الله يخليكم ألي جربت فولك اسيد او سمعت عنه تدخل ..

[أمـ سالمـ]

السلام عليكم


شخباركم يا بنات عساك بخييير

عندي سؤال اتمنى لو تساعدوني فيه ..

انا متزوجه وصارلي 8 شهور وشي تقريباً

وابي احمل رحت عند الدكتوره قبل وعطتني كلوميد استخدمته لمدت شهرين وحسيت وزني زاد وقلت حق الدكتوره وقالتلي خليه والحين صارلي 3 شهور وما استخدمته .. على فكره في اول مره رحت للدكتوره يوم سوتلي فحص قالتلي عندج البويضات كبيره وسألتني إذا كنت ما خذه حبوب وله شي بس انا قلتلها لا.. لأني ما خذت شي وهو طبيعي جي .. اما آخر فتره يوم كنت اروح كله يكون صغار .. المهم .. انا ما رحت للدكتوره قلت بخلي كل شي بيد رب العالمين وإن شاءالله يصير حمل من دون كلوميد ..

احس إني استعيلت في الحبوب كلوميد ..

بس من فتره ربيعتي نصحتني بـ فوليك اسيد .. وقالتلي خذيه هاذي فيتامينات وايد زينه وتساعد على الحمل ..؟!؟!؟

هل هذا الكلام صحيح..

طرشتلي صورته .. هذا هو ..

لكن لما رحت الصيدليه وسألته قالي ما عنده وعطاني غيره بس مشابه أله بس شركه ثانيه( بعد فولك اسيد) هذا هو!!

بنات افيدوني الله يخليكم ..

هل هذا بيساعد على الحمل؟؟!!؟






..ادعولي الله يخليكم بذريه الصالحه..

​

 

[عيش و مرق]

اختى هذه مايساعد على الحمل هذه تاكلينه وانتى حامل او قبل الحمل ابشهرين ثلاثه بس وضيفته ان يمنع التشوهات عند الطفل ويخلى اعصاب الجنين تكتمل ابشكل طبيعى وزين وبس غير جذى ماله فايده بس اكلى اذا حملتى ضرورى مثل ماقلت لج للبيبي زين بس مايخلى الوحده اتحمل

 

[أمـ سالمـ]

يعني عادي آخذه من الحين ؟

لين إن شاءالله ينكتب لي بذريه الصالحه؟؟

 

[sara_77]

انا اللى اعرفه يساعد الرحم والبويضات ان تكون بوضع جيد او يتهيأ للحمل

 

[نيبال الايمان]

ياعمرى اول شى يا عسى الله يرزقج عاجلا غير اجلا اللهم امين يارب

ياعمرى الفوليك اسيد يهيئ الرحم على الحمل ويحسن بطانة الرحم ويمنع تشوهات الاجنة 000


ياعمرى اخذيه هو ينفع ما يضر والله يرزقج ان شاء الله بالحمل الطبيعى السليم المعافى اللهم امين يارب 000 اخذى حبة يوميا بعد الاكل وتوكلى على الله

وعسى الله يرزقج ويرزقنى ويرزق كل محروم ومحرومه منهم وكل من يتمناهم منوة اللهم امين يارب

 

[أمـ سالمـ]

انا اللى اعرفه يساعد الرحم والبويضات ان تكون بوضع جيد او يتهيأ للحمل

مشكوره فديتج على الرد​

 

[أمـ سالمـ]

ياعمرى اول شى يا عسى الله يرزقج عاجلا غير اجلا اللهم امين يارب

ياعمرى الفوليك اسيد يهيئ الرحم على الحمل ويحسن بطانة الرحم ويمنع تشوهات الاجنة 000


ياعمرى اخذيه هو ينفع ما يضر والله يرزقج ان شاء الله بالحمل الطبيعى السليم المعافى اللهم امين يارب 000 اخذى حبة يوميا بعد الاكل وتوكلى على الله

وعسى الله يرزقج ويرزقنى ويرزق كل محروم ومحرومه منهم وكل من يتمناهم منوة اللهم امين يارب

آآآميييين يارب...


مشكوووره فديتج إن شاءالله راح آخذ والله يكتبلي ويكتب لك محرومه بالذريه الصالحه يارب...​

 

[برميت]

انا بعد توه عطتني اياه الدكتوره
تقول يقوي بطانه الرحم و يساعد البيبي على النمو بشكل طبيعي و صحي

 

[ملكه الحطب]

عادي اخذي من قبل فتره اوصفته لي الدكتوره بس ماصار حمل واهو صح فيتامينات عادي مو يخلي الوحده تحمل بس اذا حملتي ان شاء الله لازم تاخذينه وهذا اللي اعرفه

 

[mosta7eel]

حبيبتي انا الي اعرفه ان اهو وايد زين
قالتلي الدكتورة اخذيه لين ان شاءالله ربي يكتبلج وتحملين

 

[أمـ سالمـ]

مشكورين حبيباتي


إن شاءاالله راح آخذه ...

والله يرزقني ويرزكم بذريه الصالحه يارب..

^_^

 

[مهرا احلى مهرا]

حتى انا الدكتور عطانياه يمنع تشوهات الجنين الله يرزقج

 

[فانسي نايت]

اخذيها حبيبتي مامنها مضره بالعكس مفيده ، تهيء الرحم للحمل و اذا الله كتب و حملتي تمنع التشوهات ،،، اي وحده تفكر بالحمل تاخذها و اهيا وااايد زينه ...

الله يرزقج ان شاء الله و يرزق كل البنات بالذريه الصالحه يارب

 

[~ذات السُبحه~]

ياهلا بالغاليه
أنا قبل لاابداء علاج والدكتوره عاطيتني اياه
لان يهيئ الرحم والمبايض
ويقوي بطانة الرحم
ولو صار حمل بيساعد على منع تشوهات الجهاز العصبي
حبه باليوم تنفع ماتضر
الله يعطيج العافيه

 

[أحلى^حياه]

حبيبتي هذي فيتامينات عادية تقوي جسمج وكل وحده تبي تحمل او حامل تاخذه

 

[البلوره]

هلا حبيبتي

الله يرزقك ويرزقك كل محرومه يارب عالمين

لازم حبيبتي الدكتوره تكتبلك اياه لان انتي حاطه

اثنين ومحتاره لازم هي تكبتلك وبعدها عاد كل ماخلص احتفظي فيه بعلبته

وروحي اشتري مثله بس اول شي لازم من الدكتوره علشان تعتمدينه طيب

الله يرزقك الحمل السليم المعافى..