اللهم كل ام زوج متسلطه تشغلها بنفسها يارب

[زوجة عزيز]

الله يعينج

 

[عيش و مرق]

صرااحة ما الومج السالفه اوفر

لا تدعين خوفج يطيح بالحلو

بس صج بعض الاهل هيلق ما يفهمون انه المرة عروس وتوها ايامها مع ريلها

تشتغل الضغينة والحقد عليها يضايقونهم حتى بالطلعه اعرف ناس يضغطون على نفسهم

وامه تسهر وتشاخر بالسينما بس الا تضايقهم بالطلعه

الاهل الاوادم السنعين الي شايفين خير يعرفون الاصول

يعني مو شرط نعكسها لو امج لو جنتج عكسوها على الام الدعله

لو اهيا وابو الولد ببداية زواجهم لا يكون بتسكت لو يدته بتطلع معاهم وبتسافر معااهم

صج ويييع الله يعينج لصقه عنزروت

يعني سؤال الحين اهم قبل لا يتزوج كانوا يطلعون معاه ويسافرون معاه دخله وطلعه!!

ولا احلوو يوم صار معاه مرة ولازم خصوصية !!!

معاج ياكره الاهل لى صارو لزقه وادعل عيب يعنى ترضين بنتج تنقهر من ام زوجها لو كل ام عدت زوجت ولدها مثل بنتها جان ماغثتها ولزقت فيها كنه اول مره بحياتها تشوف ولدها :eh_s(15):

 

[ملوكة الامورة]

الله يعينك

 

[متواضعة]

الله يسر امورج

 

[منـــاي]

ليش هالنظره السوداويه للحياه مشكله صغييييييره و ما تستدعي تقولين خيره ما حملت استغفري ربج انتي تفكرين بالانفصال عشان امه بتسافر معاكم تخيلي انها فعلا امج وكوني ايجابيه استانسي وونسي الي حوالينج لا تيبين لنفسج الظيقه عشان اسباب مثل هذي ولا عمرج بيضيع بالهم و الغم و كلها سفره و ان كان خاطرك تسافرين مع زوجج بروحكم قوليله قبل ما يقول لاحد من اهله و انتهت المشكله بس باسلوب حلو و بنعومه و لا تيبين طاري اهله تحياتو*

 

[// هيبة ملكه //]

رد: رد : اللهم كل ام زوج متسلطه تشغلها بنفسها يارب

يعني مزعلج انه يحب أمه؟؟
اشوفج كاتبه

!! لاحول ولاقوه الابالله !
وصلتوا لهالمواصيل !
حبيبتي هذي امه هذي حلوه اللبن
هذي الي حملت ويابت وربت وعابلت
مو انتي حبيتيه سنه وتبين تغيرينه !

انتبهي تكونين سبب تغير الريال على اهله
حمدي ربج ريلج معدنه طيب وفيه خير لااهله
الي مافيه خير لااهله مافيه خير للناس ولا لج وعيالج باجر

وأستغفري ربج على هالدعوه لاحول ولاقوه الا بالله
باجر اتيج مرت اخو تدعي نفسها على امج
ولايعاقبج ربج وترجع لج دعوتج

ردي قاسي بس من باب النصيحه ولو ماابي لج الخير
كان مارديت عليج بعقلانيه وبصراحه بدون مجاملات

والسفرات الايام قدامكم يامالج من الخير
مره معطيتج قطعه من يوفها طبيعي تحس بغيره بخوف انها تفقد ولدها
بالبدايه بتلزم على الروحه والرده معاكم بس عشان تاكد ولدها ماتغير

لاتكونين سبب شر بين الريال واهله

مناير كلامج درر وانا والله اايد كلام اختي مناير لان هذا الصج

هي عطتج قطعه من يووفهااا بس احمدي ربج ان زوجج يحبج وحاولي انج تكسبين رضا ام زوجج لان اذا كسبتي رضاها اول شي تربحين بالجنه اهم من كل شي وثاني شي راح تخف الغيره علي ولدها لانها حبتج وصرتي مثل بنتهااا وارد واودعكم بم ازواجكم ترا مهما كانم حريم كباار واكسبو رضاهن مهما كانم تراهم جدات الغااااااااااااااااااااااااااااااالين

 

[المزن هتان]

السلام عليكم ..
اللهم اشغلها بنفسها ياكريم انت قادر على كل شي حسبي الله ونعم الوكييييل :yaaaaaarb:
اكتب لكم وانا ابكي بعد مااكلت اظافري وعفست شعري من القهرررررررر:eh_s(2):
.. انا احب زوجي ومابي انفصل عنه بنفس الوقت مو مرتاحه بعيشتي .. شلون افهم زوجي اني ابي اخذ راحتي بدون لايحس اني ماابي امه ... :eh_s(2):
:eh_s(1):

الله يهديج كل هذا وتقطع بشعرج وتآكلين أظافرج علشان أمه بتروح معاكم
خليها تروح رايحه بحلالها وحلال ولدها
ودام إنها ما تحرشه عليج ولا منغصه عليج عيشتج ولا كارفتج بشغل البيت أنتى مو خسرانه من حلالج شيء كلن رايح بماله وحلاله
اللى واضح إنج على طول كله سفرات بسفرات الله يهنيج فحمدى الله على هالنعمه فيه خالات ما يخلون حريم عيالهم يشمون ريحة السفر
والله يا أختى ما فيه داعى تدعين علي خالتج هالدعوه الجايده أعتقد الأمر ما يستاهل
حطى أمج بنفس الموقف ترضين عليها هالدعوة طبعاااا لالالالالالالا
مفروض تقولين الله يهديها ويسخرها لى
وحاولى تقعدين مع زوجج قعده صريحة وتقولين له ودى أجرب السفر بروحنا مثل أيام شهر العسل ومن هالحجى الحلو وهو راح يتشجع
أما إنج تدعين على أمه وتعفسين روحج وتعبين صحتج هذا ما ينفع ولا منه فايده
والله يهدى الجميع​

 

[شاربة بيبسي ومدلعة نفسي]

الله يعينج عليها
بس اهم شي انج ماتدعين على ام زوجج
ترى والله باجر يصير فيها شي انتي راح تتحسفين الله يهديها انشالله وتفج عنكم شوي

 

[أحبك أمي]

انت تحبين زوجك لاماصدقتي
ولاتدعين على امه الله يشغلها بنفسها سبحان الله
ليش ماتقولين الله يهديها ويسخرها لي يعني قل الكلام الحلو عندك
وش فيها اذاراحت امه معاكم خليه يبرها ويطيب خاطرها
اللي مافيه خيرلاهله مافيه خيرلك
يعني وش رايك يقطع علاقة بامه هذا يرضيك
هذي امه ماهي ضرتك
الله يهديك