اللهم ارزقني

[ghadeerq8]

بنات شلونكم شخباركم ان شاء الله تكونون بخير صار لي سبع اشهر متزوجه و من ثاني شهر زوجي يحن علي ابيج تحملين و صارت مشاكل بينا وايد على هذا الموضوع مو راضي يقتنع انه الموضوع مو بيدي و يقول انتي تاخذين حبوب منع الحمل علشان ماتحملين و احلف له اني مستحيل اسويها و مايصدقني
انا للحين ماراجعت عند دكتوره و اليوم قبل شوي يتني الدوره و زعلت و تضايقت حيل لانه هل شهر حاولنا وايد و كانت لايعه جبدي و ابي ارجع يعني شي قريب من اعراض الحمل
ناويه اراجع عند ناهد العلي بتصل فيهم باجر اخذ موعد و خايفه وايد انه يكون فيني شي بنات تكفون ادعولي و الله يرزقكم و يرزقني بطفل ياااااااارب
و اي شي بيصير معي بقوله لكم تكفون لاتخلوني

 

[<<الأميره>>]

لاتفكرين وايد بالحمل لان التفكير بيأخر الحمل
ولاتوسوسين مافيج الا العافيه ان شاءالله

 

[cat_women]

ان شاء الله مافيج الا العافيه
و الله يرزقج يااااارب

 

[ماتغير شي]

حبيبتي انصحج بناهض حماده وايد شاطر ويخاف ربه بس استخيري قبل ماتروحين


وبعدين توج عروس حاولي الشهر الياي لازم يصير جماع بايام التبويض عشان يصير حمل


وان شالله تحملين الشهر الياي الله يرزقج الذريه عاجلا غير اجلا

 

[سمو النفس]

راجعي الدكتور ناهض وبعدين تووج فيه بنات يحملون بعد سنه عادي وانتي توج وربي يرزقج باللي تتمنينه

 

[يوم وليلة]

الله يهديه ويسخره لج
حبيبتي لاتخافين ماعليج الا العافية

 

[ام غازي 2012]

شفيهم رياجيل
هذه شي من الله
مو بيدنا
استغفرلله العظيم

 

[عسل حدي]

(بسم الله الرحمن الرحيم (اللهم اني اسألك ولا اسأل احدأ غيرك اللهم بحق هذه الاسماء المباركة اللهم بألف الابتداء بباء البهاء بتاء
التأليف بثاء الثناء بجيم الجلال بحاء الحمد بخاء الخفاء بدال الدوام بذال الذكر براء الربوبية بزاء الزيادة بسين السلامة بشين الشكر
بصاد الصبر بضاد الضوء بطاء الطول بظاء الظلام بعين العفو بغين الغفران بفاء الفردانية بقاف القدرة بكاف الكلمة التامة بلام اللوح بميم الملك بنون النور بواو الوحدانية بهاء الهيبة بلام الف لااله الاانت بياء ذي الجلال والاكرام اللهم اني اسألك يامن لاتضجره مسألة السائلين يامن هو خبير بماتخفي الضمائر وتكن منه الصدور اسألك ان تصلي على محمد وال محمد وان تجعل لي من كل عسرأ والى كل خيرسبيلا برحمتك ياارحم الراحمين بحق محمد واله الطاهرين

 

[ghadeerq8]

بنات الحمدلله راجعت اليوم عند عيادة ناهده العلي و فتحت ملف و دخلت ما شاء الله عليها تهبل و ربي حسيتها امي و انا بنتها طبعا كنت معه زوجي و تكلمنه و قلت لها صارلنا ست اشهر قالت عادي طبيعي بس نسويلج فحوصات علشان نطمن و دخلت غرفه السونار و الحمدلله ياربي رحمي طبيعي مافي شي و عطتنا اوراق تحاليل سويناهم بمختبر جنب العياده و النتايج دزوهم لعياده ناهده العلي و بعدها بساعتين اتصلت فيني سكرتيرتها العسل و بشرتني والله فرحت حيل قالت كل تحاليلكم انتي و زوجج طبيعيه بس عندي سونار داخلي علشان تشوف حجم البويضات بعد ما اخلص دورتي باسبوع تقريبا

 

[ماتغير شي]

الحمدلله ان تحاليلج سليمه وريلج خل يحلل وان شالله مافيكم الا العافيه بس اهم شي تابعي ايام التبويض مع الدكتوره والله يوفقج ويرزقج من حيث لا تحتسبين

 

[حبي راشد]

عادي


الحريم الكبار يقولون المره تحمل من سنتها
ولارد سنتها




يعني اول يووم من زواجها

ولا على مطلع السنه الجديده ..
يمكن لاخلصتي السنه تحملين


والله كررررررريممم







يوفقج ربي ي الغغغغلااا








والله يرزقنا كككككلنا

 

[# غنوجة بيبي #]

الله يرزقج يا رب

 

[# غنوجة بيبي #]

رفع

 

[عسل حدي]

استغفر الله العلي العظيم واتوب اليه
استغفر الله العلي العظيم واتوب اليه
استغفر الله العلي العظيم واتوب اليه

 

[ghadeerq8]

مشكورين بنات ماقصرتو الله يرزقكم ب ألي اتمنونة دورتي بعد عشر ايام دورتي يااااااارب ماتنزل
واذا ربي مو كاتب هل شهر و يتني ): الدكتوره راح تعطيني كلوميد من ثاني يوم دوره
الله يرزقكم و يرزقني

 

[bnt_kwt]

الله يرزقج ويرزقنا بكل ما نتمنى

 

[حرم_الغلا]

الله يرزقج

 

[omal7lo]

الله يرزقج يارب

 

[ghadeerq8]

و يرزقكم مشكورين يا احلى بنات

 

[عسل حدي]

الله يرزقج يا ب