اللهم لا شماتة حوبتي ماتعدتها

[قــل مـا تـشـاء]

ماشاااء الله علييييج
ياليييييت كل مظلوم يتعلم ومايشتكي غير لربنا اللي خلقنا ,,
اهم شي الحين خلاص انسي اللي صار بس لا تتركين التحصينات
الله يوفقج ويرد عنج كيد الظالمين

 

[** باربي **]

لو انا بدالج والله اطقها طق ما افك الا لمن اشوف شعرها متقطع بأيدي

هالايام حماه واخت ريل ما نسكت لها هالدور مرة حمى!!

عيل تحذف عليج وتطق الباب وتطقج باللي بيدها ..!!

هاذي لوث استغفرالله والله يمهل ولا يهمل ودعوة المظلوم احد من السيف

اهي فضحتج بس الله فضحها

بس ابي منج شي ابيج تدزيلي الادعية الي دزتلج ياهم العضوة اذا ممكن...

 

[** باربي **]

اي وحبيت انهبج حصني نفسج هاذي راعية اسحور الحين تصير علي وعلى ادعائي

هاذي لا ذمة ولا ضمير

يمكن تلف عليج لين زوجج يههدج الله لا يقولة مثلها
او حتى تتبلى عليج مرة ثانية بشرفج

لازم تنبهين ريلج على هالسالفه عشان لي وصله حجي بيوم ما يصدقه

 

[lolayasmeen]

ياربي بجيتيني وهيجتي علي مواجع انا كنت نفسج انظلمت وايد بس الحمدلله الله براني
الحمدلله والله مره جذبت علي حماتي وانا ما ادري والجذبه وصلت الريايل وانا ما ادري عن شي
والعالم كلها متطابخه وانا ما ادري ورحت زرتهم فجاه ولا الاقيهم يتهاوشون وحده طلعت جذبت الثانيه
جدامي وانا مو مستوعبه وضعي من الاعراب وبالاخير الكل يعتذر مني بس والله يومها حمدت ربي
سبحانه ربي ياخذ بحق المظلوم ولو بعد حين

 

[شوااقه]

فعلاا سبحان الله فعلاا دعوة المظلوم مابينها وبين الله سبحانه حجاب وعن تجربه شخصيه يمهل ولا يهمل
الحمدلله اللي الله فكم منها والله ينصرج دوم وينصرني على أعدائي ويصلح يارب

 

[أإلع ـشق دلع ـهـأإ]

.




قال الله سبحانه وتعالى للمظلوم " وعزتي وجلالي لانصرنك ولو بعد حين "

انا حااسه فييج انا انظلمت اخ بس

دعيت ربي والله فووقهم يشووف ويسمع ..

مساااكيين نسوا ان الله مووجوود وقاادر ان يفضحهم

اللهم انهم اروني قوتهم علي فارني قدرتك فيهم







.

 

[قمة وذوقي قمه]

ياااااويل قلبي قسم اني حاااااااسة فيج <<<:eh_s(2):وحدة مظلوووومه حيل <<<لكن وربي ساااااااالفتج صبرتني حيل <<<الله ع الظاالم ينصرني نصرررن من عنده:yaaaaaarb:وينصرررررر كل مظلووووووووووم

 

[النوري444]

سبحان الله
الحمدالله وهذي نتايج الصبر والسكوت

 

[amoon]

الله يبشرني بآلنصر على من عآدآني وظلمني
يآ آكرم آلآكرمين

 

[amoon]

فديتج ممكن تحطين الدعاء اهني عسب الكل يستفيد

 

[شفايف كرزيه]

اعوذ بالله في ناس جذي
الله لايوفقها الضليمه شينه
وزين ربج اخذلج حقج منها وفضحها بشر اعمالها
استغفر الله

 

[هاناا]

الله ما ينسى المظلوم

 

[مقمش لولو]

الله يجيركم عن الشر لاحول ولاقوة الا بالله فى ناس هالشكل؟

 

[أحبه موت]

الحمدالله ربج ماخيب ظنج والحمدالله ان الله انصرج عليها وفكج منها ومن بلاويها
دعوه المظلوم ليس بينها وبين الله حجاب​

 

[ام نجـــلاء]

انا اذكر موضوعج اولي وصج كان مبين عليها نسره ولاتخاف من حد

بس ربج خذا حقج وفضحها

 

[دلع العتبان]

ربي يصبر قلوبكم

 

[al3sooola]

حسبي الله ونعم الوكيل فيها اعوذ بالله منها
شنو من بشر هذي :rgewrg:

 

[بسكوت السعادة]

يابعد عمري كلكم واللة وانا اقرا ردودكم قاعدة ابجي لاني لقيت من اشكيلة همومي بعد ربي سبحانة مع اني تعلمت السكوت من الوحدة اللي عايشتها ولقيت خوات يدعولي مع انهم ما يعرفوني عسى ربي يرفع الظلم على كل مظلوم وينصركم بنات انا من دعيت ربي ما استعجلت الاجابة بس اللي استعجلت فية انة يعطيني الصبر وكنت كل يوم من القهر واللة وهي بسبوع عرسها تدق على خالتي لانها مكوكتها تقولها فلانة تتجسس عند الباب تتسمع علي وانا نايمة مع زوجي يرضيج واللة تجيني الخالة السنعة وتهيني وبس تبي تسمعها لان بابي مجابل بابها وترضيها على حسابي وزوجي شايفين فرعون شلون ميت هذا زوجي بس نايم ويقعد على صوت امة ويرجع يعطيني ظهرة وينام وين ازعل وين اروح مالي غير ربي

وبعدها بكم يوم كافخة خدامتي والا تسفرونها ليش اتحقرني وخليت الخدامة معانا بالغرفة مع اني بس بغرفة وحدة انا وعيالي وخدامتي

واللي للحين مأثر فيني مرة كنت بالمطبخ تحت اسوي عشا لزوجي والا الهانم بس شافتني دشت وراي واللة اني مت من الخوف قلت اللة يستر
جان تفتح الجدر واتقول اللة اسبكتي كثري انا ابي وانا ما ارد عليها اي كلمة اقولها انا غلطانة جان تركت الجولة ورحت عند الثلاجة والا جان تصيح صيحة واللة انا معاها بالمطبخ ركضت عليها ابي اشوف اشفيها واللي بالصالة كلهم اترسو المطبخ جان تقول حسبي اللة عليج كل هذا حقد شتبين مني ريل وعندج ولا عشان ما سوولج عرس انا شذنبي واللة انصدمت وتقولهم كتت علي الدهن وحماتي الثانية عارفتها وتفتش ايدها وين حرقج وهي كل اشوي بمكان والخدامات اشهدو معاي يقولون ماما كانت عند ثلاجة وهذي عند طباخ واللة كلهم اعرفوها كذابة بس اللة يسامحها خالتي طيحت حظي وكتت اكلي كلة بالمغسلة واطردتني من المطبخ
ورحت فوق ابجي ونزل زوجي تحت وهي مسوية روحها مصروعة وخاف من امة ورجع يقول نطلب مطعم بس حموني وحمواتي وحريم حمويني ماخلوني ذاك اليوم وخلو خالتي وجنتها تحت وجو اقعدو عندي

والا بالليل ان خالتي جاية تتاسف وتقولي اتستر منها وادري انها جذابة بس اتكفى شرها زين اعتذري قدامهم مثل ما زفيتيني قدامهم وتقص علي انا امج وحدة تزعل على امها واللة تخسين توصلين مواصيل امي


هذي مجموعة أدعية كرريها ورة كل صلاة ( كتبيها على ورقة وبعد كل فرض أقريها)

الدعاء الأول :
حسبنا الله ونعم الوكيل ( كرريها 100 مرة باليوم ) أو 1000 مرة كثري منها وبتشوفين شرها أنقلب عليها . تدرين ليش لأن الآية الكريمة تقول :
(الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل .فانقلبوا بنعمة من الله لم يمسسهم سوء واتبعوا رضوان الله والله ذو فضل عظيم ) صدق الله العظيم

الدعاء الثاني :
اللهم أنا نجعلك في نحورهم ونعوذ بك من شرورهم .

الدعاء الثالث:
اللهم رب السماوات السبع ورب العرش العظيم كن لي جارا من ( فلان بن فلان وقولي اسمها) وأحزابه من خلائقك أن يفرط علي أحد منهم أو يطغى عز جارك وجل ثناؤك ولا إله إلا أنت .

الدعاء الرابع : وهو أهم دعاء .. مجرب من ناس أنظلموا وربي رد أعتبارهم ..

الله أكبر الله أعز من خلقه جميعا الله أعز مما أخاف وأحذر أعوذ بلله الذي لا إله إلا هو الممسك السماوات السبع أن يقعن على الأرض إلا بإذنه من شر عبدك ( فلان بن فلان .. قولي اسمها ) وجنوده وأتباعه وأشياعه من الجن والأنس اللهم كن لي جارا من شرهم جل ثناؤك وعز جارك وتبارك اسمك ولا إله غيرك .

ألحي بالدعااااااااااااااااااااااااااء وتخيري أوقات الأستجابة وربي راح يرد كيدها إلى نحرها ومصيرهم بعرفون هذي شنو وأنتي شنو .. بس خليج واثقة من الله سبحانة . بالحديث الشريف إذا المظلوم دعى ربه الله سبحانه يقول ( وعزتي لأنصرنك ولو بعد حين ) ...


بسبنات بقولكم شي يمكن لوسويتوة راح يفيدكم باذن اللة كنت من القهر ما اشتهي اكل الا لما جسمي يرجف من الجوع فقررت اصوم وكنت اردد هالادعية واللي يطلع من قلبي وكنت اصلي الفجر واقعد تقريبا 4 ساعات اقرا قران واحس بقشعريرة وانا ادعي وابجي واللة احس كاني بحضن امي وبعده انام واقعد قلبي بارد

 

[jaaanooo]

جد يا سبحااان الله .. لكل مظلووم حوووبه ... الحمد لله انتهت الامور على خير

 

[Killer^Girl]

حسبي الله عليها
والحمدلله الي الله كشفها وطلعتي منها