اللهم بلغنا رمضان ... ابي فكرة لهدية رمضان

[سعادتي برضى ربي]

السلام عليكم ورحمة الله وبركاته


اللهم بلغنا رمضان واعنا على صومه ياااارب


ابي افتح موضوع جديد حق هالسنه وشنو الافكار لهدية حق خالتي ام ريلي ...وامي

ابي فكرة مميزه ومفيده


:gathering: بإنتظار مشاركاتكم المميزه

 

[الرتاج29]

الله يبلغنا وياج اللهم آمييييييين
العام سويت صينيه بالسدو وحطت فيها مبخر ومرش وصندوق للبخور والمرشوش شكله وايد حلو واخذو منه وايد ناس بس مو راضيه تنزل الصوه بحاول اواريج ايها ، وتقدريين تسوين ست من البخور والمرشوش وتحطينها بسله وتزينينها بشغلات من بياع الورد ملوت الرمضان ، او ماعون تزينينه وتحطين فيه قمردين وسمسميه اي شي حلو حق الاكبار .
هذه بعض الاشياء افكرج بعد وقولج واحاول احط الاصور اذا قدرت
انشالله اكون ساعتج

 

[سعادتي برضى ربي]

امين يارب


افكارج حلووووه


مشكووووره وماقصرتي

 

[بنت الهنوف]

انا بعد قاعده افكر نفس موضوعج
اشرايج تشترين زبيل الحجم الكبير وتحطين فيه من داخل خام السدو وتزينينه بفوانيس من بياع الورد وسوالف وايد للتزين بس شنو اتحطين انا اقولج

بطل واحد فيمتو
ماي ورد
ماي لقاح
تمر
قمر دين
وفي طاسات صغيره حطي فيهم رهش و زلابيه وحلوه وسمسيه
دهن عود
رشوش
بخور
عاد اي شي بالج حطيه ان بسوي حق امي وخالتي واول ما اخلصها بحط الصوره

 

[ورده القصور]

تقدرين اتحطين نفس الزبيل بس داخله قوري اللي حق الدوه اللي على زجاج ملون ابعونه باسوق المباركيه حطي طقم 3 احجام واحد للشاي واحد للزعتر واحد للومي وحطي طقم استكانات وطقم فناجين للقهوه وصواني احجام ومبخر وكون حلو وفانوس

اشرايج

 

[الرتاج29]

افكاركم حلوه وايد اعجتني

 

[سعادتي برضى ربي]

روعه افكاركم

بعد نبي افكار مميزه هالسنه

حدي محتاره

مرات اقول ودي اخذ لها مواعين حراره طقم راقي

وللحين افكر

 

[sarina]

حبيبتي أنا سويت حق أمي وخالتي سجادة صلاة مع الثوب مال الصلاة ألي يكون ملفوف ببلاستك طقم وحاطة فوقة مصحف ولفيتة بتور ومع شوي حركات من الورة بصراحة طلع روعة ...

 

[R&N Store]

روحي عطورات العبدالمسن و اشتري صندوق فيه عطور و دهن عود و رشوش و بخور..

و لا اشتري صندوق و حطي فيه صينيه مالت اول و جيسه بقصم و كرتون درابيل و 6 استكنات ام نقطه
و معاهم صندوق صغير حطي فيه دهن عود و بخور يكون زين و غالي ^_^

 

[عبق البنفسج]

ان شاء الله تعجبج فكرتي لاني بسويها حق امي وخالتي

بييب سلة أو زبيل وبحط فيه شغلات خاصة حق رمضان مثل فيمتو جيس هريس وجيس يريش وكريم كرمل ومحلبية وقمر دين ... الخ

أو في شغلة ثانية سويتها العام وهي .. يبت زبيل ولبسته خام مخمل وحطيت فيه ثلاث طوس .. وحدة فيها غريبة ووحدة فيها زلابية ووحدة فيها بلح الشام .. الطوس نفس الي تنباع بحلويات هيل وزعفران

 

[سعادتي برضى ربي]

مشالله تهبل افكاركم

تسلمون بنااات

 

[أم حمني المزيون]

أفكاركم واييييد حلوة
مشكورين كلكم

 

[جاردينيا_2000]

مثلا دراعه مع شحاطتها ..عبايه ويه شيلتها او مع دهن عود ..اطقم شاي ..او طوس حق التمر ..او صواني فرن او استيل للسحور ..مفرش حلو حق طاوله الطعام ..او شي اكشخ مثل ساعه او خاتم او اسوار تتكشخ فيه ..بعد شنو ..في اثواب صلاه راقيه الي اسوونهم البنات للصلاه مع كرسيه وشنطته .. بس هذا الي عندي [/COLOR] وعاد انتوا اتفننو في تزينهم ..اتحطونهم في زبيل او صندوق او بكشه ..كيفكم

 

[سعادتي برضى ربي]

جاردينا : اعجبتني افكارج حييييل

مشكوووره ماقصرتي

ونخلي هالموضوع مرجع لنا حق اللي تبي افكار شرايكم

 

[%عسولة الحلوة%]

خوش افكار مشكورين

 

[سعادتي برضى ربي]

العفو حياااج الله

نبي افكار مميزه بناات

 

[كويتية80]

انا صراحة كل سنه اشتريلها طقم مطارات حق الشاي والقهوة وايد تستانس عليهم وكل سنه ينزلون اشياء جديدة وحلوة واشوفها تستعملهم خلال السنه كلها وكل ما يزورها احد تقوله هذا طقم جنتي يايبته لي

 

[EL-lolo]

والله افكار حلوة يعطيكم العافية

 

[lamsety]

خواتي شوفوا موضوعي فيه شغلات حلوه ومفيده خصوصا ان برمضان تكثر الزوارات واليمعات

وكل عام وانتم بخير

http://www.q8yat.net/showthread.php?t=204603

 

[سعادتي برضى ربي]

Up