اللهم ياكافي شهالاسعااااااااااااار !!!!

[حجيه هيونه]

انا مو قاهرني الا سلطان

اللانش بوكس الي قبل لو ماتت تطلع بدينار ونص

واغلب الاحيان تجي مع الشنطة

الحين فاصلينها ويبيعونها ب 7 دنانير


ليييييييييييش ماندري

 

[نعومه حدي]

صااااجه والله
مادري شصاير عليهم علي هالاسعاااااار

 

[*المــــلكة*]

ايييييي والله زهقنا من هالأسعار معاااشي مااحس فيييه كل شي كل شي صااار غاااالي كاكاو وحلاو ب 5 و6 !!!!
بلوزتين وقميص ب 70 و80 ليييييش!!
حتى البجامات اللي كانت على دينار ونص الحين ب 8 والله والله روحوا سوق السالمية وشوفوا البجامات على جم صاارت​

 

[ارنوبه ورديه]

والله احترنا اقوى معاشات وعايله من ثلاث اربع اشخاص معاشاتنا فوق الالف دينار وفوق هذا اخر الشهر ماعندنا شي

ياعالم شي مو طبيعي .. واقل شي الف دينار اقل شي .. وفوووووق هذا تلاقين الكل ينطر المعاشات اخر الشهر ..

والله شي يحز بالخاطر ويضيق الخلق .. والجمعية اللهم ياكافي شدعوه والله ندش ونحسب اغراضنا محاسب .. اول الخضره

ارخص شي .. تشترين كل شي ما يتعدى اربع خمس دنانير الحين تنقين نقوه ويطلع لج بعشرين دينار ..

والسوق كله صيني والاسعار اسعار اسعار ماركاات ..

والله يا اسواق تركيا تجيب العافيه وصناعه تركيه وكد ومد وذرابه وارخص من الكويتي اللي كله صيني وسوري ..

والله المستعان الله اذا نوابنا يبوقووووون الملايين وتجارنا تبوووق من جيوب الناس وحتى تاجراتنا اسعارهم اشكرا خياليه

وفيج خير تقولين انتي غالية هذا امريكي وهذا استرالي وهذا ما ادري شنو ..

جنطه بيبي 40 و60 ديناااااار ؟؟؟؟؟

مهاد بيبي 20 ديناااااااار ؟؟؟؟؟؟

وبعضهم دراعه شيفون وشكلها يفشل والله لو عندي استحي اعرضها وفوق هذا 80 دينااار ؟؟؟؟؟؟

حتى بالمعارض .. ياليت الخام غالي تجيب ارخص خاااااام وتبيعه باغلى سعر شدعووووووه ؟

والله قبل احنا نشتري الخام يجنن وذرابه وشغل ونفصله واذا حده حده 80 دينار ..

الحين 80 دينار تشرين فيها حق عرس بنت جيرانكم .. واخوج ولا قريب منج مو اقل من 200 و300 دينار ..

ويقولون ليش ديرتنا ما تمطر ويقولون ليش جونا كله غبااااااااار .. ويقولون معاشاتنا مافيها بركه

 

[PuPa^^SWeeT]

انا حسيت من ناحية مشتريات المدرسة توني صراحة

شريت اربع نفانيف حق بنتي اللي بالروضة

يعني اثنين رخاص الواحد باربع و نص و الاثنين الثانيين اب 8 كل واحد


والشوز للروضة شريتلها من ايكوو

الجنطة اب 9

بنتي توها يعني اول سنة دراسية لها بالروضة و جذي شفطت فوق الخمسين دينار ؟؟؟؟

لاا والروضة يبون اغراض بعطيها باجر اتييب لي اب 5 ؟؟؟؟ مادري احس خمسة شوية ولا ريلي يقووول وايد خمسة قبل مو جذي

 

[girl_in_abottle]

انا السنة الي فاتت شريت ساعة فندي ب 220 من روائع جنيف

امس اقولة جم صارت؟ عبالي رخصت

قالي 400!!!!!!!!!!!!!!!!!!!!!!

حسبي الله عليكم

 

[عود ومسك]

الاسعار تعور القلب والله العظيم
اغراض المدرسه تكسر الظهر هالاغراض الاساسيه غير الطلبات الاسبوعيه
كل يوم والا يومين تجي تقول طالبين كذا وكذا وين ألحق عليها
والا الجمعيه اااااااااااااااااااااااااه يالجمعيه صارت نااااااااااااااااااااااااااااااااار
كل روحه جمعيه تبين تشترين تناتيف تقطين 20 ليش ياربي
قبل نروح الجمعيه نترس السله حق شهر ما يطلع علينا 50 60
الحين 50 والا 60 طالعه معاج بس 3 اجياس وحق يومين بس!!
يزيدون فئه معينه واحنا نبتلش
الوحده صارت ما تقدر تشتري اللي بخاطرها من غلا الاسعار وصرنا نمسك الفلوس عشان طلبات المدرسه
بالله احنا شكو بأقلام الصبوره الله يرحم ايام الطباشير واذا شرينا طباشير نشتريها هديه حق الابله اللي نحبها اما الحين ما خلو شي ما طلبوه

 

[noni_q8]

لاحول ولاقوة الا بالله

اذكر امي قالتلي انه مصروفها المدرسي كان ربع دينار تشتري صمونه ب20 فلس وكاكاو ب 10 فلس وبيبسي ب20 فلس وتخش 200 فلس يوميا بالحصاله
وتشتري فيهم اغراض تستانس فيهم

الحيين والعياذ بالله الصمونه بروحها ربع دينار والعصير 150 فلس والكاكاو ارخص واحد بونجوم 50 فلس
نص يالله يكفي هاليهال

 

[رجــــه بـس رزه]

والله شنسوي _((القاضي رااااضي))_

 

[نونه العنونه_H]

ايه والله كل شي صار غالي
الله يعيناااااااااااااااااااا

 

[شقاوتي غير]

والله ياشقاوتي اول بعد الواحد يقدر يطلب من بره
ارخص واحلي
لكن اعووووووذ بالله التجار الكبار ماخلوا للاحد شي
الجمارك كل شي تفتيش وان شافوا ماركه او شي محرز اصلخوج بالسعر
انا اقووووول نرد على بخنق ودراعه ابرك
لا وازيدج من الشعر بيت نص جيراني يروحون شهريا الخفجي مادري الحفر يجيبون ماجله البيت

اي والله هذه امي تقول توووووبه اشتري اواني المنزليه في الكويت !! تروح الخبر وهالمدن هذه تقضى اواني المنزليه ارخص من الي في الكويت والله مدري منو راااس المدببر في هالسالفه !!؟؟!!

 

[أم فـرح الحلوه]

حسبي الله ونعم الوكيل احنا اكلنا الحسد من التجار والدول الثانيه ..

 

[ترووفه]

صااااااااااجهـــ

الله يعيين

 

[طـير7]

اي والله الله يعييناا على قولة بعض البنات حتى سوق السالميه (المعلم)

صار نار اشدعوه

النهب كثر واحنا ناكلها برفعة الاسعار

 

[عاشقة هواك]

اي والله انا فلست بس اروح الجمعيه اخذ لي اشياء الضرورية اتفاجئ السعر فوق 10 دنانير وانا مو مآخذه شي

مثل ما قالوا البنات لا حسيب ولا رقيب الواحد شنو يقول بس الله يعينا

الحين 10 دنانير ما ايب شي بسرعه تطير قبل كانت تكفى وزيادة

 

[هاله الرحاله]

الموضوع يه عالجررررررررررررح

متنا من هالاسعااااااار ولا احد درى عن هوى دارنا

لا حسيب ولا رقيب . وين ماتروحون غلا مثل ماقلتو ماابي اعيد وازيد

بس اول كنا نضحك لما بالفلام المصريه يقولون

لحمه لحمه

ومانقدر انحس باللي اهمه يقولونه

بس بصراحه الحين اقعد مع ريلي واقوله تذكر لما كنا انييب الماجله ونشتري بعيونا لانه كل شي رخيص ومانحسب حساب انه بنتوهق بالبيت ةمنو بيرص هالاغراض كلها واي فريزر بيكفيهم
ونقعد انوزع الفايض لانه من كثر الاغراض ساعات مالها مكان مع انه افريزرنا عوووووود

الحين اللهم ياكافي يمر علينا ايام تصير فيها الفريزر فاضي لا ايدام ولا شي وله نشتري يوم بيومه

اللهم ياكافي شللي سوا بحالنا جذي؟ اله الغلا كلن يتناهشنا من كل صوب

وله عاد الادهى والامر

مكاتب الخدم الله لا يربحهم رافعين علينا الاسعاااااار ولا لااحد يحفظ حق الكفيل ومن تخلص الكفاله اتقب لا ويطالونك بفلوس تذكرتها بعد

وتضطر تدفع تذكرة وفلوس خادمه جديده

وانا كل سنه على هالحاله مع دخلة المدارس حسبي الله ونعم الوكيل :eh_s(11)::rgewrg:

 

[أم بتول*]

والله الغلا بالأسعار مو طبيعي وخاصة غراض المدارس مو معقول هالغلاء يعني يلي عندو خمس ولاد مثلا شو يعمل بحالو جناط المدرسة أرخص شي على 6 و7 هاد غير اللبس والدفاتر مو معقول شو مغليين أسعارهم يعني دفتر ب 350 فلس للصف الاول شو هاد
لا والكذب والغش بكل مكان مهرجان للقرطاسية انو مهرجان بهالأسعار والله حرام هالشي الله يعينا

 

[(دنيتي)]

اي ولله معاج حق بكل كلمه الاسعار تخرع ولله

الله يعين زياده مني والاسعاااااار فوق فوووووق

يسلمووووووووو​

 

[عادت ذكرياتي]

ماكو رقابة وين المسؤولين ؟؟؟؟؟

وحنا بعد ما نجادل أصحاب المحلات ونرضى إنهم يقصون علينا .... ليش جذي !!!


ومرات نشتري شغلات بسيطة ما تستاهل هالسعر ... المفروض نخليها ونهجرها ... عشان يضطرون يقللون الأسعار ...

وهمن بنات ديروا بالكم من الوافدين ... كل واحد حاط عينه الله يكفينا شر هالنوعية ... الفمروض يغبطونا مو يحسدونا حسبي الله عليهم ... لا وهابين بسالفة تعطينهم بيزات زيادة من عندج يعني كريمة ... اللمفروض لا حقي وحقك وبس ما نعطيهم زيادة ... ندفع للجان الزكاة والصدقات أبرك من هالمرتزقة ... وبس

 

[love^angel]

تدرون شنو السبب؟ انتو فكرو فيها قبل جم سنه كانت معاشاتنا اقل وكانت مكفيه الحمدلله بس كل من قام يطالب بكادر وكل ما نزل كادر زادت الاسعار يعني ناس تخرب على ناس ومحد ماكلها الا الي ما عندهم كوادر نفس غيرهم يعني الحين النفط لما اضربو و صار عندهم كادر يوصل تقريبا 500 دينار ماراح تزيد الاسعار؟ بتزيد و ياكلونها المساكين الي ما عندهم كوادر مثل غيرهم
صراحه انا اشوف الناس كصخوها يبون كوادر ومعاشات 2000 دينار وغيرهم ياكلها والتجار يزيدون الاسعار ولا قبل كانت المعاشات اقل والاسعار زينه بس كل كل ما زادت معاشات البعض زادت الاسعار و كلوها المساكين الي مالهم كوادر
صراحه في ناس ما تشبع بس تبي تنهب الحكومه والدليل قالو بعد 5 سنين ماكو رواتب والسبه هالزيادات والكوادر
انا اشوف ان الحكومه لازم توقف زبادات وبنفس الوقت تحط رقابه عالتجار والي يزيد اسعاره يتخالف هذا الحل بنظري لنه التجار صارو استغلاليين