الكي نت وسيلة للنصب ديروا بالكم

[*ماي الورد*]

ديروا بالكم لمن تشترون بالكي نت

دائما تاكدوا من السعر عل الفاتورة و الشاشة

صارت فبيني و بريلي جم مرة

مرة شريت جنطة و اتفقت مع الفلبينية على 35 د بعد المكاسر

و عطيتها الكرت علشان تسحب بالكي نت لمن عطتني الفاتورة و لا ساحبة 38

قتلها انا متفقة معاج على 35 جان تقولي سوري مدام بذال لا اطق 5 طقيت 8 ( لا والله حلفي صدقتج) :rgewrg:

و مرة ريلي بعد بالجمعية طلع حسابة 28 و خردة عطاه الكرت وسحب طالع الفاتورة ولا الاخ ساحب 30

و لمن حاجاه ريلي يقوله الحرامي ما كو فرق بين 28 و 30 ( يستعبط الاخ ) :cxxxp:

و بعد بمحطة البنزين صبينا بنزين بكرت البنزين

و لمن ريلي خذا الفاتورة و لا رفيق ماخذ دينار فوق البيعة

و بعد عندي سالفة بس مالها علاقة بالكي نت


بسويت فاكتوري كان حزة عيد

ياهل كان جدامي يحاسب مسكين مطلع عيديته كلها من جيبه الظاهر الفلبينية طمعت مادري حسيت خذت مبلغ

فوق البيعة و انا كنت وراه حاسبت طلع المبلغ 1,620 بالشاشة جان تقولي 1,650 عطيتها تصدقون و لا ردت لي الباجي على كيفها الاخت صج انه مبلغ زهيد بس من باب الامانة تعرضهم علي و انا اقولها اخذيهم





و الله شايفينا مقصة هالاجانب و طوفة هبيطة حسبي الله عليهم

 

[@ جمانه @]

رد : الكي نت وسيلة للنصب ديروا بالكم

صاجة والله

مرة رحت اشتري جوتي وانتوا بكرامة من الحوش وكان سعرة 15 دينار وعطيته الكرت وآنا طالعة طرشلي البنك مسج انه انخصم من حسابي 150 دينار يعني الحمار زايد رقم صفر على المبلغ وانا مو منتبهة والحمدالله راعي المحل كان موحود ورجعلي باجي المبلغ كاش

 

[مرامي ذهب]

رد : الكي نت وسيلة للنصب ديروا بالكم

صاجه اختى
مرات يحطون صفر جنب الرقم بال ما يسحبون 10 يسحبون 100 وعشان جذى لا زم نحتفظ بالوصل لانه يكون اثبات لج اذا صار غلط بالسعر

 

[ياشايل الظبى]

حبيبتى لازم نشيك على المبلغ قبل لانطلع من المحل .. خاصه لما نحاسب بالكي نت
لمتى واحنا مدمغين وهالاجانب هات ياسرق

 

[bobo lover]

امبيه والله صاجة
شكثر اسمع سوالف من رفيجاتي عن هالشي.:cxxxp:

 

[الإسراء]

اي والله صاجه .. أمي دايما ً تنبهنا قبل لا تدقين الرقم السري تأكدي من السعر ..
لأن مرة صادف وياها الموقف في دبنهامز سوق شرق .. كان ٤٥ بس اللي سحبو منها ٥٤ وقالولها ترد تستلمهم من البنك الوطني ..

 

[فرحه عمر]

حبايبي هذا ولااااااااااااااا شي

سمعو مصيبتي للعظه والعبره
كان وقت رمضان والدنيا حوسه وتجهز للعيد وانا توه واصله خدامتي وانا على طول من اخذها امر فيها المحاميد اشتري لها ملاب داخليه ويونيفورم وفوطه وهالسوالف عشان جنطتها تنقفل ومالها اي شغل فيها
ماعليه من كل هالحجي .......... المهم شريت لها الاغراض وشريت لخدامه امي بعد طلع الحساب بحدود ال 24 دينار ,,,,المحاسب عطيته الكي نت وطلعت العمليه مرفوضه!!!! ووراني الوصل
قلت له جرب مره ثانيه ونفس الشي العمليه مرفوضه مع انه فيها رصيد ووراني الوصل العمليه مرفوضه!!!
رديت عطيته بطاقه ثانيه متأكده الف بالميه انه فيها رصيد ومالي خلق ارجع البيت وارجع اشتري اغراض مع زحمه العيد
كلاكيت ثالث مره العمليه مرفوضه!!!! يااااااااااااه شسالفه!! ما اظلم المحاسب لانه وراني الوصل
المهم طلعت الفيزا <<<<< الاخت مصره تشتري ........... وسحبت وتمت العمليه بسلام
وقالي المحاسب ترى تصير مع زحمه العيد
والله ثم والله مالي عاده اشوف اخر ثلاث عمليات تمت على الحساب :eh_s(10):
ولا مسحوب مني 24+24 في نفس اليوم =48
وعلى طووووووووووول طلعت البطاقه الثانيه ولا بعد 24 المجموع صار 72 :rgewrg:
وعلى طووووول دقيت على البنك وقالو لي ترى عادي تعالي سوي مطالبه ونرجع لج فلوسج خلال 10 بالكثير وال10 صارت 3 اسابيع بحجه انه زحمه عيد واخر شي اقبض من دبش :eh_s(16):
يقولون المحل مو راضي يرجع المبلغ!! لو داريه من اول انه السالفه بيد المحل جان رجعت بنفس اليوم اللي دريت فيه وكلمت صاحب المحل
ديروووووووووووووووو بالكم اذا العمليه مرفوضه احتفظي بالوصل واذا اكتشفتي ان المبلغ انسحب راجعي المحل

 

[أم أحلى البنات.]

رد : رد: الكي نت وسيلة للنصب ديروا بالكم

حبايبي هذا ولااااااااااااااا شي

سمعو مصيبتي للعظه والعبره
كان وقت رمضان والدنيا حوسه وتجهز للعيد وانا توه واصله خدامتي وانا على طول من اخذها امر فيها المحاميد اشتري لها ملاب داخليه ويونيفورم وفوطه وهالسوالف عشان جنطتها تنقفل ومالها اي شغل فيها
ماعليه من كل هالحجي .......... المهم شريت لها الاغراض وشريت لخدامه امي بعد طلع الحساب بحدود ال 24 دينار ,,,,المحاسب عطيته الكي نت وطلعت العمليه مرفوضه!!!! ووراني الوصل
قلت له جرب مره ثانيه ونفس الشي العمليه مرفوضه مع انه فيها رصيد ووراني الوصل العمليه مرفوضه!!!
رديت عطيته بطاقه ثانيه متأكده الف بالميه انه فيها رصيد ومالي خلق ارجع البيت وارجع اشتري اغراض مع زحمه العيد
كلاكيت ثالث مره العمليه مرفوضه!!!! يااااااااااااه شسالفه!! ما اظلم المحاسب لانه وراني الوصل
المهم طلعت الفيزا <<<<< الاخت مصره تشتري ........... وسحبت وتمت العمليه بسلام
وقالي المحاسب ترى تصير مع زحمه العيد
والله ثم والله مالي عاده اشوف اخر ثلاث عمليات تمت على الحساب :eh_s(10):
ولا مسحوب مني 24+24 في نفس اليوم =48
وعلى طووووووووووول طلعت البطاقه الثانيه ولا بعد 24 المجموع صار 72 :rgewrg:
وعلى طووووول دقيت على البنك وقالو لي ترى عادي تعالي سوي مطالبه ونرجع لج فلوسج خلال 10 بالكثير وال10 صارت 3 اسابيع بحجه انه زحمه عيد واخر شي اقبض من دبش :eh_s(16):
يقولون المحل مو راضي يرجع المبلغ!! لو داريه من اول انه السالفه بيد المحل جان رجعت بنفس اليوم اللي دريت فيه وكلمت صاحب المحل
ديروووووووووووووووو بالكم اذا العمليه مرفوضه احتفظي بالوصل واذا اكتشفتي ان المبلغ انسحب راجعي المحل

صارت فيني بصيدليه ..بس العكس, ان وصلني مسج ان انخصم مني المبلغ بس عند الصيدليه لا ...

بس صج بنات سالفة ان السعر غير والبياعين يحطون أكثر ممكن تصير لأن انا عن نفسي ما أشيك عالفاتورتين:bbbiu:

 

[بدوية بملامح كشميرية 86]

رد : الكي نت وسيلة للنصب ديروا بالكم

عاد انا الحين كل شغلى ادفعه بالكى نت ولا اهتم كلش

زين نبهتينى

 

[ريـــ205ـــم]

رد : الكي نت وسيلة للنصب ديروا بالكم

صاجه وايد تصير

مشكوره حبيبتي انج نبهتينى

 

[hneen2]

والله صاجه انا اقول رصيدي شفيه يطير بسرعه

 

[نونو النويره]

رد : الكي نت وسيلة للنصب ديروا بالكم

وي ي ي ي
اب
اب
اب:n2006107:

 

[خيآآآل الكويت]

رد : الكي نت وسيلة للنصب ديروا بالكم

والله توني ادري انهم يسوون جذي حسبي الله عليهم ،،،،،،، والله يجزاج الجنة على التنبيه ،،،،،،،،،،،

 

[اربعينية وصغيرة]

رد : الكي نت وسيلة للنصب ديروا بالكم

جزاج الله خير عالتنبيه

 

[فنكيه]

أنا في البانزين دايما يقصون علي ههههه
اخر شي قمت اخز العداد واشوف ياخذون فلس زياده
ولمن يرجعولي الباجي مو اخذه وامشي لا اعده عد
واذا انا بعطي اكراميه اعطي واذا ما ابي انا مو مجبوره
ومايصير ياخذون شي بالغصب

 

[ام دليار]

رد : الكي نت وسيلة للنصب ديروا بالكم

مشكورة على التبيه:s141:

 

[that night]

رد : الكي نت وسيلة للنصب ديروا بالكم

امي صارت معاها نفس الحركه

 

[حجيه هيونه]

رد : الكي نت وسيلة للنصب ديروا بالكم

مشكوره على التنبيه


بس الى اعرفه للبنات الى قالو انه طلعت العمليه مرفوضه وانخصم

المفروض بالحاله هذي ينحجز المبلغ بالبنك ويرد للحساب بعدين

يعني المشكله من البنك مو من المحل فروحي لهم

 

[دلع86]

واااي عاد انا كلش ماهتم احط الرقم السري وبس

زييين نبهتيييينا والله

استغفرالله مادري شلون الاوادم ياكلون فلوس حرام

 

[nora al]

رد : الكي نت وسيلة للنصب ديروا بالكم

زين نبهتيناا حبيبتي عاد اناا صايره كله كي نت ماالي خلق اسحب كلش ماادري اشفيني ماقمت احب اروح البنك لوول


حتى لوو ياخذون محنا محللينهم مادري شلون الناس قامت تحلل كل شي عادي !!