الكل يتطنزويقط كلام لاني ماحملت

[ربي يفرج لي]

مشكورين على الرد بس النفسية تعبانة واسالتهم تحرج خصوصا انا ماعندي لسان اسكت وابتسم واقول على الله وبس وهم مايعرفون انه هالاسالة تسبب احراج وتلعب بالنفسية يارب ياكريم انك ترزقنا ولا تحرمنا من الذرية الصالحه

 

[الاميرة26]

اختي راسليني على الخاص وانا اقوم باعطائج بريد الالكتروني لطبيب اعشاب يحل مشكلتج ويقوم باعطائك وصفات تحضيرها بنفسج هذا الي صار معاي وراسلت المختص وارل لي الوصفة وحضرتها وشفيت من التكيس

اذا تبين البريد الالكتروني راسليني على الخاص

 

[irresistible]

اي و الله دلوعة ان اتكساس بالطقاق ترى حجي الناس ما يخلص شوفي خلج اكبر منهم اللي حش فيج اليوم لج يوم بيوقف جدام رب العالمين و بيسأله الله سبحانه و تعالى اذا كان هذا الشخص معترض على حكمة الله خل يعرف يجاوب ساعتها

 

[foozia_87]

الله يصبرج ويرزقج قوليلهم انتو محترين مني علشان شقيانين مع الياهال ومسؤوليات وانا مرتاحه ومستقره مع زوجي انام واقعد بكيفي

 

[كويتيه كلاس]

آنا ما راح أستنكر و أعيب على الناس لأن البشر جذيه حب التدخل و الفضول يسري في دمهم و اللقافه بعد !!!

بس آنا أعيب عليج إنتي يا إللي حريتي قلبج على شنو ..؟؟؟

على أمر مو بإيدج ..؟؟ هذا أمر من ربي قضاء و قدر ...

آنا صارلي تقريبا سنتين .. ما رزقني ربي ..

مو مني .. من ريلي ... و كلمن يسألني ليش ما تعالجين!!

و الله دايما أقولهم تو الناس عالحمل ما أحس إني مستعده!!

و بعدين آنا مسويه فحوصات مافيني شي ..

فيقلبون على ريلي خليه يسوي فحوصلت شنو ما يبي يهال!!

واااااااااي لقااااااااااااااااافه !!!

أقول حتى هو مسوي مافيه شي هذي كتبت الله ..

فينجعمون ...

و ألحين أخذتها قااااعده .. إللي يسألني يتحمال التجعيم إللي بيجيه مني!!! :23_asmilies-com::23_asmilies-com::23_asmilies-com:

ههههههههههههههههههه

 

[البيداء_77]

حاسة فيج حسبي اللة ونعم الوكيل لا تخافين ربي ينتقملج منهم الجئي الى ربج

 

[Snow-White]

قوليلهم هذا شي بايد الله والحمال ترى مو شطارة حتى القطاوة تحمل looool
صج رد قاسي بس ينفع مع هالاشكال..عيل تقولج لو ينام مع ريل السرير! صج وقاحه

 

[@ دهن العود @]

استغفر الله على هالبشر ما يخلون احد بحاله

 

[فطوم حيص بيص]

واااااااااااااي الله يعينج والله طنشييي يا قلبي طنشي انا صارلي 4 سنين متزوجه والله ما كتب احمل رحت عالجت مرتين وما حملت الحمدالله علي كل حال صج انا ميته علي الحمال بس ما ابين للناس اني ميته علي الحمال لان في نوعيه من البشر استغفر الله ان حسوا انج مستعجله علي الحمال غثوووج انا اقرب الناس غثوني بكلام مثل السممم واولهم حماتي كل ما نتجمع تقط كلام وتسولف عن بنات احملوا اول زواجهم وهالسوالف استغفر الله يسامحهاااا ما عليج من احد دام انج وريليلج متفاهمين وتحبون بعض طنشيييييييييييييييييييييييييييييييييييي والله يرزقج يارب ويرزقني قولي امين

 

[شيخه_البيض]

مرحبا


انا تقريبا مثل حالتج بتاريخ 15\1 يصير لي 10 شهور من تزوجت

وتزوجوا معاي بنفس الشهر ماشاء الله 8 والله كلهم حملوا وعلى وشك ولاده والله بدون اي مبالغه


بس انا ماتأثرت ولا شيء بالعكس لا وبعد اخو زوجي متزوج معاي بنفس اليوم ومرته يمكن اليوم باجر تولد

وانا عادي لان زوجي مايقولي شيء يقول اهم شيء انا وياج مع بعض وبصحه وعافية الحين انا وياج نروح نيي على كيفنا باجر بيونا يهال بلعوزونا وياخذونج مني

يعني اهوا يواسيني اذا حس اني شوي تضايقت من الكلام اللي اسمعه


وعلى قولت البنات انا من اقرب الناس قاعده اسمع كلام لي توه قبل شوي عمتي تقولي الناس سبقوج وانتي لمن الحين ماحملتي


اقولهم كل شيء بيد ربي وبعدين اهوا دايم يقولي انتي البيبي مالي مابي يهال خلاص اهني صج يحترون ان شلون انا مو متأثرة ولا شيء


صج اتضايق بس لمن افكر بريلي واشلون احنا مستانسين مع بعض انسى كل شيء


والحمدلله على كل حال

 

[%الصبر مفتاح الفرج%]

ماعليج منهم الرزق بيد الله والله يعوضج عاجل غير آجل

 

[atooma]

لا تعليق

موضووووع يحر

بس بقولج شغله انا صارلي شهر متزوجه اتصدقين يقولون ما حملتي

ههههههههههههههههههههههههههههههههههه حدها مصخره بس حرااام مو اهل زوجي

رفيجاتي الله يعفي عنهم وارد واقول لهم والله مو كمبيوتر عشان بالسرعه هذي

ناااااس ذابحها الفضووووول

الله يعفي عنهم

 

[ربي يفرج لي]

ربي يسمع منكم ويرزقكم انشالله باحلى تؤم

 

[Raveena]

ويقولون لي "لو نام رجلج مع السرير حمله "

وااااااااي قلة ادب

طنشيهم و قولي لهم تو الناس خل استانس اذا درو انج ميتة على الحمال راح يضايقونج و ينرفزونج بأي طريقة



انا تزوجت ما صارلي 6 اشهر خالتي ودتني دكتورة علشان اعالج و سويت فحوصات انا و ريلي و مافينا شي حتى امي عصبت قالت لي خالتج ينت!! توج عروس لاحقة على الحمال و انتي مافيج شي ليش تعالجين .. جربت العلاج و مافاد صارت فيني احباط كل ما اشوف خالتي تقوللي متى تحملين حتى عمي قاللي متى قلت له تو الناس يقوللي يعني متى ناوية تيبين عيال لما تعيزين :eh_s(11): كنت اتضايق و من داخلي ناار بس ما ابين لهم و يقولون لي فلانة حامل و علانة حامل جنهم يقطون نغزة ليش انتي ما حملتي:eh_s(11): و الحين الحمدالله عندي 3 و بدون علاج .. النفسية تلعب دور اذا فكرتي وايد راح يتأخر الحمل

 

[glow 'n' show]

لا تضاييقين و خليها على الله و انا كنت نفسج و كل اللي تزوجو معاي و عقبي حملو ولدو وكل ما احد سالني قلت واااي توني صغيرة ماستانس مع ريلي و من هالحجي..لاما سكتوا و اقتنعو بكلامي ..

و اذا تبين نصيحتي وعشان ترتاحيين روحي حق دكتور سامر الريس اللي برويال حياة واااايد زين و خلي الهادي عنج والله الهادي مو شي انا رحت مره و ما ارتحت بس هالدكتور شاطر بهالسوالف روحي جربيه و انشالله يكون خير عليج حبيبتي

 

[فاطمة76]

و الله ان في ناس من أهلي قالوا عني عقيم مع أني بعيدة عنهم و متغربة و مع ذلك حاطيني براسي مو ساكتين وانا توني موقفة الحبوب من كم شهر يعني جسمي يبي له فترة عشان يسترد وظائفة الهرمونية بس الناس مالها شغل غير الكلام الفاضي من غير ما يدرون ظروف الانسان الله المستعان و الحمد لله اليوم سويت تحليل و طلعت حامل ربك ما ينسى حد و ما بيحرم حد إلا لحكمة هو وحدو يعلمها لهذا أقولك طنشي و خليك هادية ترى الحالة النفسية تأثر على الحمل
ريلااااااااااااااااكس اختي

 

[ni3ssani]

خليهم يولون ولا تهتمين لكلامهم (((((((((

انا بعد ما حملت للحين،،، الله يرزقنا ويرزق الجميع الذرية الصالحة

 

[F@ntG Q@t]

حبيبتي أنتي قولي حق ريلج ما يهتم الله يكتب لكم الي فيه الخير واهم شي أنه ريلج يحبج ويقدرج وفهميه هالشي والله أهم شي حب زوجج والباجي طاااااااااااااااااااااااااااااااااف وراح يصبر وان الله مع الصابرين

 

[Swan]

المشكلة ان الناس من كثر ما تعودوا عالحمال بسرعه
نسوا انها نعمه من الله يرزقها من يشاء من خلقه
والمفروض انهم يدعوا لج بالذرية مو يتطنزون
لا الله يبتليهم بنفسهم وعيالهم

مالج غير ربج
ادعي واستغفري وتحسبي على هالناس وطبعا لا تنسين الاخذ بالاسباب
وان شاء الله بيرزقج بالذرية الصالحه بالوقت المناسب
والخيره فيما اختاره الله

 

[sanfora]

فهميهم ان الرزاق اهو الله ومثل مارزقهم يقدر يرزقج بالذرية بس ماتدرين يمكن هالشي فيه مصلحة لج......
وعسى ان تكرهوا شيئا وهو خير لكم
لاحقة ان شاءالله ويرقج ان شاءالله ويرقنا