير حياتي وانا ندمانه اذا كنتي ماتصلين صلي لان اتوقع خيانتج قلة وازع ديني واكيد ماتصلين صلي .. وقوليله والله توووبتي لربي قبل لاتكون لك .. وراح تشوف فلانه ثانيه .. افتح معاي صفحه يديده واخيره .. اذا مو علشاني علشان عيالي ... وماراح تشوف مني الا كل خير .. وباسلوووبج .. حاولي تردينه

وتوووووووووووبي لان الخيانه ونظرتج للغير زنى حتى لو مانمتي معاه اللسان يزني والعين تزني والاذن تزني ..

طهري نفسج وطهري حياتج ..

اذا ريلج من النوع الطيب بيحاول يتناقش ويفتح لج باب العتب والعتب بداية السماح
بس اذا ما عاتب ولا سوا شي فا معناته ماخذ التلفون عنده علشان يثبت بالمحكمه انج خاينه وماتستحقين عيالج .. والخ الخ الخ
وانشالله مو جذي يارب وانشالله يفتح باب حوار بينكم

الله يهديكم ويهدي سركم ​

 

[انا لها شمس]

مامداااااج تبتي
بس هذا رد فعل طبيعي لانه صادج
مابيدج اااااي حل ولا اي تصرف
بس شنو غبااااااااائج اللي خلاج تنسين فونج بالصاله واكيد مليان بلاوي ولا جان ماخفتي جذي
ان شالله مافي شغلات وصخه ولا مواعيد لانه شي اهون من شي وصراحه انا اركز ع هالنقطع عشان زوجج مو عشانج
لان حرام شلون راح ينصدم فيج اكثر واكثر
بس نصيحه لاتردين له وخلي يطلقج لان الثقه صعببببببب ترد الحين

 

[أجمل إنسـآنـه ~]

zo'3aaa

حبوبه لأنج عارفه المجتمع كيف يحكم ع المره وكأنج عايشه باوربا انتي ولأ كانج بالخليج,!,!>< تدرين ان نظره مجتمعنا للمره غير عن الرجل,,,!!><؛

 

[zo'3aaa]

عارفا النظره والنظره غلط ... لازم الواحد يتعامل بشرع والدين وبالدين العقاب واحد فا لازم النظره تتغير والعقول تتفتح تحاسبون المرا نفس الريال .. مثل ما الريال عنده شيطان يقص عليه حتى المراه عندها شيطان يقص عليها ... لوو انتوا تقتنعون بهلفكر راح يقتنعون عيالكم و تتفتح العقول شوي شوي .. ما اقول تقتنعون ان الخيانه مقبوله بس لازم تقتنعون انها مو مقبوله من الطرفين وبالحالتين السالفه مصيبه وحرام .. مو الريال والله غلط وتاب والمراه غلطها يوديها ورا الشمس بالدنيا قبل الاخره !!
انا هذا تفكيري

 

[zo'3aaa]

ولازم الرياال لمن تكتشف مرته ان فيه ميووول للخيانه تخرعه وتقوله ان خنتني راح اخونك ولا تحاسبني على كلامي دامك واثق من نفسك انك منت خايني .. بس مثل ما تاذيني راح ااذيك ...

خل يستريحون دايما التهديد منهم والخوف منهم واهما منزهين لازم يحسون ان كما تدين تدان مو كما تدين نقبل ونسامح

طبعا احنا مالنا الا الحجي ولا احنا خوافين ومانسوي مثل مايسوون بس والله نظرة المجتمع والخوووف صاار بزياده والرياييل كل مالهم واهما مايخااافون وضامنين ان الحريم يسامحووون ويسامحووون ويصبرون ليش ما الصبر ايكون منهم والسماح ايي منهم ..

الغلط واااااااااااحد للمراه والرجل

 

[كريستال]

لاحول ولاقوة الا بالله

كاسرين خاطري بناتج وريلج


اتجهي لله سبحانه وتوبي من اللي سويتيه توبه نصوحه

الاعتراف بالغلط هو اول شي صح بتسوينه وبعدين التوبه والله يستر عليج وعلى بنات المسلمين

 

[غلا-زوجي]

الله يستر عليج ويهديكم ويصلح اموركم

 

[مني يغارون]

لاحول ولا قوة الا بالله
والله الغلط راكبك من راسك لين رجولك
مدري وش اقول لك بس مااظن انك تقدرين تسوين شي بعد اللي سويتيه
المهم توبتك تكون صااااااااااااااااااااااااااااادقه لوجه الله مو لانك خفتي واذا زال الخوف بترجعين تلعبين بذيلك
خافي ربك واستري نفسك ولا تتبعين هواك ماضيعك الا انك ضعيفة قدام رغباتك ونزواتك
لو كنتي حاطه ربك قدام عينك ثم بناتك المساكين كان ماسويتيها
لكن الله يهديك ويستر عليك بس
​

 

[القصيدة]

السلام عليكم و رحمة الله و بركاته

الله يستر عليك و يفرّج همّك :eh_s(17):

أكثري من الدعـــــــــــــــاء و توبي توبة صادقة و بإذن الله ربّي راح يفرّج لك

على فكرة زوجك ساكت لأنه غالباً يبغى يعرف إلى أي حدّ علاقتك بالشخص الثاني و على أساسها يقرّر مصير علاقتكم
​

 

[Patcholli]

للاسف بعض الحريم وبشكل كبير مستسهلين هالامر مايدرون انه زنى ..!! اتوقع يدرون بس هم مو هامهم

حبيبتي انتي غلطتي ولازم تتحملين نتيجة غلطتج انتي على ذمة ريال مو على ذمة جنس الي مستغربه انه طقج وقالج كلام وصخ ..!!
زين ماذبحج اصلا ..!!
ومامداج تبتي حبيبتي اتوقع انج خايفه من ريلج ومن الفضيحه مو اكثر