الله المستعان مصدومه

[عذوب79]

مصدومه بنات مصدومه

​

اسمعو سالفتي من اولها عشان تفهموني وتقدرون تعطوني حل مابي ااكبر السالفه وترك عواطفي تخرب علي بيتي

بنات انا من شهور كتبت موضوع عنوانه شي غريب صاير بيني وبين زوجي

الشي الغريب كان ضيقه وكره وخناق بس البنات بالمنتدى وبعض الكبيرات بالخبره والعمر انصحوني نصايح

وقالو لي اسوي كذا وكذا وبفضل الله صرت احسن وحالتي مو ميه ميه بس ارحم من اول وتعدل مزاجي على زوجي

المهم

ان الحاله هذي جتني اول ما سكنت شقتي عند حماي اخو زوجي بس اه يا بنات ماكنت متوقعه غيرة الحريم لدرجه هذي

اليوم زارتني مرت حماي لان ولدي تعبان وبعد ماقمت بواجبها قالت لي يا حظ زوجك فيك وامي تقول نعم ما اختارو

قلت لها الله يوفقج مشكوره ماعليكم زود

تدرون شنو ردت علي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


قالت لي انا دايما اتخيل ان اللي متزوجه زوجج اختي وان اختي هي اللي ساكنه الشقه وانا كنت ابيه لختي بس هو ما رضا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

والحين انا اتحسر على حظ اختي خذت واحد .............................

بنات يا بنات انا ما رديت ولا كلمه ولا حرف


قالت هالحجي وهي رايحه للباب وقالت مع السلامه ومشت ..........

وانا فاتحه الحلق تغبطني قدامي ؟؟؟؟؟؟؟؟؟؟؟

كانها تقولي مابيج يبا طلعي من بيتي اشوفج ابليس واتحسر على اختي


بنات شسوي اول مره ادري بسالفة انها عارضة اختها على زوجي ولا وافق

وزوجي يحب اخوه حيل حيل واخذ له قرض وساعده لما اشترا البيت يعني له حق يسكن عنده بدون اجار ولا يدفع شي

انا لو بقوله ابي اطلع شنو بيكون رده تتوقعون ؟؟؟؟ انا من الساعه 8 وانا بدوامه شقوله ؟؟ شلون اتعامل معاها

لو زوجي ما رضا نطلع ؟؟؟؟؟؟؟؟؟؟؟ المره تتحسر قدامي وانا اللي باكلها

 

[نـور الكويت]

شووووووووفي حبيبتي انتي جايتج عين منها

نفسهااا بزوج اشربي من مايهااا ولا اي تشربه اشربيه

ولاتدش عندج وتفاهمي انتي وزوجج انج تطلعين من البيت
قوليله مو مرتاحه فيه من جيته وانا احس بضيقه تفاهمي

اعوذ باالله هذي عينهاا حاره افتكي منهااا ياقلبي والله ودايما حطي الرقيه الشرعيه

 

[softlady]

حبيبتي لا تفتحين الموضوع حق زوجج ويمكن كلامها مو صح اصلا مبين سبب زيارتها تبي تخرب بينكم لاتعطينها فرصه واهتمي بزوجج وبس

بهالموقف كبري عقلج عن غيره الحريم

ولو تاخذين من اثرها واثر الي شربته وتغسلين فيه وايد احسن

 

[صانعة قراراتي]

الافضل تطلعون وتسكنون بروحكم مادري بس احسك ماتقدرين تطلعين ولا تدخلين براحتك ولا لكم باب خارجي بروحكم
واذا لكم باب خارجي بروحكم خلاص مافيه مشكله

 

[صانعة قراراتي]

ومثل ماقالو البنات خوذي من اثرها ونصيحه لاتقولين لزوجك عن الكلام الي قالته سواء صدق ولا كذب
واذا مو مرتاحه كلش قوليله مو مرتاحه بالبيت احس ما اخذ راحتي لاكن انتبهي تقولين له عن سالفتها

 

[سموة الزين]

رد : الله المستعان مصدومه

حبيبتي نصيحتي تعاملي معاها ولا كأنها موجوده واذا شفتيها قولي سلام واطلعي ولاتقولين شلونج ومالونج لااا وافتكي من شرها اللي عليج بس قعدي بشقتج وعلى طوول شغلي سورة البقره يوميا بشقتج والله يكفيج شرها لاتحتكين وياها وان شاء الله باجر الله بيرزقكم ببيت وبتطلعون منها ومالج شغل فيها حسبي الله ونعم الوكيل والله ماتستحي قوية عيين مو هينه بس لاتخربين حياتج عشانها ولا كأنج سمعتي شي واهيا مجرد كلمة سلام عليكم واطلعي ومالج شغل فيها والله يهديها

 

[عذوب79]

تحسدني على شي من الله ؟ الزواج نصيب بس مو راضيه تفهم

 

[عذوب79]

زين بعرف هي صج اعرضت اختها عليه ؟؟؟؟؟؟؟؟؟؟؟؟؟؟ وليش ما قالي يمكن ما قالي كان مخطط يسكن عنده واذا دريت انا اكيد بعيي

 

[LA TROO7]

احس انها قالت هالكلام بعفويه

لو حاسدتج او حاقده عليج ماقالت لج هالشي او حتى زارتج

احسني الظن وانما الاعمال بالنيات

 

[نـور الكويت]

عذوب لا تدخل شقتج والله افتكي منهاااااا

ترى هذا ردي الثاني والله افتكي نصيحه من اخت لاختهااا

هذي تبيكم تتفككون الله يكفيكم شرهاا محتره الحمدالله وشكر واذا دخلت عليج قولي

(( اللهم اكفنيهم بما شئت ))

 

[قطوووة]

لا حول ولا قوة الا بالله
طنشي وانسي ولاتعطينها بال

 

[عذوب79]

لا تروح وحده تجي تقولج انا كنت ابي اختي الزوجك شنو تقولين لها ؟؟؟؟؟؟؟؟؟؟؟

شنو احسن الضن ؟؟

انا اصلا مالي بالمشاكل لو طايحه بلسان عوبه جان شرشحتها بس انا سكت

 

[عذوب79]

نور الكويت انا مالي كلام زوجي هو اللي يحل هالموضوع


يمكن المره كارهتني تبي تغثني عشان اطلع يمكن المره تبي اتاجر الشقه لحد غيري وهذا بيتها وهي حره فيه

ويمكن ويمكن حطتني بداائره الله يسامحها

 

[over love]

رد : الله المستعان مصدومه

ماكو الا العافيه وماعليج منها

وخليها تتحسر لين تفطس بحسرها !!

الى عليج خلج رسميه وجديه معاها مقله ومختصر بالحديث لاتخلين ريلها تاخذ وايد على بيتج وأرقى نفسج وزوجج وماعليكم شر

 

[om Firas]

ماعليج منها ويارب يبعدعنج شرها
قولي هالدعاء اللهم اكفينا شرهم بماشئت
واستغفري وشغلي سورة البقره على طول في بيتج
واستودعي نفسج وبيتج وريلج والله الحافظ ان شالله

 

[LA TROO7]

عذوبه حبيبتي


لما كانت تقولج هالكلام شلون كان اسلووبها ؟

مدري حسيت انها موجبه وزايرة وقالت هالكلام بعفوويه والا معقوله وحده غبيه لهدرجه تطلع حقدها عيني عينك !!

عالعموم حافظي عالاذكار ولاتشغلين نفسج فيهاا تناسي موضوعها وعيشي حياتج لاتكدرين نفسج والحافظ الله

 

[الليلاس]

رد : الله المستعان مصدومه

يابنات لحظه لحظه
يمكن خاها التعبير
اهي قالتلج بالبدايه ان امها تقول يازين مااختارو ويابخت زوج فيج
اهي امدحتج ماذمتج انج خوش بنت وذكرتها عرضت اختها على زوجج هذا من زين رجلج انها اصفطت اختها له واهو مرضى
يعني هم مديح
ومع السوالف قالتلج ان اختها حظها مايل
السالفه مو الفةانها اتحسر على اختها لا اهي تقول انج خ بنيهورجلج زي معاج وكانت عارضه اختها له يعني والله يمكن مو قصدها تتحسرعلى زوجج
يابنت الحلال اطدي ابليس من افكارج وارقي نفسجواعيالج وزوجج وصفي النيه ولاتفرين بهالشي
يمكن خانهاالتعبير اواعرفت توصلج الي تقوله عدل

 

[حصووونه]

جان قلتي لها والله من حظ اختج انه ماخاها يابختها ربي فكها منه عصبي وكله منفس الله يهديه والحمدالله على كل حال
هذي نفسها برجلج لاختها بس تبين الصج هذي اللي بقلبها على لسانها ماينخاف منها ونوعيتها سهل تكسبينها وتصير بصفج عشان النفس تكون اخف ضرر عليج خلج ودوده وحبيبه معاها وبالعكس ولا كنج سمعتي هالكلمه عرفتي عاااااااادي عادي تحصل في احسن العائلات

 

[عذوب79]

شوفو المره تنهدت مرتين عندي


تنهيده تشلع القلب وانا مو غبيه قالتها بسلوب حسره

غير هذا حتى لو شنو ماقول لاي وحده انا كنت ابي زوجك لفلانه عيب عييييييييييييييييييييييييييب

مايسير انا مو اخلاقي ماتطلع مني بس مادري شلون طلعت منها

بعدين هذي ارزاق انا مالي ذنب

في وحده تقولي تبي تمتحن صبرج واخلاقج والله بجوز ليش لا

 

[عذوب79]

لا تروح الغيره عميه وتعمي راعيها

وتخليه بقط خيط وخيط

عموما انا بنت اجاويد حتى كلامها مارديت عليها سكت ولا راح اسويلها شي

انا ابي شي واحد ابي اغير هالشقه بس ابي ارتاح من سكنتها تغيرت نفسيتي على زوجي