اللهم عوضنا خير عاجلا غير اجل يارب

[مذهــلــه]

توفا

جزاج الله خير حبيبتي والله يسمع منج يارب

 

[معزوفة عشق&]

ياربي يا حبيبي يعوضك خير انتي وكل اللي مرو بنفس حالتك
دخلت وماحبيت اخرج من غير مادعيلكم ..

 

[mi corazon]

مذهله قبل ما تفكرين تحملين بإذن الله سوي كل التحاليل ولو رحمج ما يتحمل سوي ربط عقب الشهر الثالث وربي يرزقنا خير

 

[مذهــلــه]

همس المشاعر

حبيبتي جزاج الله خير حبيبتي وربي يحفظلج عيالج والغاليين عليج ولايوريج مكروه

 

[مذهــلــه]

مي كارزون

ان شالله هذا اللي راح اسويه بالمرحله الجايه

بس محتاره اي دكتور اروح خاص والا حكومه

 

[mi corazon]

روحي هذا وذاك

 

[مذهــلــه]

اي بس محتاره بالخاص اي دكتور او دكتوره؟!!!

مو عارفه اقرر اتصلت كنت بروح حق محسن طلبه بس مسافر ودكتور ناهض عطوني موعد شهر ١٢ وناهده تليفونها مشغوول طول الوقت

مادري عند منو اراجع

 

[shjoonaa]

الله يعوضج خير حبيبتي بس اهم شي نفسيتج عشان تحملين بسرعه

 

[مذهــلــه]

نفسيتي والله مرات زينه ومرات ابجي مادري من الهرمونات

واني ماتطهرت فمااصلي للحين ومليت من قعدت البيت

الله المستعان

مشكوره حبيبتي ويعطيج العافيه عالرد

 

[mi corazon]

مذهله نفس الحاله بس أمي تصبرني وترقيني

القرآن سمعيه قناة السعودية قران حلوه منظرها يهدي الأعصاب بعد


شوفي انا وايد قريت عن الدكتور مايكل نيجيري بالصباح الكل يقول عنه توب حتى رفيجتي جربت عنده تقول شاطر وفااااهم

ولو عندج احد بمستوصف الفحيحيل التخصصي اكو دكتوره اجنبيه رحتلها مع رفيجتي اللي تشتغل هناك وسألتها وايد ارتحت لها تكلمج كلام مقنع وتحسينها فاهمه شغلها مؤ بس تعطيج رؤس أقلام وتمشيج ... بس بطاقتي مؤ عليهم حسآفه

الخاص أختي وبنت خالتي مدحوا روبينا بالسيف ... بس انا كنت عندها قبل يومين من اجهاضي فا الحين مابي ارحلها صراحه السبب نفسي

اكو ناهده العلي يمدحونها أهلي

وهم سوي سيرتش

 

[مذهــلــه]

حبيبتي جزاج الله خير على ردج وتواصلج معاي

وربي يفرح قلبج بالحمل السليم المعافى يارب

انا ناهده في ناس يمدحونها وناس يذمونها

والحكومه في دكتوره اسيا بالصباح هي استشاريه بحاول احط عندها موعد وان شالله خير


بس بعد حابه استشير احد بالخاص ليطمئن قلبي

اشرايكم بمعصومه؟؟

 

[mi corazon]

اذا قصدج معصومه مخصيد فا الكل يمدحها بس مواعيدها متعبه جداً وممكن تنلطعين وآخر شي تخلي المراجعين وتروح ولاده

بس الكل مدحها

 

[مذهــلــه]

حتى ناهده قالولي عنها نفس الشي ممكن تطلع وتخلي الحريم ناطرين

والله احترنا

 

[بنك بااستا]

الله يعوضج بحمل سليم ياارب ويشفعلج عند الجنه

 

[مذهــلــه]

جزاج الله خير حبيبتي

 

[انسام الكويت]

الله يعوضج خير وقولي الحمدلله على كل شي ربج ادرى بكل شي

والله يعوضكم يا مي كارزون وغلا مشاري خيره لكم وربي كريم بعباده

راح يكركم بالحمل السليم ويتممه لكم 9 شهور ويفرح قلوبكم انتم وكل محرومه

 

[mi corazon]

يزاج الله خير أنسام الكويت حبيبتي ماتقصرين


امين يارب

مذهله صاجه الزينه يصير عليها طق مطاقق وتصير المراجعة عندها باليالله

انا توني قاعده اقرأ عن ناهض حماديه وعجبني كلام البنات انه شاطر

بس دام حالتنا مانعرف ليما الحين شنهي فا ماراح اروحله الا لو مانعفوا الحريم والله يغنيني عنه ويسترني

بس صج اكثر اللي عليهم الدوس ناهده ومعصومه وخالده

استخيري وربي يسهل لج اللي فيه خيرج

 

[مذهــلــه]

انسام حبيبتي

جزاج الله خير حبيبتي وماتقصرين على هالدعوه الحلوه

والحمدلله على كل حال

 

[مذهــلــه]

مي كارزون

اي والله ان شالله مافي احسن من الاستخاره وربج يكتب اللي فيه الخير والصلاح

 

[# غنوجة بيبي #]

أول شي الحمدلله على سلامتج و عسى ربي يعوضج

اهم شي انج بصحه و عافيه

و اللي عطاج واحد بيرزقج بغيره بإذنه ، صدقيني هذا ابتلاء

و رددي : " اللهم أجرني في مصيبتي و اخلفلي خيرا منها "


1- اشلون اعرف اني خلصت من النفاس انا بس اعطوني اجازه اسبوعين وحاليا عند امي تنفسني؟
وصدري حيل يعورني شنو اسوي؟؟

انا اتذكر طولت 20 يووم ، و بعدها شفت الافرازات البيضه و عرفت اني نظفت

2-- شنو اسوي قبل مارجع لزوجي ابي احسن مظهري ونفسيتي لاني وايد ابجي من شفت الجنين بايد الممرضه تعبت نفسيا.... ابي ارجع لزوجي وانا نفسيتي مثل اول؟

اقري ادعيه و حاولي تلهين نفسج بشي .. والله حاسه فيج انا اجهضت على الراابع و شلت بايديني الجنين و انا اصيح من الحزن
الناس ما تعرف غلات الجنين لانهم ما عاشروه ، بس الام تحس بالجنين قطعه منها حتى لو حامل فيه بثاني شهر ، لان موجود باحشاءها و انتي تحميننه ، بس شنسوي ، هذي ارادة الله ، و الله ما اخذ ششي الا و اهو خيره ، عسى ربي يعوضج .

3- شنو اسوي بشكلي قبل ماارجع لزوجي؟

انا اذكر جبت صالونه و حفيت و سويت حمام مغربي ، و رحت السوق شريت بجايم و قمصان نوم و عطر و لوشن و كشخت




4- متى ممكن يصير جماع ومافيه ضرر علي؟؟

لا عادي ماكو ضرر كلش ، بس تنفسي عدل عدددددل ، و اكلي و لا تخلين بطنج فاضي كلش ، بس بتحسين باول اسبوع الام بالبطن خفيفه مع الجمااع و عوار بالمهبل عزج الله
5- وعادي اذا صار حمل مباشره والا لازم انطر؟
لازم تنطرين من 3 شهور الى 6 شهور

عشان الرحم يتقوى




سويتي تحاليل سبب الاجهاض ؟


انا سويت و طلع عندي تجلطات دم


سوي و طمني عمرج عشان الحمل الثاني تعرفين لنفسج


الله يعوضج و يعوضني و جميع البنات يا رب