الله يخليكم اللي عندهم خبرة في ماليزيا و تايلاند ابيكم تسولي جدول لا تخيبون ظني فيكم

[Om Weldy]

السلام عليكم ورحمة الله وبركاته
الله يخليكم انا مسافره ماليزيا اسبوع وعقبها تايلاند اسبوع
ابيييييييكم تساعدوني سوولي جدول .. السفره هدية من ريلي حقي بمناسبة طلعتي من الأربعين .. حاجزه على القطرية وبحجز فندق ميلينيوم في ماليزيا .. ومادري وين حق تايلاند ؟؟
اول ماراح اوصل ماليزيا راح اكون بكوالا .. مادري عقبها وين ارووووووح ساعدوني
انا على الله وعليكم .. ابي المجمعات اللي يقولون عنها رخيصة عندهم و ابي الأماكن اللي يبيعون فيها صابون وكريمات
وابي جدول حلوووووووووووووو حلوووووووو فيه رحلات وسوالف حلوه
شاكرتلكم حبايبي واسفه على الإزعـــــــــــــاج ;******

 

[الطماطه]

رد : الله يخليكم اللي عندهم خبرة في ماليزيا و تايلاند ابيكم تسولي جدول لا تخيبون ظني

انتي بتقعدين اسبوع بماليزيا

وآنا مسويه جدول لعضوه من تسع أيام بماليزيا أتمنى تاخذين منه اللي يعجبك وتستفيدين
وتروحين وترجعين بالسلامه


بالنسبه لتسع ايام ماانصحج بطيران داخلي لأن المده قصيره وراح تتعبين
أول يوم توصلين روحي شارع العرب بكوالمبورفندق ميلنيوم حلو وبنص شارع العرب
إذا واصله بالنهار ريحي إشوي بالفندق وبعده إطلعي تمشي بشارع العرب لي الساعه 12 ونص فاتح كل شي
ووصيج بمطعم طربوش ترا احلى اكل عربي ذقته ويمدحون ناب الايرانيوفيه مطاعم الوجبات منتشره

بالنسبه لفندق برجاياحلو وفيه مجمع من عشر ادوار بس لاتسكنين فيه لانه موبوسط شارع العرب بس قريب أفضل ميلنيوم بوسط شارع العرب
ثاني يوم قومي من الصبح وروحي صن واي لاقون في سيلانجور تبعد عن كوالامبور 20 دقيقه عشان تقعدين بالمنتزه من الصبح لي ست المغرب يسكر المنتزه اذا سكره روحي للمجمع التابع له وتمشي فيه وتعشوا واذا خلصتوا ارجعوا لفندقكم اخذي شور وريحي وانزلي لشارع العرب تمشي واشربي عصير في محل عصاير على الشارع لذيذ
ثالث يوم روحي لمجمع الماينس تبعد تقريبا 20 دقيقه هذا مولازم تروحيله من الصبح لان فعالياته بالليل وفيه قوارب داخل المجمع بالليل فيه عروض
ضوئيه تغدي بشارع العرب بمطعم طربوش وبعده اطلعي للمجمع واقعدي فيه لليل لانه بالليل عجيب واذا خلصتي ارجعي لشارع العرب

رابع يوم اطلعي من الصبح لمنتج أفاموسا تبعد ساعه ونص وخلي راعي التاكسي معاكم لايروح يدخلكم ويقعد معاكم انتم اتفقوا معاه على السعر وكاسروه
اول ماتجين خليه يوديكم عالم الحيوان فيه سفاري وجزيرة القرده وحديقة حيوان وعروض الطيور والحيوانات والفيله والكابوي
لماتخلصون يمه عالم الماي انا مادخلته لاني ماراح العب
عالم الحيوان وعالم الماي تسكر الساعه ست المغرب
بعده خليه يمشيكم بالمنتجع اشوي على الساعه 7 ادخلي الكابوي فيه سينما ثلاثيه وفيه كرنفال يبدا من 8 الى 10 لايطوفج ممتع
واذا انتهيتم ارجعي شارع العرب وريحي بفندقج
خامس يوم قومي الصبح وروحي الشلالات اللي بكوالمبور نسية اسمها اذا خلصتي اطلعي لحديقة الفراش والطيور والبهار كلهم يم بعض ويسكرون على الست مساء وارجعي لشارع العرب
سادس يوم روحي لسوق الصيني والهندي بس شوفيه لاتاخذين شي نصابين وانتي طالعه روحي للبرجين تور تونس فيها اكواريوم وتمشي بالمجمع وفيه مطاعم
ويمه برج المنار روحيله يقولون فيه مثل المنظار تشوفيه روحيله يمه
سابع يوم اذا تحبين البحر روحي فندق افاليوم في بورت ديكسن تبعد ساعه ونص اسكني فيه يوم فيه غرف داخل البحر وغرف مطله على البحر
واذا ماتبين خليج بشارع العرب اقضي يومج في مجمعاته
ثامن يوم روحي مرتفعات جنتنغ من الصبح تبعد ساعه ونص جوها خياااال روعه بارد وتسكر 12 بالليل
اليوم التاسع آحر يوم خليه تسوق بشارع العرب اذاتبين هدايا للأهل
بالنسبه لتكاسي متروسين بشارع العرب بس انتي كاسريهم واتفقوا معاهم واخذوا رقمه احسن
وآنا ماحطيت جزر لان سفرتج قصيره ومابي اضيع وقتج بالطيران الداخلي وتروح عليج ايام حرام
روحي لمجمع فندق برجايا تراعجيب من عشر طوابق بس موبشارع العرب بس قريب 5دقايق مشي روحي للمجمع حلو

 

[احب المنتدى]

رد : الله يخليكم اللي عندهم خبرة في ماليزيا و تايلاند ابيكم تسولي جدول لا تخيبون ظني

للررررررررررررررررررررررررررررررررررررررفع