الله ستر- جيس دهن في الراس

[*دبدوووبه*]

هلا والله
سوري اني طولت عليكم


الاستشاري محمد براك الهيفي
جراحة عامه وجراحة المناظير المتطوره والجهاز الهضمي والاورام

يسوي عمليات كيس الدهن وكيس الشعر وبطريقه التجميل بعد

واهوا بعد متخصص بوايد اشياء
بس للي يفيدج هالشي
وعيادته في

الشعب البحري
شارع بن الخطيب لامتفرع من شارع الاستقلال بجانب مجمع فاطمه
قطعة 8
قسيمه رقم 18
الدور الاول
شقه رقم 2
تلفون/2665058
والله يشافيكم يارب

حبيبتي ااذا ماتبين تروحين حق خاص

في دكتورين وايد شاطرين بعد

دكتور احمد مراد الكندري بالاميري
يداوم الاحد والثلاثا بـس
ودكتور
خالد العنزي يداوم الاثنين والاربعه
فظيعين هالدكاتره
انا ودي اسوي عند واحد منهم
بس مشكلتهم ماعندهم عيادات خاصه
والحين مستشفى الاميري مايسوي عمليات جراحه لان قاعدين يعدلون المكان
يسون العمليات بالصباح
وانا ما ااستحمل اسوي بالصباح بصراحه
وفي بعد دكتور محمد سعد بالمواساه همن شاطر
واللي يريحج يسوي عنده

 

[مرت ريلي]

حبيبتي والله ماتقصرين تعبتج معااااااي

انا رايحة بعد شوي أسويها

أقولج النتيجة بعدين بس بعطي رفيجتي بيانات الدكاترة اللي عطيتيني ياهم لأنها تبي تسوي

يسلموا حبيبتي

 

[مرت ريلي]

بطاطا مهروسة كاهي اختنا ما قصرت شكلهم وايد زينين

انا بسويها بمبارك بعد شوي عال 9 ونص

 

[مرت ريلي]

توني رادة من مستشفى مبارك رحت حق دكتور هندي أمووووووور

طلع لا جيس ولاشي والله حالة

قال هذا من الأكزيما طالعلج جذي ماتشوفين ردت صغرت؟؟

المهم خذوا عينة لا عملية ولا شي بس الابرة تذبح ههههههههه
لاتشوفين لما غزني شلون تكومت جني فااااااار !!

 

[om el7elwen]

حبيبتي ماتشوفين شر

 

[Raveena]

ما تشوفين شر

 

[مرت ريلي]

الشر مايييكم حبايبي ماتقصرون خواتي

امسوية روحي أسد وداشة بثقة طلعت الجبانة الخيخة لوووول !!

 

[supermarket]

الحمدلله على السلامة مرت ريلج

لو كان جيس دهن يسوونها لج بنج موضعي تعووووور سويتها بالغزو

 

[*دبدوووبه*]

مرت ريلي

الحمدالله يامعوده

انا سبوع الياي عندي اشعه رنين مغناطيسي
لان سويت اشعه مقطعيه وطلع ان في جيس او مثل ورمه
انا عندي تكبر وتصغر
بس فيها ألم
وقالولي ناخذ عينه
بس انا ماوافقت
قالولي اللي احسن من العينه الرنين المغناطيسي
وان شاء لله يصير مثلج ماكو شي

والحمدالله على السلالالالامه ياقلبي
وماتشوفين شر
وان شاء الله اخر الألام يارب

 

[مرت ريلي]

حبيبتي والله الشر ماييج لا انتي ولا من تحبين

تدرين هذي مجموعة غدد تكبر وتصغر بس مو أكثر هذا اللي فهمته
وبعدين خذوا عينة من الخلايا بيشوفون شنو فيها وانشالله مافيج الا العافية عمري ومشكورة عالمجهود البنات استفادوا يعطيج ألف عافية ما قصرتي يالغالية

 

[لمعه]

بنات عملية جيس الدهن بالراس لها آثار ؟
لان بنتي عمليتها السبت وانا خايفة عليها بيعطونها بنج كامل

 

[*دبدوووبه*]

هلا لمعه
لايايقلبي مالها اثار
بس راح يشيلون الشعر مكان الجيس دهن بشكل دائري ولاتخافين بيرجع الشعر يطلع
والغرز ماراح تألمها وايد
لان بيطعونها مسكنات
وساعات الغرز اللي بالراس بروحها تطيح
بس ماعليج امر
قوليلي منو الدكتور
وين اي مستشفى بتسويها
لان انا بعد بسوي
لكن كل يوم يطلع لي شي يديد ومادري شسوي
مشكوره ياقلبي وان ناطره ردج

 

[مرت ريلي]

يا حياتي والله الله يقومها بالسلامة انشالله وماتشوف شر الغالية بنت الغالية

والله شوفي انا أمي سوت عملية براسها اسم الله عليكم

ما جاسوا شعرها فرقوا شعرها وسوولها ياها بس هالحجي بألمانيا

وبعدين اسمالله عليها اهي بنت يعني عادي شعرها يغطي لما يلتئم كلش بس الجرح يطيب ادهنيلها ياه عالخفيف بزيت سمسم مفعوله عجييييب مو تقولين ولد اللي باجر بيقرع عادي بنت يعني لاتحاتين قلبي والله يقومها بالسلامة

 

[لمعه]

الله يسلمج دبدوبة والشر مايجيلج
العمليه بنسويها في مستشفى ابن سينا بس ما اعرف اسم الدكتور انشاءالله اذا خلصت العملية اعطيج اسمه انت تامرين

 

[لمعه]

الله يسلمج مرت ريلي ومشكوره على النصايح الحلوه

 

[مرت ريلي]

العفو ولو حبيبتي أهم شي سلامة بنيتنا

 

[شمسه]

حبيبتي ألف سلامه عليج

وما تشوفين شر هذا شي بسيط إن شاء الله

 

[مرت ريلي]

الله يسلمج عمري بس طلعت نتيجة العينة اليوم الساعة وحدة

طلع فعلا جيس يننوني والله

 

[ii DareeN ii]

ماتشوف شر بنيتج لمعه ان شاء الله سهاله
الحمدالله جيس مرت ريلي يعني سهاله الله يقومج بالسلامه

 

[ام مشعل العتيبي]

ماتشوف شر اجروعافيه