الله يجزاكم خير ساعدوني.. بماليزياااا

[عيالي...حياتي...]

السلام عليكم ورحمة الله وبركاته



حبيباتي انا حاجزة لماليزيا

14 يوم

بس حق كوالاا ولنقاويوودي بييننق يوم واحد بس..
شرايكم ابدي من وين الرحلة..؟؟؟
كوالا اول ولا لنقاوي ولا اشلون ساعدوني بجدول السفرة جزاكم الله خير..

باسرع وقت بليزززززززززززززز:yaaaaaarb:

 

[عيالي...حياتي...]

بنات وينكم


حاشني احباط شالسالفة محد رد ليما الحين...؟

 

[MaYoOoMii]

Up up

 

[shayto0oNa]

حبيبتي انا رحت ماليزيا تهبل عفيه استانسي بكل ثانيه ياااي ياحلو ماليزيا

ليش ماتروحون سن وي لاقون تهبببل وبيننق لاتطوفينها حبيتها اكثر من لنقاوي

بقولج جدول سفرتي

( يومين سن وي لاقون ، خمس ايام بيننق، يوم جنتنق ، ٣ايام كوالالمبور )


اذا عليج خلي لانقاوي بعدين بننق بعدين كوالالمبور

 

[shayto0oNa]

اذا رحتو بيننق حجزو ب فندق بارك رويال اخر دور ياااي تهبل وركبي برشوت وجتسكي يااااي اخذيني معاج ههههه

 

[عيالي...حياتي...]

اذا رحتو بيننق حجزو ب فندق بارك رويال اخر دور ياااي تهبل وركبي برشوت وجتسكي يااااي اخذيني معاج ههههه

>>>>>>>>>>>>>>>>>>>>>>>>>>>>>>>>>>>>>>>>>>>
بعد قلبي اللي ردوا علي
حياج الرحمن الله يكتبها لج مرة ثانية ياربي..


مادري اكثر شي رشحوا لي لنقاوي وكوالا

يقولون اللي ببيننق موجود بكوالا

 

[يازمان العجايب]

تروحون وتردون بالسلامه
من رايي
كوالمبور ٤ ايام بيننق ٢ يوم جنتنج١ يوم وصن وي لاقون ٢ يوم ورجعي كوالمبور باقي المده
انا اروح الصبح لي بالليل حق صن وي لاقون ونفس الشي جنتتج
وروحي افاموسا
​

 

[shayto0oNa]

حسافه لو اعرف انزل صور كان نزلت لج كل اللي تبينه مصورته بالتفصيل بس حسافه


بيننق تهببببل تهببببل رومنسيه حدها وكوالالمبور بصراحه حيييل بايخه مافيها بس مجمعات اللله يخليهم بالكويت زهقنا مجمعات ماحب اسافر اضيع وقتي بالتسوق لاحقين عليه واجد عليها يومين

 

[حربيه وبس]

انا الحين ابينانغ تهبببببببل فيها طبيعه تجنن
ولنكاوي قلت بروح لها بالعباره من الصبح بقضي فيها اليوم كله وتالي ارد بليل لان لنكاوي حدها يوم تخلصينها كلها صغيره حيل

بس بينانغ شامله طبيعه وتسوق وتمشي تهبل
احلى شي البراشوووت يااااي يهبل يهبل

وااااي رحت مطعم هندي اليوم ابينانغ يقولي السايق اهو يعتبر افخم واحد موجود
بنات العيش طلعت منه 3 حشرات صغيره وااااااااااااااااااااااااااااي لاعت جبدي
اشوه انه العيش كان ابيض ولا لو طالبه برياني جان كليت الحشرات وانا مادري لانها ماراح تبين
وع وع وع وع
خليناه ورحنا كلينا بماكدونالدز
ياربي ماليزيا تجنن بس لي الحين مالقيت مطعم عليه العين