الللي سوت قرقيعان حق اعيالها السنه تدش؟

[بدابد]

السلام
بنات ابي اسوي قرقيعان ومو عارفه من وين اسوي ؟
ابليز ساعدوني اللي اتعرف حريم يسووووون وشغلهم حلو وامجربينه دزولي رقمهم ابليز والللي من المحلات اتقولي وين؟
ابليز لا اتخيبون ضني فيكم؟

 

[rororo4]

هلا والغلا اختي رفيجتي اتعرف وحدة سوتلها قرقيعان السنة اللي طافت وايد حلو شغلها وتسوي علي حسب الطلب يعني ماتلقين جاهز عندها ولازم تطلبين قبلها بوقت بس شغلها روعة اذا تبين رغمها اسئلها لج

 

[May 7amad]

سلام اختي, انا السنة الي فاتت سويت عند وحدة قرقيعان مو طبيعي كان احلا قرقيعان في بيت اهلي و اسعارعا رخيصة ( 2- 2 و نص) انا استاذنت منها علشان احط رقمها 6911514

 

[mooomooo]

والله اختي انا دايمن اسوي القرقيعان بيدي

ويطلع احلى قرقيعان

وشي غريب

والكل يستانس عليه

وعندي فكره جهنميه هالسنه ان شاء الله

 

[Angel]

شوفي هالموضوع وان شاء الله يفيدج

http://www.q8yat.net/showthread.php?t=34759

أو سوي بحث "قرقيعان" وشوفي اللي يناسبج

 

[خبيرة اعشاب]

و الله القرقيعان دايما انا اللي اسويه بنفسي ...

اشتري لي علب قرقيعان حلوة من مركز سلطان او صناديق صغيره من رامز ...احط بكل وحده دبدوب صغير او لعبه و بعدين احط الكاكاوات الميني و قرقيعان الصيداوي المخلووط و خلاااص

 

[أمواج البحر]

انا بعد دايما اسوي القرقيعان بنفسي

صج تعب بس متعه و اشتري الاغراض من حولي المجمع اللي فيه محل بياع الورد

وشغلج يكون مميز و الحلاو اشتري من الجمعية و اخلط معاه قرقيعان الصيداوي و بس

​

 

[بدابد]

مشكورين على الردود وناطرين باجي البنات

 

[جرح الليالي]

جيكي عالخاص اختي