الله يخليكم ردو علي( ولاده بالثامن)

[tota q8ia]

بنات منو صار معاها نقص في ماي البيبي وولدوها باول بالثامن ؟؟؟؟ بنات بموت من التفكير الله لا يراوي احد وبعد عن الحوامل واجنتهم كل شر بس انا سمعت ان الضوع خطراطراف البيبي تلتصق بالمشيمه بدون ماى والدكتور قالي ما راح تكملين الي التاسع ووزن البيبي شويه الله يخليكم اللي عندها خبره بالموضوع ترد لاني تعبت وتشور علي شسوي ويريت تقولي جم وزن البيبي وشكثر قعد بالحضانه؟؟:eh_s(11): والحمد للله على كل حال
والله يجزاها خير اللي ترد وحقق لها اللي في بالها

 

[_Pure_]

حبيبيت لا تخافين يا كثر اللي يولدون بالثامن
و كاهم عيالهم مافيهم الا العافيه

وحدة اعرفها توها والده بالثامن ولدها قعد بالشيشه ٣ ايام بس و طلع معاها و كانت والده برويال حياة
و غيرها وايد

 

[غنوة ستايل]

عادي ياقلبي حتى لو ولدوج الياهل يقعد جم يوم بالشيشه بعدين يطلع عادي
انا اختي ولدوها في الاسبوع 32 والحمد الله

 

[tota q8ia]

مشكوره حبيبتي على الرد بس جم كان وزن البيبي؟

 

[غنوة ستايل]

مشكوره حبيبتي على الرد بس جم كان وزن البيبي؟

كان 2 كيلو ونص ما شاء الله .

ورفيجتي ولدت بنتها آخر السابع كانت ( كيلو و 80 جرام ) قعدت اسبوعين بالحضانه بس طبعا كانت طاقه ابره الرئه .

 

[tota q8ia]

الله يخليكم بس اللي تجاوب تقولي جم كان وزن البيبي

 

[غنوة ستايل]

توته ياقلبي انتي الحين جم قالوا لج وزنه ؟؟؟

 

[tota q8ia]

كيلو ونص

 

[zain-alq8]

انا خالتي اولدت اول يومين من التاسع كان وزن ولدها كيلوين بس ...اهم شي يعطونج ابره الرئه حق الياهل واستغفري وادعي ربج وتصدقي كل يوم لو بنص دينار بنيه انه الله يحفظ البيبي ويحفظج ويتمم علييج

 

[ZajiL]

انا والده اثنين من عيالي بنص الثامن بالاسبوع 33
وكنت ماخذه ابرة الرئه

اثنينهم وزنهم 2كيلو سبحان الله
واحد قعد 14 يوم بالحضانه
والثامي قعد 18 يوم بس بالحضانه قعد 15 يوم ويومين بالسرير العادي والثالث طلع

والحمدلله ربي لك الحمد الحين مافيهم الا العافيه

 

[آهات الليل]

انا نفسج بحمالي الثاني الماي قليل وحركتها بطيئه والمشيمه ماتوصل لها الاكل عدل
بس ولدت بالتاسع نطرت ليما صارت كيلوين بس شنو نمت 10ايام بالمستشفى يتابعون حالتي عقب طلعت على مسؤليتي وبعدهاااااا
باسبوع او اسبوع وشي ولدت الحمدالله

 

[أم لطووف]

بعد قلبي ربي يطمن قلبيبج ويقومج وضناج بصحه وعافيه..
حبوبه في بنا قاعدين يولدون بالسادس وفي بالسابع وشوفي عيالهم الحين تبارك الرحمن مافيهم إلا العافيه فأعتقد الموضوع عااااادي ما منه مضره إن شاء الله أنا قايليلي بأول الثامن راح يولدوني إن شاء الله قيصري هذا إذا ما ياني طلوق بنص السابع وكنت خايفه حدي بس الحمد لله ووايد طمنوني إن اليهال موشرط يقعدون كل هالمده في الحظانه ممكن يقعدون سبوع بالكثير ويرد معاج البيت..
وكلي أمرج لربج وشوفي شنو الاشياء المفيده إلي تقدرين تلاكلينها في عسل عند معجزة الشفاء إسمه الامراء مكتوب عليه يساعد على نمو الجنين ومفيد للحامل جربيه وإن شاء الله في منه فايده..

 

[hneen2]

ربي يطمن قلبج ان شالله ..............

 

[twinsmam]

حبيبتي لا تحاتين انا كان وزنهم كيلو و 600 جرام ظلوا بالشيشة 9 ايام و كاهم عمرم 4 سنوات ما فيهم الا العافية الحمدالله
انتي لا تحاتين و انشالله تولدين بالسلامة و تفرحين بالبيبي و تبشرينا

 

[awashamen7asha]

انا يبت ولدي اول اسبوع 33. قالولي وزنه 2 باوند بالسونار يعني 900 جرام و ليمن ولدته السسترات كيفو يقولون that can't be a 2 pound baby يوم حطوه بالميزان و لا كيلويين ! عيدت عندي اهو وزنه و حجمه طبيعي بس امي و زوجي يخافون منه عمرهم ما شافو بيبي نتفة جذي! قعد بااشيشة 3 اسابيع عشان البوصفار. و لأن ماكان ياكل و يرضع كميه تكبره. حطوله تيوب من خشمه لي المعدة (كان يوم أسود سويت مناحة) و اسبوع و طلع و عطوني حليب يمتن احط نص قفشة مح حليبتي عشان يكبره اسم الله عليه. ماشالله الحين وزنه و حجمة طبيعي. و اعرف وحدة ولدت بالسادس و بنتها مشالله الحين 3 سنوات تهبل

 

[awashamen7asha]

--------------هذي صورة ريله ايام المستشفى . كل يوم ياخذون عينة عشان يفحصون البوصفار! الله يحفظ عيالنا

 

[miss-winter]

اي انا اعرف وحده ماتيب عيالها الا بالثامن وايد اعرف ولدو بالثامن يعني اعرفهم شخصيا ومشاءالله مافيهم اي شي والله يهون عليج

 

[& مــشــايــخ &]

لاعادي حبيبتي مافيها شي عادي

السابع ولا الثامن اهم شي يكون سليم بس

ووااااااااااااااجد حريم اعرفهم نفس حالتج وماشاء الله مافيهم الا العافيه

 

[الرها]

حبيبتي لا تحاتين
انا توني والد بالشهر الثامن لان ماي البيبي صار قليل
ولدووني وحطو بنتي بالشيشه 3 ايام وبعدين طلعووها

الله يكتب لج اللي فيه الخير

اي سؤال انا في الخدمه

 

[0oR0R0 honeyo0]

ياقلبي والله خوفتيني محد قالي ان الماي القليل لازم ولاده مبكره
انا الماي قل عشان فيني ضغط الحمل الله ييسر امرنا ويسهل علينا يارب ..