الله يجزاكم خير ودي احول ابله متوسطة؟؟ وش رايكم

[قلب محمد]

:eh_s(7):السلام عليكم ورحمة الله وبركاته
وشلونكم ابلاتي الغاليات
انشاالله بخير وصحه وسعاده وراحه بال اتمناها للجميع
ابدخل بالموضووع (دوغرري)
انا ابله رياضيات ابتدائي وصراحه تعبت من الاطفال واللي موتني اكثر تعبت من الطباعه والكمبيوتر والوسااااااااااااااااااااااااااااااائل اللي ماتنتهي :eh_s(16):
مدرستي عسرة مايبوني ادش الا بكل حرف بالدرس له وسيله وانا تعبت
وعيالي الله يشفيهم مرضئ :eh_s(11):
جد ماعندي وقت​

المهم فكرررت وفكرررت وفكرررت:bbbiu:
ليش مااحول متوسطه؟؟؟​

احس مافي وسائل ولا قصص
مادري وش رايكم؟:yaaaaaarb:
انا الحمد لله تقاديري ممتازة وبشهاده الجميع ابله متميزة وشخصيتي حلوة
بس لاااااااااااااعت جبدي من هالوسائل؟​

شرايكم؟:eh_s(17):​

لاتقولون مايصير الله يخلي الواسطه.:eh_s(7):​

انصحوني الله يجزاكم خيرويفرج كربكم ويسعدكم
انتظركم:eh_s(7):​

 

[amami al-kuwai]

امسك مجنونك لا يجيك اجن منه

المتوسطه الحين مايحشمون ولا يحترمون خلج على الاطفال ارحم لج

وصلي استخاره بعد افضل

 

[* شوية أمل *]

^^

مثـل مـاقـالـت أنـا طـالـبـة بـ المتوسطه والـبـنات موكلين الأبلات ....

من قلة أدب ومن شغب ومن أستعباط ومن تهزيئ ,,,

أنا أقوول خليج ع الأبتداائي أحسلج ,,

والله يشافي عيالج يارب ,

موفقهـَ ~

 

[PuPa^^SWeeT]

تراا محد مرتاح

شوفي رفيجتي محولة من ابتدائي للمتوسط لنفس السبب


اتقوول صجج تعبانة من البنات


بس عالاقل مرتاحة من المنهج و من الوسايل



اذا اتحبين حولي



وعادي قدمي بشهر واحد طلب نقل حق مدرسة متوسط بنفس المنطقة التعليمية بالاسم


وانشالله موفقة

 

[برنسيسة2007]

والله اعرف علوم حولت متوسط تقول نصابي اكثر من الابتدائي-كانت ٦حصص او ٩حصص وبالمتوسط١٥حصه بس تقول ارتحتتتتتت وثبتت بالابتدائي
استخيري وكلمي الموجهه تنقلج ندب متوسط عشان اتجربين اذا اعجبج ثبتي اللي اعرفها سوت جذي
وبالتوفيق

 

[PuPa^^SWeeT]

شوفي ياقلبي


التدريس يختص بالمرحلة العمرية بحد ذاتها

يعني الروضة

ليلحين ماعندهم منهج


بس بيكون عندهم قريب انشالله


بس همن المرحلة للاطفال الصغار يعني 4 و 5 سنيين

حدهم يتعبون وياهم

الحنان و القرقة و المتفلسفة واللي اتوسخ روحها

واللي اتطق الثانية


يعني المرحلة العمرية اهيا التعب الحقييقي لمدرسة الروضة


الباجي افتكر انها نوعا ما اهون


عندج الابتدائي


بداية دراسة طفلة صغييرة تدرس و تختبر و لازم اتعلم انها تقعد عالكرسي ماتحرك


والابلة لاازم اتشد انتبااه الاطفال بالوسايل و المسرحيات و القصص و الشغل كله شلون اتخلينها تفهم مع المنهج المطور البائس هذا



بس بشرى ساارة


انشالله بيغيرون المنهج بيعدلوون علييه لأنه لما شروو المناهج من الشركة مادري شسمها


مايقدرون يغيرونها الا بعد 3 سنين من الشراا لأنهم بعد 3 سنين يستملكونها


امهات الابتدائي انشالله اللي باولى ابتدائي يعدي انشالله بس بالسنيين الياية مناهج الابتدائي رااح اتعدل


همممم اوكي وين كنا

ايي و عمر الابتدائي ينقسم قسمين اما بنية طفولية اتهبل حنانة ولا قرقة ولا اي شي بسس عالاقل طفلة

اانيي لمرحلة رابع و خامس ابتدائي مراهقة مبكرة او حتى لو مابلغت البنية اتكوون شوي مثل سادس و سابع


انيي للمتوسط ( انا )


المتوسط ينقسم ل3 اقسام


سادس


سابع و ثامن


تاسع


سادس عمر مراهقة على طفلة اتراادد بس بالاخير تبجي



سابعو ثاامن لاا عمر نفسية تعباانة و دايخة و مالها خلق وماتبي احد يامر علييها


بنت باالغة توهاا و تعبااانة و مو متقبلة نفسها او متقبلة و اتقول يا ارض هدي ماعليك ادي


وبعديين عندج تاسع


اهيا المفروض بالثانوية 14 سنة


كل اللي اتطبقينه ويا المراحل السابقة انسيه مع تاسع


تاسع مرحلة خطرة

يبون ابلة مو ناشفة معاهم ولا مرنة وياهم


يبون ابلة حاازمة قوية فاهمة المنهج اهنيي يخافون منها شوي و يحترمونها



بعدين عندج

الثانوية

ماجربت المراحل


بس اقوولج عااشر اعتقد بنية يدييدة بالمرحلة اما اتكوون هاادية حييييييييييييييييييييييييل او مشااااااااااااااااغبة حيييل

لأنها يدييدة يا اتكون خجوولة او وحدة تبي تثبت رووحها



بعدين حادي عشر


بنية افتكر فيهم شغب بس يهدوون ويبدون يفكرون ايمعون درجات



ثاني عشر


شايفيين نفسهم و مفكرين انهم كبروو خلاااص بس الحلوو فيهم انج تشرحيين و اهيا اتصير ويااج لأنها تبي اتخرج واتروح الثانوية






طبعا هذا بالعموووم


في استثناءات


بس هذا تلخييص لنفسية الطالبات من الروضة لي الثانوية


انشالله اكوون فدتج​

نقلت ردي على موضوع ثاني اهنييه

انشالله اكوون فدتج فييه

 

[قلب محمد]

الله يحزاكم خير والله للحين متردده باستخير
طيب تعرفون مدارس متوسط حلوة بمبارك الكبيرةابي مجتمع راقي متحضر مابي ابلات دقه قديمه��
ابي ناس متعاونه صدورها وسيعه

 

[قلب محمد]

اب اب