الله يخليكم من صار لها نفسي.. الجنين بدون نبض في الاسبوع السادس

[# غنوجة بيبي #]

الله يثبته و تسمعين نبضه
و تفرحين فيه بحضنج

 

[سمراء كالخمري]

حبيبتي عادي نطري شوي ساعات يكوون حمل متاخر مايبين النبض بالسابع انا جذي بيين بالسبوع التاسع تخيلي سبحان الله وبالسادس والسابع كااان صغير ماتشوووفه ولا تسمع نبض كلششش نظطري لين الاسبوع ال10 اذا ماسمعتي نبض راجعي دكتورتج لا تستعيليييين حبيبتي

 

[hart-k]

بالسابع بس شفت كيس الحمل و بالثامن بين النبض
لا تشيلين هم

 

[Shop Girl]

عادي انا نفس الشي وخفت
بس بين بالأسبوع السابع
والحين هذي هي بنوتي جمبي

 

[خليجيه وافتخررر]

حبيبيتي انا قبل حملت ومابين معاي اي نبض وما. كبر حجم الجنين وبعدين حسيت بعوار عقب ما دخلت الشهر الرابع
نزل معاي دم خفيف
ورحت سويت سونار مستعجل وتبين ان الجنين ميت له شهرين
وقالو عمليه والله واطلت ودعيت ربي ان ينزل
وشربت ماي زمزم
والله صليت الفجر مافيني شي
وعقب الساعه 8 الصبح بدي الطلق ونزلته وانا بالسياره مع اخوي ومسكين ياخوي
ههههههه ورح الصباح وسويت تنظيفات
سوي سونار راح يبين كل شي

 

[مروووم]

حبيبتي انا صار فيني جذيه ونطرت اسبوعين بعد ورحت وطلع نفس النتيجه ما كبر وطلع ميت واهي خيره سبحان الله والحمدالله بعد 4 شهور حملت لا تحاتين انتي نطري بعد اسبوعين وشوفي شنو يقولون اذا نفس ما اهو الله يعوضج بغيره ان شاءالله ويكون بصحه وعافيه ياااااا رب

 

[$قطوه$]

انا رحت اسوي سونار في السادس وما بين النبض وحيييل تضايقت قالت تعالي بعد اسبوعين ولما رحت بالسابع بين النبض الحمد لله

اختي صبري وان شاء الله تسمعين النبض وتشوفين ضنااج سليم .

 

[تويكس]

الحمدلله على كل حال
مارحت لدكتورة ثانية ولا كلت شي بس نزل من نفسه
قلت بعد ما انظف بروح اسوي تلفزيون

 

[bubble.gum]

نطري علييه ولا تسوين ولا شي سبحانه الله الجنين اذا مات لا سمح الله بروحه الجسم يرفضه وينزل نصيحه لا تاخذين لا ادويه ولا تخلين هالدكاتره يقصون عليج .. اذا الله كاتب راح يظل يمكن اهوه حاسبلج غلط ..

 

[توتهـ]

حبيبتي حمدالله علي سلامتج و خيره لج انشالله

 

[نجمة فجر]

لاتحاتين
انا بالاسبوه السابع مافي لا جنين ولا نبض وربج رحيم
قالت لي كيس فاضي
بالاسبوع التاسع بين
لان الحمل كان متاخر

 

[غرام القمة]

كثري استغفار وباذن الله نبض تو الناس