الله يخليكم من صار لها نفسي.. الجنين بدون نبض في الاسبوع السادس

[تويكس]

انا رحت للدكتور في الاسبوع السادس قالي حجم الجنين صغير وماسنيمع النبض تعالي بعد أسبوع لازم يكون النبض واضح 100% لما رحت امس قالي الحجم نفس ماهو ماكبر ولا فيه نبض
قلته شنو يعني مات قال اي انتظري ينزل خلال اسبوعين او روحي المستشفى الولادة لانه هو خاص مايولد
الحين شنو أسوي مافيني نزيف ولا اي اعراض ولا الم

الله يخليكم ردوا علي :eh_s(16):

 

[زين ودلال]

نطري اسبوع اذا مانزل راجعي

الله يكتبلج اللي فيه الخير يارب

 

[توتهـ]

حبيبتي انا في حملي هذا بالاسبوع الخامس ماكان فيه نبض لم رحت الطبيب خرعتني قالت مافي نبض روحي وتعالي بعد اسبوع
او اسبوعين ماذكر بس اعتقد تو النااس نطري شوي توا صغير بالاسبوع السابع يمكن يبين
لاتستعجلين ارتاحي وادعي ربج توا صغير لاتحاتين

 

[توتهـ]

بين النبض معاي بالاسبوع السابع

 

[M!SS.LOBY]

صبري حبيتي وأدعي ربج يثبته

 

[orchidia]

انا شفت الجنين بالسابع والنبض ما سمعته الا بالتاسع

نطري حبيبتي

والله يثبته

 

[رووو الروح وووح]

ياما سمعت حريم نفس سالفتج
ولابين النبض الا بالشهر الثالث
انتي سوي تحليل الحمل الهرموني
وبعدها بيومين سويه بعد اذا النسبه
ارتفعت يعني عايش واذا لا في عشبه
بالحواج تاكلينها اذا الجنين حي يرتفع
واذا ميت ينزل بس والله مااعرف شنو اسمها
وعسا ربي يفرح قلبج

 

[كنوستي]

صاجة اتذكرلج اسم العشبة وابلغج بس ترى مو شرط مات شكثر اعرف ما سمعوا نبض الجنين بالسادس وبعدين كبر وسمعوه ادعي واهم شي لا تتعبثين بروحج بالمستشفيات اذا مات راح ينزل بروحه واذا الله كاتبله يعيش ماراح ينزل والله يكتبلج اللي فيه الخير

 

[بــنـ زايد ــت]

أنا خوفوني نفسج حتى مثبتات الحمل بالولي وقفيها بس لما رحت بعد اسبوع سمعت النبض الحمد لله

 

[مس ^_^ تكانه]

نطري اسبوعين لا تستعجلين

واللي الله كاتبه بيصير لا تحاتين

والعشبه اسمها القشعه او الشجره تنفع ماتضر

اذا حي ماراح تاثر واذا ميت تنزله، انا اكلتها قبل امس ونزل ته الحمدالله على كل حال

 

[M!Ss Smart]

ذكرتيني بسالفه اخت رفيجتي نفسج بضبط ونطرت اسبوع وبين النبض دربالج توقفين الحبوب والفيتامينات استمري مني ليما تطمنين والله يثبته لج يارب حاسه فيييييج

 

[قـــمـــرهم]

اكرهههه هالاطباء

اختي لاتستعجلين انطري وادعي

ان شاء الله وضعج اوكي والبيبي عايش باذن الله

انا جذي اول ماحملت قالتلي الدكتوره خطر خطر
حمل خارج رحم !!!
وقفت قلبي
بغيت ابجي عندهااا

والمشكله كل التحاليل سليمه

ومسكتني وتحوس فيني من غرفه لي غرفه وانا وراها متخرعه حدي

اخر شي نحشت وخليتها
طلعت اركض جني مسويه جريمه!!

ونطرت اسبوعين ورحت لطبيب ثاني وكل شي طلع اوكي

اللهم لك الحمد

انتي انطري لاتستعجلين

 

[ام الحلوااات]

نــــطــــررري اســـبــــوووعــــيـــن وعـــيــــدي الـــســـونــــااار
واللـــــه يـــثــــبــت حـــمـــلـــــج يـــاااارب

 

[RoDriGueziYa]

صار لي نفسج باللاسبوع السادس ما بين النبض ونطرت اسبوعين ونفس الحجم وماكو نبض! قالت لي ميت كل من قالي نطري واهيا تقولي مو زين تنطرين! سويت تحلبل هرمون وعقبها بيومين سويت ثاني ومن فرق النتيجه بين التحليلبن يبين! اذا زاد يعني ينمووو الجنين اذا يقل يعني ميت

وفعلا كات ميت وما الله كتب له يعيش! ومن ححي الناس نطرت بعد اسبوووع ورحت دكتور ثاني فحص وقالي نفس الكلام ان الجنين كتله مشوها ما كبرت

الحمدالله على كل حال الله كاتب وان شاء الله تكون خيره وعلى فكره ما كنت احس بعوار ولا نزل دم وكنت احس بالنسات والوضع طبيعي ما يشكك بشي وشربت كل شي يخطر على البال مع الرياضه او ولا نقطه دم نزلت كان ثابت سبحان اللله وما نزل الا بعمليه تنظيفات


سوي التحاليل وراحعي دكتور ثاني خل يسوي سونار وتاكدي عدل والله يكتب لج اللي فبه خير

 

[كلاسيكال]

انا متسمعت النبض الا بالتاسع وبالسادس قالوو الرحم فاضي.


نطري او روحي دكتورة ثانيه

 

[كلاسيكال]

انا متسمعت النبض الا بالتاسع وبالسادس قالوو الرحم فاضي.


نطري او روحي دكتورة ثانيه

 

[گـحِـلْ |~]

اللي اعرفه في حريم واحد النبض يتاخر عندهم


سوي هرموني وشوفي

 

[last piece]

روحي دكتور ثاني

 

[Wild berry]

اختي لا تستعيلين ...
أنا الجيس بكبره عل قلبي على ما بين .. والنبض مابين معاي الا بداية الاسبوع السابع
سبحان الله يختلف من وحدة لي وحدة ...
نطري لا تسوين ولا شي و عسى ربي يريح قلبج ..

 

[ReEm Q6R]

اللي أعرفه ان النبض ينسمع فالاسبوع السابع مو قبل ،.
نطري اسبوع وسوي سونار وسوي تحليل هرموني ،،.

الله يكتب لج اللي فىفيه الخير ان شاءالله ،.