الله يخليكم فيدوووني بموضوووع ولدي

[Creazy]

السلام عليكم

انا عندي ولد عمرهعمره 5 سنوات ونص حاليا توا دخل اولي ابتدائي

طبعا اول شي لاجظت عليه عدم التركيز والانتباه

وديته على طول مركز استشارات تربويه عند د. يوسف الحميدي

وقالي ان في خلل في وظائف الدماغ النمائيه

يعني نموو مخه شوي بطىىىء وانا متحبطه وااايد

وقالي راح نعطيه جلسات علاج وانشالله راح يتحسن


الله يخليكم منو مرت بنفس الحاله وهل تحسن ولدها او لا مع العلاج

بس ولديطبيعي ومافي شي يعني يحفظ ويسولف وعادي

قالي ان هالشي يكون بس مع الانتباه والدراسه



افيدوووني الله يعافيكم:yaaaaaarb:

 

[الصابرة المحتسبة]

وعليكم السلام

وحياج الله بين خواتج

والحمدلله انج بديتي بالعلاج المبكر

فلا تحاتين واستمري على العلاج وان شاء الله النتايج طيبة.

 

[خشوشه المشوشه]

الله يشافي وليدج بس لو كنت اخرتيه سنه احسن انا احس ان عمره صغير علي اولي ابتدائي خاصة اذا كان بطي لان هل الحالة تحتاج الي مدارس خاصة وليس حكومية ---- الله يسهل اموره

 

[Creazy]

الدكتور قالي ان راح يتحسن مع العلاج وراح نلحق ان يطلع من اولى ابتدائي فاهم

واحتمال اخليه يعيد اولي ابتدائي لان ما اعتقد ان يرجعونه روضه ؟؟؟؟؟

 

[t69hr]

السلام عليكم ورحمة الله وبركاته
الله يبارك لك بأوليدك
والحمدلله
مثل ما قال لك الدكتور
سويه
وأتمنى
بعد إذنك إنه مااا يعيد السنه
بالعكس شجعيه
وحببيه بالمواد بأسلوب مرح
وألعاب
وديه العصر إذا عندك مقدره لبعض المدارس
أو المعاهد اللي تساعد بتطوير التعلم عنده
بأسلوب يختلف عن المدرسه
ودائمااا تابعيه مع معلماته بمدرسته
بس بدون ما يحس فيك
يعني لا تقولين رحت المدرسه وقالو لي وقالو ؟؟؟
لاا خليه يعتمد على نفسه
حتى لو يواجهه صعوبه بالفهم
فيه معهد بالسالميه ما أقدر أحط إعلانه لأنه تجاري
ممكن يساعد ولدك بإذن الله
كل يوم تقريبا بجريده الوطن
ولا تنسين أهم شئ
الرقيه الشرعيه
والتوكل على الله
والقيام بالأسباب
والصدقه
والله المستعان
بس لا
ثم لا لا تلجين لفكرة إنه يرسب
الله يصلحه ويبارك فيه وعيالنا وجميع المسلمين
ومن ناحية التركيز
ألحين جميع الأطفال والله العالم بحالتهم التركيز ضعيف عندهم بسبب الأجهزه الالكترونيه
والألعاب اللي تارسه البيت والتلفزيون والقنوات اللي الله يرحمنا برحمته
شنو يطلع فيهااا
حاولي إنك تشوفين طريقه لزيادة التركيزعند أوليدك
من جميع النواحي
شوي أشوي ومع الصبر
راااح يتغير أوليدك بإذن الله​

 

[الصابرة المحتسبة]

رفع

 

[ام ريتااج]

لا تقلقى وتابعى مع الدكتور ان شاء الله خير

بس نصيحه تتفقى مع معلم او معلمه منزليه للتقويه تتدرس لطفلك بعيدا عن منهج الدراسه